Tuturigana 26:14 - Ghari

¹⁴ Mi tana rongona nogo aia e tamanigira danga sosongo nina sipi ma na buluka, mara danga goto nina maneaqo, ti igira na Pilistia ara gini masugu vania.

Tuturigana 26:14 Iomraidhean Croise

Tuturigana 12:16

Mi tana rongona nogo ko Sarai, ti na taovia tsapakae e dou sosongo vania a Abram, me tusule vania na alaala na sipi ma na naniqoti, na buluka ma na asi, na tseka ma na kamelo.

Tuturigana 13:2

Ma Abram e tamani danga sosongo nina omea, na sipi, na naniqoti, ma na buluka, kolugira goto na siliva ma na qolumila.

Tuturigana 24:35

Na Taovia e vangalaka sosongo vania gaqu taovia, me naua maia e tamanina na omea danga sosongo. Maia e sauvania danga na sipi ma na naniqoti, na buluka, na siliva ma na qolumila, na tseka daki ma na tseka mane, na kamelo ma na asi.

Tuturigana 25:5

A Abraham e molovania a Isaak ke tangolidatoa pipi sui na omea aia e tamanina;

Tuturigana 30:43

Mi tana nauvaganana ia, ma Jakob e gini tamani omea danga sosongo. Ara danga nina naniqoti, ma nina sipi, nina tseka, nina kamelo ma nina asi.

Tuturigana 37:11

Migira na kulana a Josep ara masugu vania, ma na tamana moa e padatugutugua i tobana na omea sui e tsaria a Josep.

Nina Papi A Job 1:3

Me tamanigira vitu toga na sipi, me tolu toga na kamelo, me kesa toga na buluka, me tsege sangatu na asi. Mara danga sosongo goto na tinoni ara aqo vania, maia Job na mane tamani omea danga liuliu bâ tana kao popono tabana i Longa.

Nina Papi A Job 42:12

Me tû tana, ma na Taovia e vangalaka dou sosongo bâ vania a Job, mi tana susuina na maurina ma Job e tamani omea danga liusia bâ tana idana. Aia e tamanina sangavulu vati toga na sipi, me ono toga na kamelo, me ruka toga na buluka, me kesa toga na asi.

Nina Papi A Job 5:2

Kaira na tobakore ma na masugu ara ka dona na matesiaqira igira ara tau sasaga.

Linge 112:10

Migira na tinoni vanga tsutsukibo ara reivaganana ia, mara gini kore sosongo; mara vusulia tana tobamomosa, mi muri mara ba nanga lê; mara tau goto adia na omea ara amesia kara tamanina.

Linge 112:3

Ma nina tamadale sauba kara tamani omea levo, ma nina tamani aia sauba ke pabo babâ na dani ma na dani.

Goko Tabana 10:22

Nina vangalaka nogo na Taovia ti o gini tamani omea danga. Me atsa moa ti ko suli goto bâ tana aqo kakai, me utu goto ko gini tamani ke danga bâ nimu omea.

Goko Tabana 27:4

Na kore ma na momosatoba loki ara ka dona rago na sekoli tinoni, mara ka tau sekoli tinoni vaga na masugu.

Sasani Sasaga 4:4

Mau morosigotoa kesa segeni na vatana na sasaga e tau goto. Danga na tinoni ara aqo kakai sosongo gana kara tangomana. Ara nauvaganana ia, rongona ara reia na kulaqira e tangiloki gaqira rongo mara tamani levo, mara gini ngongoragi sosongo na tsauliaqira. Ma na vatana na sasaga bubulega vaga ia e tau saikesa tamani sa rongona. E vaga moa ti na takuvi guguri.

1 Samuel 18:9

Me vaga ia, maia e masugu sosongo vania a David, me tuviâ tuturiga tana dani ia.