Tuturigana 24:16 - Ghari

¹⁶ Ma ko Rebeka e rerei dou sosongo me baka daki vaolu moa me tau goto vati maturu kolua sa mane. Aia e bâ tana tuvu me torea nina popovatu me vivisutugua.

Tuturigana 24:16 Iomraidhean Croise

Tuturigana 12:11

Mi kalina aia e vangaraua na savu taligu tana votavota na vano i Ejipt, maia e tsarivania ko Sarai na tauna, “Igoe kesa na daki rerei dou sosongo.

Tuturigana 26:7

Mi kalina igira na mane ni tana ara veisuâ a Isaak tana rongona ko Rebeka na tauna, maia e tsaria laka aia na tasina. E tau ngaoa na tsarivulagiana laka ko Rebeka na tauna rongona e matagu kara tau labumatesia igira na mane ni tana ma kara adia ko Rebeka rongona aia e rerei dou sosongo.

Tuturigana 29:17

Ma na matana ko Lea e rerei dou rago, maia ko Ratsel e magobu dou na kokorana me rereidou bâ.

Tuturigana 39:6

Ma Potipar e moloa i limana a Josep ke reitutugugira pipi sui nina omea e tamanina, maia segeni e tau goto kilia ke gini boe sa omea, me gini boe lelê moa na mutsa aia e gania. Ma Josep e dato magobu dou me rereidou sosongo,

Tuturigana 4:1

Ma Adam e maturu kolua na tauna, maia e tiana. Me vasua kesa na dalena mane me tsaria, “Tana nina sasanga nogo na Taovia te au gini tamanina kesa na dalequ mane.” Maia e soaginia a Kain.

Linge Na Galuve 5:2

Mi kalina au maturu, ma na kosuqu e mamata moa. Mau bolea laka niqu udu e mai kidikidi i matsapa. Niqu udu, igoe na kosuqu popono, ma niqu kulukulu, ko sangavi vaniau na matsapa ma kau sage bâ. Na lovaqu e porisinogoa na kolobu, ma na lavo e tsavu poponoa na ivuqu.