Tuturigana 7:11 - Ghari

¹¹ Mi kalina e ono sangatu na ngalitupana a Noa, tana sangavulu vitunina dani na rukanina vula, me pipi sui na mangamanga na kô loki i vavana na barangengo ara viri botsadato, me pipi sui na matsapakapuna na obo tana masaoka ara viri sangavi sui,

Tuturigana 7:11 Iomraidhean Croise

Tuturigana 6:17

Inau sauba kau alomaia kesa na obo loki tana barangengo me ke matesiligigira pipi sui na omea mamauri. Pipi sui lakalaka na omea tana barangengo sauba kara mate,

Tuturigana 7:6

E ono sangatu na ngalitupana a Noa kalina e tave na obo loki tana barangengo.

Tuturigana 8:14

Mi tana rukapatu vitunina dani tana rukanina vula, ma na barangengo e mamatsa saikesa.

Tuturigana 8:2

Migira na manga manga na kô loki i vavana na bara ngengo ma na matsapakapuna na obo tana masaoka ara vongotugua. Ma na usa e sui,

2 Taovia Tsapakae 7:19

Ma na mane sasanga e gokovisu vania a Elisa me tsaria, “!E utu saikesa ke laba vaga ia, atsa moa ti na Taovia segenina nogo ke moloa ke tumu na usa kalina nogo ia!” Ma Elisa e tsarivania, “Dou, sauba nomoa ko reia ke laba vaga nogo ia, migoe moa e utu lelê ko sanga na ganiana sa piqena.”

2 Taovia Tsapakae 7:2

Ma nina mane adigoko na taovia tsapakae e tsarivania a Elisa, “!E utu saikesa ke laba vaga ia, atsa moa ti na Taovia aia segenina nogo ke moloa ke tumu na usa kalina nogo ia!” Ma Elisa e tsarivania, “Dou, sauba nomoa ko reia ke laba vaga nogo ia, migoe moa e utu lelê ko sanga na ganiana sa piqena.”

Nina Papi A Job 12:15

Ma ti vaga God ke tangoli kapusia na usa, me gini laba na tagu na mamatsa, mi kalina ti vaga aia ke sangavitugua na uluna na kô, me tavetugua na obo.

Nina Papi A Job 28:4

Ma na omea vaga ia ara tau dona na aqosiana tana nauna varangisia tana ara totu na tinoni. Ara aqosia moa i longa vasau i tana e tau liu sa tinoni. Migira segeniqira moa ara totu i tana, mara soria na ropu katsi agana niqira mani dato tsuna kalina ara aqo i laona na qou loki ia.

Nina Papi A Job 38:16

“?Me laka o ba tsau nogo igoe tana vuravura i laona na maorodo na tasi? ?Me laka o ba sanga liu nogo igoe tana pakokana na kema?

Nina Papi A Job 38:37

?Masei nogo bâ e sasaga sosongo me tugu ke tsokoraegira na parako, me ke qeogira me ke gini tareo tsunamai na usa,

Linge 33:7

Maia e sarosaigira na tasi sui kesa moa tana nauna; me vongo kapusia na kema ke totu dodo i laona nina bara.

Linge 74:15

Igoe nogo o aqosigira na ko vuravura ma na ko tsatsali; migoe o korasigira mara mamatsa lê na ko loki.

Goko Tabana 3:20

Nina sasaga loki nogo e naua mara gini tave na kô, me moloa na parako na usa ke tumulia na barangengo.

Isaia 24:18

Asei moa ti ke tovoa na tsogo taniana na omea mataguniga loki sauba ke puka sage i laona na qou loki, masei ti vaga ke tovoa na tsogo taniana na qou loki, me sauba ke ba sogo tana taviti. Rongona na kolina na usa loki sauba ke taqetu tsunamai talu tana masaoka, ma na papakana na barangengo sauba ke kakanu popono.

Isaia 24:19

Ma na barangengo sauba ke tapavotâ me ke tarutu.

Jeremia 5:22

Inau nogo na Taovia. ?Egua igamu ti amu tau mataguniau inau? ?Megua ti amu tau gagariri i mataqu? Inau nogo au moloa na one i tana ke vosa mai na tasi, aia na vovotana kalavata, me utu goto ke liusia. Na tasi atsa moa ti ke karara loki, me tau moa tangomana ke liusia, ma na panu kara kukutu loki, me tau goto tangomana kara liusia.

Jeremia 51:16

E goko moa aia, me alevo na kô i gotu tana masaoka; me naua mara maisai na parako na usa tû tana susuina na barangengo. Maia e naua me kirapi na angaanga i laona na usa, me molomaia na guguri loki talumai tana nina voki na mani mololaka omea levo.

Esekiel 26:19

“Minau na Taovia God au tsaria: Minau sauba kau naua migoe ko totu mangu lê vaga igira na verabau ara toroutsa sui nogo me tau nogo totuvigira ke kesa. Sauba kau lumitsunago tana maorodo.

Malaki 3:10

Kamu adimaigira tana niqu Vale Tabu na vangana popono na sangavulunina turina nimui omea sui, me ke gini danga gaqira mutsa igira ara aqo vaniau i laona na Vale Tabu. Eo, kamu tovoleau inau, me sauba kamu reiginia laka inau sauba kau sangavigira na ovaova na baragata, ma kau qetu tsunamai vanigamu pipi vatana na omea dou sui.

Mateo 24:38

Kalina e tau vati tave moa na obo loki, migira sui na tinoni ara totu matengana moa na mutsa ma na inu, ma na vaitaugagi na mane ma na daki, me tsau baa tsotsodo tana dani a Noa e sage i laona na vaka.

1 Tesalonika 5:3

!Eo, kalina igira na tinoni kara tsaria, “Na omea sui ara goto nogo, mara totu dou sui,” mi tana tagu tsotsodo nogo ia, sauba ke tavongani gadovigira na rota loki, me ke vaga nogo kalina na daki e tavongani vatsangisavia na sosongo loki tana vasusu! Me ke utu goto vanigira na tsogopoi taniana.

2 Petero 3:6

Mi muri maia e gini aqo goto na koo, aia nogoria na koo na obo loki e luvusiginia na barangengo ni oka.