Tuturigana 15:1 - Ghari

¹ Kesa tana tagu i muri, ma na Taovia e goko vania a Abram tana moro me tsarivania, “A Abram ko laka na matagu. Inau sauba kau dilago tanigira sui na omea seko, ma na pelumu sauba ke loki sosongo.”

Tuturigana 15:1 Iomraidhean Croise

Tuturigana 15:2

Ma Abram e veisuâ na Taovia, “?Taovia God, na peluna dou koegua sauba igoe ko sauvaniau inau kalina au tau vati tamanina moa sa dalequ vaga ia? Maia lelê moa a Elieser ni Damaskus sauba ke tangolidatogira sui niqu omea inau.

Tuturigana 15:4

Mi muri, maia e rongomia na Taovia e gokovanitugua me tsaria: “Iani a Elieser na tseka sauba e utu ke tangolidatoa nimu omea tatamani; na dalemu segeni nogo igoe sauba ke tugugo.”

Tuturigana 21:17

Ma God e rongomia nina ngangai na baka, me tû i baragata kesa nina angelo God e gokotsunamai vania ko Hagar me tsaria, “?Ko Hagar, matena gua ti o melu sosongo vaga ia? Ko laka na matagu. God e rongominogoa nina ngangai na baka.

Tuturigana 22:1

Me kesa tana tagu i muri, ma God e tovolea a Abraham me soâ, “!Abraham!” Ma Abraham e tsaria, “Inau ieni Taovia!”

Tuturigana 22:20

Me kesa tana tagu i muri, ma Abraham e rongomia laka ko Milka e vasuvania a Nahor na kulana ara tu alu na dalena:

Tuturigana 26:24

Mi tana bongi ia, ma na Taovia e labavania me tsaria, “Inau nina God a Abraham na tamamu. Ko laka na matagu; inau nogo au totu kolugo. Me sauba kau vangalaka vanigo ma kau sauvanigo kara danga na kukuamu rongona niqu veke au naunogoa vania a Abraham niqu maneaqo.”

Tuturigana 31:7

Me atsa moa e vaga, maia e peqoau nomoa inau, me olia na vovoliqu sangavulu kalina. Ma God e tau moa tamivania ke sekoliau.

2 Samuel 22:3

Niqu God aia nogo e reitutuguau, mi konina nogo ia inau au totu raviravi dou. Aia e dilaau vaga moa na tako; maia nogo e isutuguqu me ravisiau. Aia nogoria niqu vagamauri; e reitutuguau me maurisiau tanigira na tinoni vanga tangopeke seko.

2 Taovia Tsapakae 1:15

Ma nina angelo na Taovia e tsarivania a Elija, “Ko tû mo ko dulikolu tsunâ, mo ko laka goto na matagu.” Ma Elija e dulikolua na mane sasanga mara ka ba laba i konina na taovia tsapakae,

1 Turupatu Dato 28:20

Mi muri ma David e tsarivania a Solomon na dalena, “Ko susuliga dou mo ko padakuti matena na nauana na aqo iani. Ko tuturiga na aqosiana, mo ko laka goto na tamivaniana sa omea ke utusigo. Na Taovia God aia inau au aqo vania, sauba ke totu kolugo. Aia sauba e utu goto ke mololego, me sauba ke totu kolugo poi tsau kalina ko suilavaginia na logoana nina Vale Tabu.

Linge 115:10

Kamu norua na Taovia, igamu sui nina manetabu God. Aia nogo e sangagamu me reitutugugamu.

Linge 119:114

Igoe moa o isutuguqu mo reitutuguau; minau au vataraginia niqu amesi tana nimu veke igoe.

Linge 142:5

Taovia au ngangaidato vanigo ko sangaau; Taovia igoe nogo niqu reitutugu; igoe segeni moa au ngaoa kau tamanina tana mauri ni lao eni.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Linge 27:1

Na Taovia aia nogo niqu marara ma na pukuna niqu sasanga. ?Masei goto sauba kau matagunia? Na Taovia nogo aia e reitutuguau tanigira pipi sui na omea seko. ?Masei kau matagunigotoa?

Linge 3:3

Migoe saikesa moa Taovia, o vaga gaqu tako; o sangaau mau gini tangomana, mo malagaisiau mau gini tukakai.

Linge 3:4

Au nongia na Taovia ke sangaau, me tû tana nina vungavunga tabu aia e rongomiau.

Linge 5:12

Rongona igoe Taovia o vangalaka vanigira igira ara muridoua na gokomu; ma nimu galuve e dilagira vaga nogo ti na tako.

Linge 58:11

Igira na toga sauba kara tsarivaganana, “Igira na tinoni e goto niqira sasaga ara adipeluna manana konina God; eo, e mana saikesa laka God e totu manana, maia e pedegira na tinoni sui tana barangengo.”

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Linge 84:9

God, ko vangalaka vania nimami taovia tsapakae, aia na taovia tsapakae igoe o vilinogoa.

Linge 91:4

Aia sauba ke tsavupoiginigo na rapona, migoe sauba ko totu raviravi dou i laona nina reitutugu aia; ma nina doulaka na Taovia sauba ke lia gamu tako me ke isutugumu.

Binaboli 14:13

Maia Moses e tuguvisua me tsaria, “!Kamu laka na matagu! Kamu tu kakai moa, me sauba kamu reia na omea ke naua na Taovia gana ke maurisiginigamu i dani eni; igamu sauba e utu kamu reigira tugua na Ejipt girani sa dani.

Goko Tabana 11:18

Igira na tinoni vanga tsutsukibo e tau saikesa pelu sa niqira aqo, me ti vaga igoe ko naua moa na omea e goto, me sauba nomoa ko adia na peluna nimu aqo.

Goko Tabana 30:5

“God e manalia pipi sui na veke aia e naugira. Me dilagira na tinoni ara ba toturavi i konina, vaga nogo na tako e dilâ na mane vaomate tana tagu na vailabu.

Isaia 35:4

Tsaria vanigira igira ara tobakuku, “!Kamu malagai, ma kamu laka na matagu! Nimui God e maimai nogo gana ke isutugumui, me ke kedegira gamui gala.”

Isaia 40:10

!Reia bâ! E maimai nogo na Taovia God kolu susuligana loki. Na limana tabu e labu pukaliginigira gana gala, me dulikolumaigira igira na tinoni aia e suivisugira nogo.

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Isaia 41:14

Ma na Taovia e tsaria, “E atsa moa ti igamu na Israel amu tetelo mamu maluku lê vaga ia, kamu laka moa na matagu; inau sauba kau sangagamu. Inau na God tabu ni Israel, minau nogo au laumaurisigamu.

Isaia 43:1

Igamu na Israel, na Taovia aia e vusagamu e goko me tsaria, “Kamu laka na matagu, inau nogo sauba kau laumaurisigamu. Inau nogo au molovanigamu na soamui, migamu niqu tamani nogo inau.

Isaia 43:5

!Kamu laka goto na matagu, inau nogo au totu kolugamu! “Me ke tû tana butona momoru i longa ao, me tsau bâ i tasi ao, minau sauba kau adivisumaigira nimui tinoni.

Isaia 44:2

Inau nogo na Taovia au vusagamu. Me tû nogo tana dani amu botsa, minau au sangagamu. Kamu laka na matagu; igamu niqu maneaqo inau, ma niqu tinoni vivili, mau galuve sosongoligamu.

Isaia 44:8

!Kamu laka na matagu igamu niqu tinoni! Igamu amu donagininogoa laka e tû i sau vasau, me tsau mai i dani eni, inau moa au katevulagigira idanogo na omea sui sauba kara laba, migamu nogo niqu rongovata. ?Laka e totu manana sa god tavosi vaga inau? ?Me laka sa god susuliga goto sa nauna inau au tau vati donaginia?”

Isaia 51:12

Ma na Taovia e tsaria, “Inau nogo au susuligasigamu. ?Megua ti kamu matagunia moa na tinoni lê, aia e dona ke mate tsaku lê vaga moa na buruburu?

Jeremia 39:17

Minau na Taovia sauba kau mataligo me utu kara mologo i limaqira igira na tinoni igoe o matagunigira.

Tangitangi 3:24

Mau tsaria, “Taovia igoe segeni moa au tamanina inau, mi konimu nogo au vataraginia niqu amesi.”

Esekiel 1:1

Tana tsegenina dani i laona na vatinina vula, tana tolu sangavulunina ngalitupa, inau a Esekiel na manetabu, na dalena a Busi, au totu moa kolugira na Tsiu ara totu tsinogo i Babilonia i ligisana na Kô Kebar. Me tavongani ova na masaoka, mau reilakana God.

Esekiel 11:24

Mi laona na moro ia, ma nina Tarunga God e sulukaeau me adivisuau tugua i koniqira igira gaqu tsinogo kolu i Babilonia. Mi tana e nanga lê na moro ia,

Esekiel 3:4

Mi muri, ma God e tsarigotoa, “Dalena tinoni igoe, ko vano i koniqira na tinoni ni Israel, mo ko tsarivanigira na omea sui moa inau kau ketsaliginigo na tsariana.

Tsoko Tinoni 12:6

ma na Taovia e tsarivanikaira, “!Mi kalina ia, kamu ka rongomia na omea inau kau tsarivanikagamu! Kalina igira na propete ara totu i laomui igamu, minau au laba vanigira tana moro, mau goko vanigira tana bolebole.

Tsoko Tinoni 18:20

Ma na Taovia e tsarigotoa vania a Aaron, “Migoe sauba ko tau tangolidatoa sa turina na kao i laona na Israel. Rongona inau nogo na Taovia sauba kau tusuvanigo na omea sui o kilia gana na mauri.”

Tsoko Tinoni 24:4

ma na kuliqu au rongomidouginia na omea God e tsaria. Maia God Susuliga Sosongo e naua mau gini moro tatavata vaga moa tana bolebole.

Mateo 28:5

Ma na angelo e goko vanikaira na daki me tsaria, “Kamu ka laka na matagu. Inau au dona laka kagamu amu ka lalavea a Iesu, aia ara pogaa tana gai ulutaligu.

Mateo 8:26

Ma Iesu e tsarivanigira, “?Egua te amu matagu vaga sagata ia? !Na vainga tetelo sagata nimui tutuni igamu!” Maia e tutsau, me goko vania na guguri ma na tasi, me tavongani beata mate.

Luka 1:13

Ma na angelo e tsarivania. “!Ko laka na matagu, a Sekaria! God e rongominogoa nimu nonginongi, maia ko Elisabet na taumu sauba ke vasuvanigo kesa na dalemu mane. Migoe sauba ko soaginia a Ioane.

Luka 1:30

Ma na angelo e tsarivania, “Ko laka na matagu ko Maria; God e reingao sosongoligo.

Luka 12:32

“Kamu laka na matagu igamu niqu alaala tetelo, rongona God na Tamamui e kilia kamu tamanipata kolua tana susuligana.

Aqoaqo 10:22

Mara tu gokovisu mara tu tsarivania, “A Kornelius nimami taovia e raimaitugami. Na mane dou aia, me lotu dou vania God, migira sui na Tsiu ara padalokia. E kesa nina angelo God e ketsalia laka ke soago igoe ti ko baa i valena, maia ke rongomia nagua igoe ko tsarivania.”

1 Korint 3:22

A Paulo, ma Apolos, ma Petero; na barangengo eni, na mauri ma na mate, na tagu eni ma na tagu ke mai; igira sui lakalaka ara nimui tamani nogo igamu.

Na Vaolusi Ketsa 18:2

Igira kara tau aditamaniqira sa butona kao vaga igira na puku tavosi. Gaqira tuva dou bâ igira aia nogoria na aqo manetabu vaniana na Taovia, vaga na Taovia e vekenogoa.

Na Vaolusi Ketsa 31:6

Kamu tukakai ma kamu malagai. Kamu laka na mataguniaqira. Na Taovia nimui God, aia segenina nogo sauba ke totu kolugamu. E utu ke padalegamu se ke tsonilegamu.”

Hibru 1:1

Danga kalina i sau, me lelevoga tana vatana na sautu, God e goko vanigira na mumuada tana mangaqira na propete.

Na Katemai 1:17

Mi kalina inau au reia na omea vaga ia, mau pukatsuna i tuana vaga moa ti au mate nogo. Maia e molomaia na limana madoa i koniqu me tsarivaniau, “!Ko laka na matagu! Inau na Idana tsotsodo, minau na Susuina tsotsodo.

Nina Papi Ko Rut 2:12

Na Taovia ke sauvanigo na peluna nimu aqo sui igoe o naugira. !Ma na Taovia na God ni Israel, aia igoe o mai totu vataragi i konina, aia nogo ke sauvanigo na matena popono nimu aqo dou!”

1 Samuel 15:10

Ma na Taovia e tsarivania a Samuel,

1 Samuel 9:9

Ma Saul e tsarivania, “!E dou! !Ida ma ka vano kaita!” Mi tana mi kaira ara ka tû, mara ka ba sage i laona na vera ia tana e totu na manetabu. Mi kalina ara ka dadato moa tana tetena na vano tana vera ia, mara ka ba tsodogira visana na baka daki ara tsutsuna mai na vano sao kô. Mi kaira ara ka veisuagira na baka daki, “?Laka e totu moa i vera aia na mane momoro?” Mi tana tagu ia na propete ara soaginia na mane momoro, mi kalina ti ke kesa ke ngaoa na veisuana sa omea i konina God, maia sauba ke tsaria, “Ida ma ka vano i konina na mane momoro.”