Bìoball air-loidhne

Kòlò̆ssia 1:5 - Geba Roman New Testament

⁵ B́ĕ dèwîdèkè̆ adî̄ahma htè Vanzĕlō dohtî thĭ aŭsugudŭ tapla nu, thĭ thîhè̆b́ègè dèsascĭi awîakè̆ lò. Mègōnu d́ō, thĭ dèb́udènè kî thĭ dèb́èlò̄ ad́ògòdòhtai ane d́ŏ thĭ dèsascĭi, htè ab́èprahnè thĭ nikhĭ d́ŏ Mò̄kho acè̆ nu.

Faic an caibideil Dèan lethbhreac

dol air ais ⬆

Kòlò̆ssia 1:5
33 Iomraidhean Croise

Lŭka 12:33

Sè̆lăkè̆ lŏ thĭ dî̄ thĭ dè kî ila bija assègnè̆pho tòcò nu. Mèbò̄ thĭ nikhĭ hô̆gôdô htè adilidèhwè̆ za ńò, dèlīdobwîthè̆ adolōza ńò d́ŏ Mò̄kho nu, d́ŏnu htè a ahudè de leb́ôhtî za ńò kî phè̆pu ta aza ńò nu.

Faic an caibideil

Thodŏpho 10:36

Zè dèjî̄b́èla d́ŏ Israè̆lpho tòcò ò, Zô thôithò̆i dècodèkhli d́ŏ Jezŭ Krĭstu, htè aḿî bija lŏcăcè Ab́ĭcè dèbwè alòmò bu nu.

Faic an caibideil

Thodŏpho 13:26

“Jè thè̆buthè̆we Abraham aphoali tòcò, kî lŏ thĭ ascisăni Kib́ĭcè ale tòcò, dèhlô̆htage awîakè̆ ajo ḿî thĭ nikhĭ.

Faic an caibideil

Thodŏpho 23:6

B́ĕ Păulu tcahtîgè bija gīpho dopho ḿî Saducè̆pho, alewe dopho ḿî Pharizè̆pho d́ō zo johtagè acirradè tòcò, cò d́ò, “Thè̆buwe tòcò, jî ḿî Pharizè̆pho dèbwè, kî Pharizè̆ apho dèbwèbwè. D́ŏ wè dèsascĭi dèhtaboge akhoacè̆, khŏnujo jè b́ègè dècirra,” cò d́òhtagè do.

Faic an caibideil

Thodŏpho 24:15

Jò òi tèpwè dèsascĭi Kib́ĭcè htè ajāthô cè ajo tòcò nu, htè bija lŏcăcè, awî wî, akî̆kkè kè, gī nib́è dèhtaboge dèthĭklè̆ nu.

Faic an caibideil

Rŏma 10:8

Alewe dòkhò̆ ad́òwe d́ò̆ “Dèjî̄b́è ajo, (Dèb́u htè wò d́òŭd́ò̆sa nu) òb́ôhtî d́owĕ htŏ thĭ, aò d́ŏ thĭ lòmò bu kî thĭ thabu nu.”

Faic an caibideil

1 Kòrĭn 13:13

Khŏnojo, dè aò thèj́ô̆ ḿî thŏ mo; dèb́u, dèsascĭi, kî dèb́èlò̄; kî d́ŏ aklè̆ adokhlŏ ḿî dèb́èlò̄ lò.

Faic an caibideil

1 Kòrĭn 15:19

Wè dèsascĭi Krĭstu abu nu, gî̄ ḿî ma pwe dèòthôḿô̆ b́ĕ Lākho ajo dôzô lò kî agò̄ to dolĭ ma ajo ńo nu, wò mò nib́è dèthakhòwè d́olĭ kî bija alewe aò Lākho thèd́è̆b́è nu.

Faic an caibideil

2 Kòrĭn 5:19

Wè dèd́ò̆htôla ḿî, Krĭstu akhoacè̆ Kib́ĭcè mèthògegè bija lŏcăcè awîakè̆ nu. Kib́ĭcè dè mèhmăi tèpwè bija adèkhòwèkhòkha ńò, kî Ci ithîhè̆gè wa htè Zè mèphî̆hta bija Cò thò awîakè̆ nu.

Faic an caibideil

2 Kòrĭn 6:7

dèjî̄b́è adî̄ahma kî Kib́ĭcè adècô̆dèthèlè̆ abu nu, wò òi dèdî̄dèhma adèrî̄dècŭ d́ŏ wu cudèhtwè kî wu cutîcî abu nu, wò ò apradòlò d́ŏ dèthăwā akhînare abu.

Faic an caibideil

Galatiăno 2:14

B́ĕ ja tcahtî cè tòcò de lekô danāpi Vanzĕlō adèdî̄dèhma aklè ńò d́ō, d́ŏ bija gŏ abwè ahlò̆mò̄ nu jò d́ògè Petru, “Ni ḿî nòthò̆ Jŭdapho dèbwè hnò̆nu, ńò ògè acab́ô̆ bwèthŭkupho tòcò nu, tè b́è acab́ô̆ Jŭdapho dèbwè nu ò akhò̆ ńò. Mègōnu d́ō, na gā hna za d́ò̆ bwèthŭkupho tòcò agô̄ lôkô Jŭdapho aklèathòò̆ cadè̄?” jò d́ògè cè do.

Faic an caibideil

Galatiăno 2:5

Ja thaè wōikèi Vanzĕlō ahtabohtab́ă akhoacè̆, ji ti igè bija anu tòcò asu tîkî̆ ńò.

Faic an caibideil

Galatiăno 5:5

Ḿî kè tòcò jo nu, kè̄ b́è d́ò̆sa kî Kib́ĭcè aSpirito Tcahtĭ agā wāhlè dèb́u ailanigè dèsascĭi cò òsô̆wô̄igè tòcò nu.

Faic an caibideil

Ephè̆sus 1:13

Thĭ htè athîhè̆b́ègè dèdî̄dèhma alēahwè, Vanzĕlō htè alei thĭ dèhlô̆htage tòcò nu ḿîgè Kib́ĭcè abija. Thĭ ab́ugè Krĭstu tòcò, thĭ b́è dòlahnè̆i kî Spirito Tcahtĭ htè Co ŏlăphlalahnè htŏ nu.

Faic an caibideil

Ephè̆sus 4:21

Thĭ thîhè̆b́è htŏ Zî wî Cè kè̆, kî acab́ô̆ thĭ ḿîgè Zè bwè Thodŏpho tòcò nu, thĭ b́è thèihŭ htŏ dè ab́èabò htè aò d́ŏ Krĭstu abu nu.

Faic an caibideil

Kòlò̆ssia 1:23

Dè alobawe domo ḿî thĭ gò̄ bò̄kô b́è dèdî̄dèhma kî solahmeglobò̄ thĭ dèb́udènè, cab́ô̆htè dèsascĭi htè thĭ nib́ègè b́ĕ thĭ thîhè̆b́è Vanzĕlō nu dèdè̆ gē de gleglābò̄ ńò anikhĭ nu. Jè, Păulu, phî̆htagè dèkhî̆dèbwè ab́èkja Vanzĕlō htè ab́è d́ò̆htôlani htŏ bija gŏ abwè d́ŏ Lakho jo nu.

Faic an caibideil

Kòlò̆ssia 1:27

Kib́ĭcè adèprahnèdòlò ḿî Cè gè̄ d́è̆lî̄phlò̆hta Za bijakhwĭpho tòcò Zè dè ahuab́i alīdobwîthè̆ kî Zi dèhĭdohtè̆do tòcò d́ŏ bija lŏcăcè anikhĭ nu. Kî dè ahuab́i ḿîgè Krĭstu ò thĭ bu acè̆ d́ō, thĭ gī nib́èplogè Kib́ĭcè adòathe nu.

Faic an caibideil

Kòlò̆ssia 3:16

Ibò̄ Krĭstu adèd́ò̆htô htè alīdobwîthè̆ nu ò d́ŏ thĭ thabu nu. Thèhlô̆ kî htôimāihlèbò̄ lōwa acab́ô̆ thĭ dèzadèbla ò atherĕ nu. Thăbôbò̄ Psălmo adèthăbô̄, dèthub́uthèb́è̆ adèthăbô̄ kî dèthîhè̆htage Kib́ĭcè ami lŏtholŏtha abu nu.

Faic an caibideil

1 Thèssalò̆nika 2:13

Dè alewe domo ḿîwî thîhè̆htage ma Kib́ĭcè thèjô̆ nè nu. B́ĕ we lei thĭ B́ĭcè Adèthalōthalai Awîakè̆ nu, thĭ thîhè̆ kî thĭ phînigè, cab́ô̆htè aò d́ŏ Kib́ĭcè ò alagè nu, kî tè b́è acab́ô̆ aò bija ò ala ńò nu. Manè̄ d́ō, Kib́ĭcè mèdè d́ŏ thĭ ab́udè tòcò abu acè̆ nu.

Faic an caibideil

2 Thèssalò̆nika 2:16

B́ĭcè Jezŭ Krĭstu kî Pa B́ĭcè htè ab́èlò̄ kè adèhludètă acè̆, thĭ gī nib́è d́ò̆è tha adèkhŭdèhè̆ pĕhtazòhta kî dèmulè̄sascĭ ahmeaglo,

Faic an caibideil

1 Timò̆theo 1:15

Ajo ḿî dèjî̄b́è adî̄ahma d́ŏ amò phîni kî b́u hnèhnè lò. Jezŭ Krĭstu la d́ŏ Lākho jo ḿî cab́ô̆htè Zè gè̄ mèhlô̆htage dèkhòwèpho tòcò, d́ŏ aklè̆ ji ḿî dèkhòwèpho akî̆kkègudŭ dèbwè nu.

Faic an caibideil

2 Timò̆theo 4:8

Cahta b́ĕ khŏnu jo, dènodèbè adèlīdèbwî htè dèmèdî̄mèhmage jè òhnè htŏ ji nikhĭ. Ḿî Kib́ĭcè Acirradè adî̄ahma adèila ji nikhĭ nu. Ci ki ilakò̆ jè b́ĕ muni dini nu. Kî tèb́è htĕ jè dèbwè anikhĭ lò ńò, gajă bija htè ab́èlò̄ Cè kî adôlai Zè dè òlî̄hta kòd́ò̆ athè̆ lŏcăcè tòcò anikhĭ lò.

Faic an caibideil

Tĭto 1:2

Dèthub́uthèb́è̆ ajo nu akhahtîkhab́ò̆ ḿî dèsascĭmulè̄ ab́èkja dèthôḿô̆ lahtŭlablo nu. Hlĕ Lākho dukhlŭ òhta hnî̆ńò nu Kib́ĭcè htè adè plè du hlŭ ńò dèbwè ŏlăphlalahnè htŏ aki ikè dèthôḿô̆ alahtŭlablo nu htŏ.

Faic an caibideil

Hebrè̆u 7:19

Manè̄ kò̄ d́òdo dō, Mŏzè Adèhmèla dè mèwîmètcă kèhtagè bija dèbwè ńò; ḿî dèsascĭi adokhlŏ òhtablôgè, aḿî dèsascĭi htè aleihŭ wa b́ôhtî d́okhlŏ kî Kib́ĭcè nu.

Faic an caibideil

1 Petru 2:2

Thĭ ḿî bwè aòlathè̆, thĭ mò lakî abĭsèpho aò̆nu htè nuhtĭ akhlŏ ada thaò̆ dimĭ ńò akhò̆ nu thaẃithaò̆ b́è thotha adèdî̄dèhma htè agè̄ mèdohta thĭ d́ŏ dèhlô̆htage abu nu.

Faic an caibideil

1 Petru 3:15

Ḿî òi dèd́ŏdèj́a Krĭstu d́ŏ thĭ thaobu nu. Ò prahnèsèhnèbò̄ thĭ ne cab́ô̆htè thĭ kò d́òscĭge bija dèbwè dèbwè adèhtôdèd́è̆ thĭ htè thĭ nib́è dèsascĭi awîakè̆ nu.

Faic an caibideil

2 Petru 1:12

Mègōnu akhoacè̆ thĭ thîhè̆ htŏ kî ò htŏ nòthò̆ dèdî̄dèhma ajo dèdè̆ abu hnò̆nu jè gè̄ mè gomohtani thèjô̆kò̆ thĭ dè ajo tòcò jo.

Faic an caibideil

1 Zowănnī 3:3

Gaj́ă bija adèsascĭi ajo dèdè̆ d́ŏ Krĭstu abu gŏ abwè nu, zè mètcahtĭ ze ne acab́ô̆ Krĭstu ḿî atcahtĭ akhò̆ nu.

Faic an caibideil

Lean sinn:

Ceanglaichean taic

Sanasan

Sanasan