Tuturigana 49:3 - Ghari

³ “A Ruben, igoe na dalequ botsaida, migoe nogo na susuligaqu Ma na kesanina dalequ kalina au mane vaolu moa, Migoe o kaekae mo susuliga liuliu bâ i laoqira na dalequ sui.

Tuturigana 49:3 Iomraidhean Croise

Tuturigana 29:32

Ma ko Lea e tiana me vasua kesa na baka mane. Maia e tsaria, “Na Taovia e reia niqu rota, mi kalina ia ti na savaqu sauba ke galuveau inau”; aia nogoria na rongona te e soaginia na baka ia a Ruben.

Tuturigana 35:22

Mi kalina a Jakob e totu moa tana butona kao ia, ma Ruben e maturu kolua ko Bilha, aia kesa ka vidaqira na tauna lê a Jakob; mi kalina a Jakob e rongomia me gini kore loki sosongo. Ara tu sangavulu ruka na dalena mane a Jakob.

Tuturigana 35:23

Tugira na dalena mane ko Lea: tugira nogo a Ruben aia na dalena botsaida a Jakob, ma Simeon, ma Levi, ma Juda, ma Isakar, ma Sebulun.

Tuturigana 46:8

Igirani nogo igira i laona nina tamadale a Jakob ara vanokolua i Ejipt: aia a Ruben na dalena botsaida

Tuturigana 48:18

Me tsarivania na tamana, “E tau vaga ia mama. Iani nogo na baka botsaida; ko moloa na limamu madoa tana lovana aia.”

1 Turupatu Dato 2:1

Ma Jakob e tamanitugira sangavulu ruka na dalena mane: tugira nogo a Reuben, ma Simeon, ma Levi, ma Juda, ma Isakar, ma Sebulun,

1 Turupatu Dato 5:1

A Ruben aia na idana dalena a Jakob. Mi tana rongona a Ruben e sasi kolua kesa na tauna lê na tamana, te na omea sui nina aqo ke tangolidatoa rongona aia na idana dalena a Jakob, ara tangolidatoa igira na dalena a Josep.

1 Turupatu Dato 5:3

A Ruben, aia na idana dalena a Jakob, e tamanitugira vati na dalena mane: tugira a Hanok, ma Palu, ma Hesron ma Karmi.

Linge 105:36

Aia e matesigira sui na baka mane botsaida i laoqira na tamadale sui tana Ejipt.

Linge 78:51

Aia e labumatesigira sui na daleqira mane botsaida i laoqira pipi na tamadale tana Ejipt popono.

Tsoko Tinoni 1:20

Migira na mane e rukapatu na ngalitupaqira me liusia, igira e tugugira kara sangasage tana alaala na mane vaumate ara maretsuna na soaqira muri duli ma na vungu, tuturiga tana puku konina a Ruben aia na idana dalena a Jakob. Ma na dangaqira e vaga iani: tana puku konina a Ruben ara 46,500 mane; tana puku konina a Simeon ara 59,300 mane; tana puku konina a Gad ara 45,650 mane; tana puku konina a Juda ara 74,600 mane; tana puku konina a Isakar ara 54,400 mane; tana puku konina a Sebulun ara 57,400 mane; tana puku konina a Epraim ara 40,500 mane; tana puku konina a Manase ara 32,200 mane; tana puku konina a Benjamin ara 35,400 mane; tana puku konina a Dan ara 62,700 mane; tana puku konina a Aser ara 41,500 mane; mi tana puku konina a Naptali ara 53,400 mane.

Tsoko Tinoni 26:5

Tana puku konina a Ruben, aia na idana dalena a Jakob: ara totu na duli konina a Hanok, ma Palu,

Na Vaolusi Ketsa 21:17

Nina aqo nomoa ke sauvania aia na baka mane e ida botsa ke ruka kalina ke pabo tana nina tatamani, atsa moa ti aia e tau na dalena na daki e reingao sosongolia bâ. Ma na mane ia nina aqo nomoa ke tusuvania na dalena e ida botsa manana na tuva e kalea na baka mane botsaida.”

Na Vaolusi Ketsa 27:13

Migirani na puku tavosi girani kara ba tutû tana Vungavunga Ebal kalina kara tsarivulagigira na vealagi: igira nogo na puku konina a Ruben, ma Gad, ma Aser, ma Sebulun, ma Dan, ma Naptali.

Na Vaolusi Ketsa 33:6

Miani na omea a Moses e tsaria tana rongoqira igira tana puku konina a Ruben: “Ke tau matemotu na puku konina a Ruben, atsa moa ti igira ara tau danga.”

Na Katemai 3:14

“Ko mamare baa vania na angelo e reitutugua na lotu i Laodisea, mo ko tsarivaganana vania: “Iani nogo e vaga na goko e talumai i konina aia ara soaginia na Amen, aia e totukakai sailagi me vo oli, me mana saviliu, maia nogoria na pukuna na omea sui lakalaka God e volagira.