Tuturigana 6:6 - Ghari

⁶ ma na Taovia e padasavi sosongo rongona aia e aqosigira me mologira tana barangengo. Me gini melu loki sosongo tobana,

Tuturigana 6:6 Iomraidhean Croise

Tuturigana 6:7

me tsaria, “Inau sauba kau matesiligigira sui saikesa na tinoni girani inau au aqosigira, migira goto na omea tuavati sui, ma na omea ara tere tana kao, ma na manu, rongona inau au gini padasavi sosongo matena au aqosigira.”

2 Samuel 24:16

Mi kalina nina angelo na Taovia e vangaraua laka ke toroutsani saikesalia na Jerusalem, ma na Taovia e pilotoba tugua tana kedeaqira na tinoni, me tsarivania nina angelo, “!Ko laka! !E tugunogoa!” Mi tana tagu ia, ma na angelo e tutû i ligisana nina nauna na mani labududusi uiti a Arauna aia na Jebus.

1 Turupatu Dato 21:15

Mi muri, ma na Taovia e molovanoa kesa na angelo laka ke bâ toroutsani saikesalia na Jerusalem, maia e pilotoba tugua me tsarivania nina angelo, “!Ko laka! !E tugunogoa!” Mi tana tagu ia, ma na angelo e tutû i ligisana nina nauna na mani labududusi uiti a Arauna aia na Jebus.

Linge 106:45

Tana rongoqira nogo igira, ti aia e gini padavisua na taso e naukolugira, mi tana nina galuve loki ti aia e mololetugua na sekoliaqira.

Linge 110:4

Na Taovia e vatsa nogo me utu goto ke olia nina veke. Aia e tsarivaganana: “Igoe o manetabu saviliu vaga nogo a Melkisedek.”

Linge 119:158

Mi kalina au reigira igira ara piloligi tanigo, mau reisavigira sosongo rongona ara sove na muriaqira nimu ketsa igoe.

Linge 78:40

!E danga sosongo kalina igira ara petsakoe vania tana kaomate; me gini melu tobana!

Linge 81:13

!Ti vaga niqu tinoni kara rongomiau moa inau; ma kara naua na omea inau au ketsaligira kara naua!

Linge 95:10

I laona e vati sangavulu ngalitupa inau au qisi tanigira na tinoni girani. Mau tsaria, ‘!Igira ara petsakoe sosongo, mara sove na muriaqira niqu ketsa!’

Binaboli 32:14

Mi tana, maia na Taovia e olitugua nina papada, me tau tugua naua na omea seko aia e padâ laka ke nauvanigira nina tinoni.

Isaia 48:18

“!Ti moa vaga igamu kamu dona na muridouaqira niqu ketsa! Mi tana ti niqu rago ke tatave vanigamu vaga moa na ko tsatsali e vô na mamatsa. Ma nimui sasaga goto ke dato susuliga, vaga moa na kararana na panu.

Isaia 63:10

Migira moa ara sove tania, me gini melu nina Tarunga Tabu. Maia nogoria na rongona ti na Taovia e vaigalagi kolugira, me vailabu kolugira.

Jeremia 18:7

Me ti vaga sa tagu moa kau tsaria laka sauba kau tatavutia, se kau vuipukalia, se kau toroutsania sa puku se sa vera loki,

Jeremia 26:19

Maia Hesekia na taovia tsapakae migira na toga tana Juda ara tau matesia a Mika. Tagara, a Hesekia e matagunia na Taovia me nongia ke galuvea. Mi tana, ma na Taovia e olia nina papada, me tau nogo moloa na rota seko loki aia e tsaria sauba ke gadovigira. Mi kalina ia, ti vaga igita ka matesia a Jeremia, migita segeni nogo ka alomai vanigita na rota seko loki.”

Esekiel 33:11

Migoe ko tsarivanigira laka inau na Taovia God mamauri au gini vatsa na asaqu segeni nogo inau, laka au tau saikesa gini mage kalina e mate kesa tinoni sasi. Inau au ngaoa moa ke piloligi tania nina sasi me ke mauri. Kamu rorongo igamu na Israel. Kamu mololegira pipi nimui nauseko amu naugira. ?Rongona gua ti amu ngaoa moa laka kamu mate lê?

Hosea 11:8

“?Me koegua ti kau mololegamu igamu na Israel? ?Me ke koegua ti kau tsonilegamu? ?Laka kau sekoligamu vaga au nauvaninogoa na vera ni Sodom, se kau nauvanigamu na omea vaga au nauvanigira na Gomora? !E utu! Niqu galuve vanigamu e loki sosongo me gini utugana vaniau kau sekoligamu.

Joel 2:13

Nimui tobamelu nogo ke sauvulagia laka amu padasavigira nimui sasi, me tau tana ratsiana lê moa na polomui.” Kamu visumaitugua i konina na Taovia nimui God. Aia e tobalaka saikesa, me dona moa na galuve. Aia e dona sosongo goto na berengiti, me manaligira pipi sui nina veke, me totu vangarau sailagi gana na padaleaqira na sasi, me tau gana na kede tinoni.

Jona 3:10

God e reia na omea ara naua. E morosia laka ara mololenogoa niqira sasaga tabaru. Te e gini olia nina papada me tau kedegira vaga aia e tsarinogoa laka sauba ke naua.

Malaki 3:6

“Inau nogo na Taovia, mau tau dona na oli. Me vaga ia, migamu na kukuana a Jakob amu tau vati seko pitsu moa.

Tsoko Tinoni 23:19

God aia e tau saikesa vaga na tinoni lê me ke dona na peropero; me vô na oliana nina papada vaga ara naua igira na tinoni. Ma na omea sui moa aia ke vekea, sauba ke manaligira nomoa; aia e goko moa, mara laba na omea vaga aia e tsaria.

Roma 11:29

E utu goto vania God ke olia nina pede murina aia e pede sui nogoa asei igira e viligira me vangalaka vanigira.

Epesus 4:30

Kamu laka na tsaiana me ke gini melu nina Tarunga Tabu God. Rongona na Tarunga Tabu, aia nogo nina marepapadana God i konimui laka aia e tamanigamu, ma na padapada laka sauba ke laba na Dani i tana God sauba ke maurisigamu.

Na Vaolusi Ketsa 32:29

Ara tau tangomana kara reigadovia na rongona gua ti gaqira gala ara tuliusigira, mara tau goto tangomana kara padagadovia na omea vaga ia ara laba.

Na Vaolusi Ketsa 32:36

Na Taovia sauba ke laumaurisigira nina tinoni me ke galuvegira igira ara aqovania, kalina ke reia laka ke nanga lê sui nogo gaqira susuliga, me ke tagara nogo ke kesa ke kauvisu.

Na Vaolusi Ketsa 5:29

!Ke dou sosongo ti vaga igira kara papada vaga nomoa iani pipi tagu! Ma kara padalokiau inau, ma kara murigira pipi sui niqu ketsa, rongona ke gini vano dou sailagi pipi na omea sui vanigira igira, migira goto na kukuaqira.

Hibru 3:10

Aia nogo na rongona te au gini kore vanigira na tinoni girani, mau tsaria, ‘Pipi kalina na tobaqira e totu ao taniau, mara tau tami na muriana niqu goko.’

Hibru 3:17

?Masei igira God e kore vanigira i laona e vati sangavulu na ngalitupa? Igira nogo na tinoni ara sasi tana legai mangu, mi tana ara viri puka mara mate.

Iakobo 1:17

Pipi sui na sausau dou ma na tuva vangalaka ara talumai moa i baragata. Ara tsunamai talu i konina God, aia e volagira na marara sui ni gotu. God aia segeni moa e tau dona ke oli. Maia e tau goto rodo kalina e rodo na aso.

1 Samuel 15:11

“Inau au padasavi sosongo rongona au vilia a Saul ke lia na taovia tsapakae; aia e piloligi taniau nogo inau, me tau muria na omea inau au ketsalia ke naua.” Ma Samuel e kore sosongo, mi tana bongi popono ia e ngangaidato vania na Taovia.

1 Samuel 15:29

Niqira God loki igira na Israel aia e utu saikesa ke pero se ke olia nina papada. Aia e tau na tinoni, me tau dona ke olia nina papada.”

1 Samuel 15:35

Mi tana tagu popono e mauri a Samuel e tau goto reilakana na taovia tsapakae; maia e tangisia moa. Ma na Taovia moa e padasavi sosongolia rongona e vilia a Saul te aia e lia na taovia tsapakae tana Israel.