Tuturigana 32:2 - Ghari

² Mi kalina a Jakob e reigira maia e tsaria, “Tana nauna nogo ieni e tototu na Taovia”; maia e soaginia tana nauna ia i Mahanaim.

Tuturigana 32:2 Iomraidhean Croise

2 Samuel 17:24

Mi kalina a Absalom migira na Israel ara ba savu tana Jordan maia David e ba tsau nogo tana vera ni Mahanaim.

2 Samuel 2:12

Ma Abner migira nina mane sasanga a Isboset ara mololea i Mahanaim, mara vano tana verabau ni Gibeon.

2 Samuel 2:8

A Abner na dalena a Ner, niqira taovia tagao igira nina mane vaumate a Saul, aia e tsogo kolunogoa a Isboset na dalena a Saul, mara ka ba savu nogo tana Kô Jordan mara ka vano i Mahanaim.

1 Taovia Tsapakae 2:8

“Me totu goto a Simei na dalena a Gera, tana vera ni Bahurim tana puku konina a Benjamin. Aia e vatsa seko sosongo vaniau tana dani inau au vano i Mahanaim, mi kalina aia e mai tsodoau tana Kô Jordan, minau au vatsa vania tana asana na Taovia laka inau sauba e utu kau labumatesia.

1 Taovia Tsapakae 4:14

a Ahinadab na dalena a Ido: na butona na momoru ni Mahanaim;

2 Taovia Tsapakae 6:17

Mi muri, maia e nonginongi me tsaria, “!Taovia, ko sangavia na matana, mo ko tamivania ke moro!” Ma na Taovia e rongomia nina nonginongi, maia nina maneaqo a Elisa e morodato, me reia na tabana na tetena e gini popoi popono na ose ma na terê ara iru vaga na lake mara totu polipolia a Elisa.

1 Turupatu Dato 12:22

Me varangi nogo ke pipi na dani, ara tau kuti na mai visana goto na mane tavosi, mara sangasage i laona nina alaala na mane vaumate a David, me vaga ia, me tau lelê oka mara danga sosongo bâ nina mane vaumate.

Linge 103:21

!Kamu tsonikaea na Taovia igamu na omea susuliga sui ni gotu, migamu sui goto nina tinoni aqo amu naua na omea aia e kilia!

Linge 148:2

Tsonikaea igamu sui nina angelo, migamu sui goto nina alaala na malagai susuliga ni gotu.

Linge 24:10

?Masei aia na taovia tsapakae loki vaga ia? !Na Taovia aia e tangomana tana vailabu aia nogoria na taovia tsapakae loki!

Linge 34:7

Nina angelo na Taovia e totu kolugira igira ara kukuni tania na Taovia, me laumaurisigira.

Linge Na Galuve 6:13

Baka daki ni Sulam ko visumai, ko visumai, ma kami morosigo. ?Na rongona gua ti amu ngaoa laka kamu morosiau inau vaga moa ti au gavai i mataqira na tinoni?

Daniel 10:20

Ma na angelo e tsaria, “?Laka igoe o donaginia na rongona gua au gini mai i konimu? Gana nogo kau katevulagi vanigo na omea ara marea tana Papi na Goko Mana. Me utu kau totu oka kolugo ieni, rongona niqu aqo nomoa kau visu tsaku tugua i Persia ma kau ba vailabu kolua na angelo vangatao ni tana. Mi murina ia, ma na angelo vangatao ni Gris sauba goto ke labamai. Me tagara ke kesa ke sangaau inau, maia lelê moa a Mikael nina angelo vangatao ni Israel.”

Luka 2:13

Mara tavongani labamai kolua na angelo ia, na alaala loki na toga na angelo ni gotu ara tsonikaea God mara linge, mara tsaria,

Josua 21:38

Mi tana niqira butona kao na puku konina a Gad, ara sauvanigira goto e vati na verabau: tugira nogo i Ramot tana Gilead, aia e kesa goto na verabau gana na tsogoravi, kolugotoa nina kao laka tana e dato dou na buruburu, mi Mahanaim,

Josua 5:14

Ma na mane e tsaria, “Tagara goto. Inau gaqira taovia tagao igira nina alaala na mane vaumate na Taovia, mau vasini moa au mai ieni.” Ma Josua e taokovoragi tana kao tana kukuni taniana me tsarivania, “Inau nimu maneaqo Taovia. ?Nagua vaga igoe o ngaoa kau naua inau?”