Tuturigana 2:3 - Ghari

³ Maia e tabua na vitunina dani me baloa ke lia na dani tabu, rongona tana dani ia God e suilavaginia na volaana pipi sui na omea, me mango na aqo.

Tuturigana 2:3 Iomraidhean Croise

Tuturigana 1:31

Ma God e morosigira na omea sui aia e aqosigira, me reingao sosongoligira. Me bongi me matsaraka. Aia na ononina dani.

Tuturigana 2:2

Mi tana vitunina dani ma God e suilavaginia nina aqo, me mango.

Tuturigana 2:4

Maia nogo e vaga na vusana na baragata ma na barangengo. Mi kalina na Taovia God e aqosia na baragata ma na barangengo,

Nehemia 9:14

Migoe o raiginigira kara pada mamavasia nimu Dani na Sabat, mo sauvanigira nimu ketsa tana mangana a Moses nimu mane aqo.

Binaboli 23:12

“Kamu aqo ke ono dani i laona kesa uiki, ma kamu laka na aqo tana vitunina dani, rongona kara gini mango igira nimui tseka, migira na tinoni ni veratavosi ara aqo vanigamu, migira goto nimui omea tuavati.

Binaboli 34:21

“Igamu amu tamanina nogo e ono na dani i tana kamu naua nimui aqo, mi tana vitunina dani igamu kamu tau goto naua sa aqo, atsa moa ti ke gado tana tagu na tsutsuka se na pipitsu.

Goko Tabana 10:22

Nina vangalaka nogo na Taovia ti o gini tamani omea danga. Me atsa moa ti ko suli goto bâ tana aqo kakai, me utu goto ko gini tamani ke danga bâ nimu omea.

Esekiel 20:12

Mau balonogoa na Dani na Sabat vaga na papadana na vaitabegi au naua kolugira, gana kara donaginia laka inau nogo na Taovia au naua migira ara gini lia na tinoni tabu.

Aqo Manetabu 23:3

Iani nogo na ketsa e kalea na Dani na Sabat: “Igamu amu tamanina nogo e ono na dani i tana igamu kamu naugira pipi sui nimui aqo, ma kamu padadoua laka tana vitunina dani, aia na Dani na Sabat, na dani na mango. Mi tana dani ia igamu kamu laka goto na peleana sa aqo, ma kamu labasai moa matena na samasama atsa moa ti iava amu totu igamu. Na Dani na Sabat nina nogo na Taovia.”

Marko 2:27

Ma Iesu tsarigotoa vanigira, “Na Dani na Sabat e gini totu tana rongoqira na tinoni, ma na tinoni ara tau gini totu tana rongona na Dani na Sabat.

Luka 23:56

Mara visu i vera, mara vangaraua na mona ma na papasa sisigini gana na aragoana na konina. Mi tana Dani na Sabat, mara mango rago, vaga nogo e ketsaligira na Ketsa.