Tuturigana 32:11 - Ghari

¹¹ Inau au nongigo ko maurisiau tania na limana a Esau na kulaqu. Inau au matagu, au matagu ke tau mai rongona ke maiginigami me ke labumatesigami sui, tsau goto i koniqira na daki ma na baka.

Tuturigana 32:11 Iomraidhean Croise

Tuturigana 24:27

Me tsaria, “Tsonikaea na Taovia, nina God a Abraham gaqu taovia, aia e manali saikesalia nina veke e nauvania gaqu taovia. Na Taovia e adisaviliuau bâ i koniqira na kamana gaqu taovia.”

Tuturigana 27:41

Me tû tana dani ia, ma Esau e reisavi sosongolia a Jakob, rongona na tamana e sauvaninogoa a Jakob na tabu. Maia e pada segenina, “Na taguna na tangitangi matena na mateana na tamaqu e mai varangi nogo; mi muri ti kau labumatesia a Jakob.”

Tuturigana 27:42

Mi kalina ko Rebeka e rongomia na omea e vangaraua a Esau na nauana, maia e soâ a Jakob me tsarivania, “Ko rorongo igoe, aia Esau na kulamu e ngaoa na tangotugu ma na labumatesiamu igoe.

Tuturigana 32:3

Ma Jakob e molovanogira visana na mane adigoko kara ida vania na ba tsodoana a Esau na kulana tana butona kao ni Edom.

Tuturigana 32:7

Mi tana, ma Jakob e boe sosongo me matagu. Maia e tû me votaruka igira na tinoni ara dulikolua, me nauvaganana vanigira goto nina sipi, ma nina naniqoti, nina buluka ma nina kamelo.

Tuturigana 33:4

Ma Esau e ulomai na tsodoana me kasoa me domia, mi kaira sui ara ka ngangai.

2 Samuel 7:18

Mi tana, ma David na taovia tsapakae e tû me ba sage i laona na Valepolo i tana e totu na Taovia, me totupuka i lao me nonginongi vaga iani, “Taovia God, e tau saikesa ulagaqu inau migira goto niqu tamadale na omea igoe o naunogoa vaniau.

Linge 119:134

Ko maurisiau tanigira ara bingi sekoliau, ma kau gini tangomana na muridouaqira nimu ketsa.

Linge 142:6

Rongomivatavia niqu ngangaidato vanigo ko sangaau, rongona inau au seko pitsu nogo. Laumaurisiau tanigira gaqu gala; igira ara susuliga liusiau nogo inau.

Linge 16:1

Au norugo igoe God ko reitutuguau. Minau kau totu ravi dou i konimu.

Linge 25:20

Ko isutuguqu mo ko maurisiau. Mo ko laka na tamivaniaqira kara tuliusiau lê, rongona inau au mai kau totu ravi i konimu.

Linge 31:2

!Ko rongomiau mo ko maurisiau tsaku! Ko lia vaga niqu mani toturavi, niqu baravatu kakai gana kau gini mauri tanigira gaqu gala.

Linge 43:1

!Niqu God kiki, ko sauvulagia laka inau au tau sasi, mo ko isutuguqu tania na limaqira igira ara peago igoe, ko maurisiau tanigira na tinoni vanga pero migira na tinoni seko!

Goko Tabana 18:19

Ko sangâ na kulamu maia sauba ke dilago, vaga moa na baravatu kakai e dilâ kesa na verabau, me ti vaga igoe ko vaikoregi kolua, maia sauba ke vongo vanigo na matsapana valena.

Daniel 3:17

Me ti vaga na God aia ami tu aqovania tugami ke tangomana na maurisitugami tania na umu romaroma me tanigotoa na susuligamu igoe, maia nogo sauba ke naua.

Hosea 10:14

ti sauba na vailabu ke mai vanigira nimui tinoni, migira sui lakalaka nimui valekakai sauba kara viri taveo. Sauba ke vaga saikesa tana dani kalina a Salman na taovia tsapakae e toroutsania na verabau ni Betarbel tana vailabu, mara tsogori rapasigira na daki ma na daleqira.

Mateo 6:13

Ko laka mololegami vania na tabotabo, mo ko maurisigami tania na seko sui.’

Na Vaolusi Ketsa 22:6

“Me ti vaga kamu ba tsodoa sa binuna manu i kelana sa gai se tana kao, ma na tinana ke tototu moa i laona, atsa moa ti ke parâ na toluna se na dalena, ma kamu laka na adiana na tinana.

1 Samuel 12:10

Mi muri, mara ngangaidato vania na Taovia rongona aia ke sangagira, mara tsarivania, ‘Taovia, igami ami sasi sosongo nomoa rongona ami piloligi tanigo igoe, mami ba samasama vanigira na titinonina a Baal ma ko Astarte. Ami nongigo Taovia ko laumaurisigami tanigira gamami gala, migami sauba kami samasama vanigo moa igoe!’

1 Samuel 24:15

Na Taovia nogo sauba ke pede, me ke votavanikaita asei ka vidada nomoa e sasi. Maia ke vilekea na omea iani, me ke isutuguqu inau, me ke maurisiau tania na limamu igoe.”