Tuturigana 47:9 - Ghari

⁹ Ma Jakob e tsarivania, “Na mauriqu inau tana tavetada e tsaulinogoa kesa sangatu tolu sangavulu na ngalitupa. Migira na ngalitupaqu inau ara kurikuri lê mara kakai, mara tau moa katsi vaga na ngalitupaqira igira na mumuaqu tana niqira tavetada igira.”

Tuturigana 47:9 Iomraidhean Croise

Tuturigana 11:11

Mi murina ia, maia e mauri goto 500 na ngalitupa me tamanigotoa visana na dalena i muri.

Tuturigana 35:28

Ma Isaak e mauri tsaulina kesa sangatu alu sangavulu na ngalitupana,

Tuturigana 47:28

A Jakob e mauri i Ejipt e sangavulu vitu na ngalitupa, poi e tsaulina kesa sangatu vati sangavulu vitu na ngalitupana.

Tuturigana 47:8

ma na taovia tsapakae e veisuâ, “?E visa vaga na ngalitupamu igoe?”

Tuturigana 5:27

me mate kalina e 969 ngalitupana.

Tuturigana 50:26

Me vaga ia ma Josep e mate i Ejipt kalina e tsaulia kesa sangatu sangavulu na ngalitupana. Migira ara aragoa na konina rongona ke gini tau mabulu, mara molotsavua i laona kesa na kesi.

1 Turupatu Dato 29:15

Taovia, igoe o donagininogoa laka igami ami totu tsinogo moa i lao eni vaga nogo igira na mumuamami i sau. Na maurimami e liu putsi tsaku sosongo vaga moa ti na auau lê, me utu kami tangomana na tsogo taniana na mate.

Nina Papi A Job 14:1

Ma Job e goko baba moa me tsaria, “Eo, igami na tinoni e kurikuri lê na maurimami i lao eni. Me tuturiga kalina e vasugami na tinamami, me gadovigami pipi na vatana na rota.

Linge 119:19

Inau au mauri i lao eni kesa tana tagu tetelo moa; vaga ia, mo ko laka na molopoi vaniaqu nimu ketsa.

Linge 119:54

Tana mauriqu kurikuri ni lao eni, inau au teagira na linge tana rongoqira nimu ketsa.

Linge 39:12

Ko rongomia niqu nonginongi Taovia, mo ko rongomi vatavia niqu ngangaidato vanigo. Ko laka na ponotiana na kulimu kalina inau au nongigo ko sangaau. Rongona inau au nimu tinoni totogoro moa igoe kesa tana tagu tetelo lê moa, vaga nogo igira na mumuaqu i sau.

Linge 39:13

Ko mololeau ma kau totu segeniqu rongona kau gini tamanina na tagu tana kau totu magemage idavia kau mate ma kau tagara nogo inau.

Linge 39:5

!Igoe nogo o kukurisia vaganana ia na mauriqu inau! I matamu igoe na mauriqu inau e lia mala omea lê moa. E mana saikesa nomoa laka pipi sui na tinoni mamauri ara vaga lê moa kesa na guguvina tetelo lê na guguri,

Binaboli 6:4

Au aqosigotoa kesa na vaitasogi kolutugira, mau vekevanitugira laka sauba kau sauvanitugira na kao ni Kanaan, na kao aia i tana igira ara tototu vaga moa na tinoni labana.

Binaboli 7:7

Mi tana tagu ara ka ba goko vania na taovia tsapakae ia, ma Moses e alu sangavulu na ngalitupana ma Aaron e alu sangavulu tolu na ngalitupana.

2 Korint 5:6

Aia nogoria ti igita a gini malagai sosongo. Igita a donagininogoa laka kalina igita a tototu moa tana valena na konida ni lao eni, migita a tototu ao moa tania na valena na Taovia.

Na Vaolusi Ketsa 34:7

A Moses e tsaulina kesa sangatu rukapatu na ngalitupana kalina e mate; maia e susuliga dou saikesa moa, ma na matana e moro maka dou goto moa.

Hibru 13:14

Rongona igita a tau tamanina kesa na verada manana ieni i lao i tana igita ka dona na totu saviliu. Migita a lalavea moa kesa na verada dou baa aia God sauba ke sauvanigita.

Iakobo 4:14

Eo, migamu amu tau dona laka sauba ke koegua na maurimui ke dani. Igamu amu vaga moa na pungu na lake, e datolaba kesa tana tagu tetelo, me ba nanga lee tsaku.

Josua 24:29

Me kesa tana tagu i muri, ma Josua nina maneaqo na Taovia aia na dalena a Nun, e mate kalina e tsaulia kesa sangatu sangavulu na ngalitupana.

1 Petero 2:11

Kulaqu galugaluve, igamu amu totu moa i barangengo mala tinoni tsinogo, mamu tau goto tamanina sa veramui pukuga ieni i lao. Inau au rai sosongoligamu laka kamu tau goto tamia kara tagaovigamu na kilinauseko ara totu i tobamui, mara dona na vailabugi sailagi kolua na tidaomui.