Tuturigana 3:19 - Ghari

¹⁹ Mi tana maono na raemu sauba ko tsodoa gamu mutsa, poi tsau kalina ko visutugua tana kao i tana o talumai. Igoe, inau au aqosiginigo na kao, me sauba ko lia tugua na kao.”

Tuturigana 3:19 Iomraidhean Croise

Tuturigana 18:27

Ma Abraham e goko vanitugua na Taovia me tsaria, “Kiki igoe Taovia, au nongigo ko padalea niqu bulesiamu ma na veisuamu babâ moa. Inau na tinoni lê me tau lelê tuguau na tsariana sa omea vanigo.

Tuturigana 2:7

Mi muri, ma na Taovia God e karoa na kao me buloa me aqosiginia na konina na mane; me magoviginia na isuna na mamagona na mauri ma na mane ia e tuturiga na mauri.

Tuturigana 23:4

“Inau au kesa na tinoni na vera tavosi mau totu ieni i laomui nogo igamu; au nongigamu kamu tsabiri vaniau sa butona kao, rongona kau qiluginia na tauqu.”

Tuturigana 3:18

Me sauba ke dato na buruburu seko ma na itai kokonaga i laona, migoe sauba ko gania na omea e dato atsi.

Tuturigana 5:5

me mate kalina e 930 ngalitupana.

Nina Papi A Job 1:21

Me tsaria, “Inau au tau nogo botsa kolua sa omea, me sauba kau tau goto mate kolua sa omea. Na Taovia nogo e sau omea vaniau, mi kalina ia, maia nogo e adivisugira sui taniau. !Tsonikaea na asana tabu!”

Nina Papi A Job 10:9

Mo ko padatugua laka igoe nogo o aqosiginiau na kao. ?Megua ti o ngaoa na rapasiaqu ma kau lia visutugua na kao?

Nina Papi A Job 19:26

Mi murina kalina na lobogu seko ke ganisuinogoa na kokoraqu, ma kau mamauri moa tana koniqu iani, minau sauba nomoa kau reilakana God.

Nina Papi A Job 21:26

Migira sui lakalaka ara mate mara vano tana qilu, ma na meri e dangali poponoa na koniqira.

Nina Papi A Job 34:15

mi tana ti igira sui lakalaka na tinoni sauba kara mate, ma kara lia visutugua na kao.

Nina Papi A Job 4:19

?Megua igoe o padâ laka God ke norudoua na tinoni aia e aqosiginia moa na kao lê, me dona ke mate tsaku vaga moa kalina ara pelea moa na bebe maia e tavongani mate lê?

Linge 103:14

Aia e donaginia na omea gua aia e aqosiginigita, me padavisua laka igita na kao lê moa.

Linge 104:23

Migira na tinoni ara tû mara vano na nauana niqira aqo, mara aqo babâ poi e tsau tana ngulavi.

Linge 104:29

Mi kalina igoe o piloligi tanigira, migira ara matagu; mi kalina igoe o adiligia niqira magomago, migira ara mate lê mara visutugua tana kao tana nogo ara talu.

Linge 127:2

E tagara sa rongona na aqo kakai matena na mauri, na tû matsaraka bongibongi ma na liusiana na tagu na maturu tana bongi. Rongona na Taovia e tusu lê omea vanigira ara galuvea kalina igira ara maturu.

Linge 22:15

Ma na lioqu e mamatsa lê vaga moa ti na papasa, ma na lapiqu e bulukakai kolua na baragata na mangaqu. Igoe o mololeau vania na papasana na mate.

Linge 22:29

Migira sui pipi na tinoni vanga kaekae sauba kara tsuporu vania moa aia; migira sui pipi tinoni ara dona mate sauba kara tao tsuporu i matana.

Linge 90:3

Igoe nogo o ketsaligira na tinoni kara visutugua i tana ara talu, kalina igoe o tsarivaganana iani, “Igamu na dalena tinoni kamu visutugua tana kao.”

Goko Tabana 21:16

Na mate e totupitua moa asei e liuligi tania na sautu na sasaga goto.

Sasani Sasaga 1:13

Minau au padakuti matena nogo laka sauba kau lalavea ma kau vilekedougira pipi sui na omea igira na tinoni ara naua i laona na barangengo iani. Mau reigadovia laka God e molonogoa na kalagai mamava tana kokoveda igita.

Sasani Sasaga 1:3

?Tana maurina popono na tinoni e totu matengana moa na nauana na aqo kakai, ma nagua na peluna vania?

Sasani Sasaga 12:7

Na konida sauba ke visutugua tana kao, ma na tidaoda sauba ke visutugua i konina God aia e saunogoa vanigita tana idana.

Sasani Sasaga 3:20

Migira sui ara vano kalea kesa moa na nauna, aia nogo na kao. Igira sui ara talumai tana kao, me sauba igira sui goto kara visutugua tana kao.

Sasani Sasaga 5:15

Kalina igita a botsamai i barangengo, migita a malaiole lê, mi kalina igita ka mololea na barangengo, me sauba ka visu malaiole lê goto. Me atsa moa ti vaga igita ka aqo loki sosongo, me sauba ke tagara goto ke kesa na omea tangomana ka adikolugita kalina ka mate.

Daniel 12:2

Ma na dangana na vidaqira igira ara mate nogo sauba kara maurivisutugua: me ke visana sauba kara gini mage na sage tana mauri saliu, me ke visana sauba ke paluvangamaqira na totu tana vangama saliu.

1 Korint 15:47

Na kesanina Adam God e aqosiginia na kao, me talu tana kao; ma na rukanina Adam e talumai i gotu.

Epesus 4:28

Asei na tinoni ti ke totu matengana na komi i sau nina aqo ke mololea na komi, me ke tururiga na nauana na aqo ke gini tamaniginia na maurina segeni, me ke gini tangomana goto na sangaginiaqira na tinoni sekona lee.

1 Tesalonika 2:9

Igamu na tasimami, amu padaitugua e utu ke tagara, laka tugami ami tu rota na aqo kakai. Ami tu aqo na dani ma na bongi, rongona ami tu tau ngaoa kami tu ngoliginigamu sa omea tana tu rongomami kalina ami tu gini turupatu vanigamu na Turupatu Dou e talumai i konina God.

2 Tesalonika 3:10

Kalina tugami ami tu totu moa kolugamu, me danga kalina ami tu tsarivanigamu nogo laka asei ti ke gato na aqo, e dou kara laka na tamivaniana ke mutsa.

Hibru 9:27

Pipi na tinoni sui, nina aqo ke mate kesa moa kalina, mi muri ti aia God ke pedea.