Tuturigana 1:2 - Ghari

² ma na barangengo e lalo sui moa na kao ma na tasi, me tagara sa omea i laona. Ma na rodo e tsavu poponoa pipi sui na omea ma nina Tarunga God e tsotsobo i kelana na kô.

Tuturigana 1:2 Iomraidhean Croise

Nina Papi A Job 26:14

Ma na omea vaga gira ara sauvulagi vanigita na turina lê moa gana susuliga God, e vaga moa ti nina gagasa lê moa igita a rongomia. ?Masei tangomana ke padagadovia e loki koegua manana nomoa gana susuliga God?”

Nina Papi A Job 26:7

God nogo e taporatsania popono na masaoka, me tsauraginikaea na barangengo tana nauna e mangamanga lê.

Nina Papi A Job 38:9

Inau nogo au tsavu kapusiginia na tasi na parako, mau poropoiginia na rodo pulipuli.

Nina Papi A Job 41:32

Me molovisua i murina na burorona angaanga, me sere vaga saikesa moa na sengena na tuqatuqa.

Linge 104:30

Mi kalina moa igoe o sauvanigira na magomago migira ara mauri, migoe o vaolusia na maurina na barangengo.

Linge 104:6

Mo tsavuginia na kema vaga kesa na polo sagesage katsi, ma na kô o tsavuginigira popono na vungavunga.

Linge 136:6

E ovukaea na barangengo tana maorodo; rongona nina galuve e totu saviliu.

Linge 148:7

Tsonikaea na Taovia igamu sui tana barangengo, igamu na tuqana vigo na omea loki i laona na tasi me pipi na maorodo na kema;

Linge 33:6

E moloketsa moa na Taovia me vusaginia na baragata, me goko moa mara laba na aso ma na vula ma na veitugu.

Goko Tabana 8:24

Au botsa nogo inau ti e laba na kema, kalina e tau vati vuradato moa sa kô tatave.

Isaia 31:5

Me vaga saikesa goto na manu e tao varangisia na binuna gana ke reitutugugira na dalena, me vaga goto inau na Taovia Susuliga Sosongo, sauba kau reitutugua ma kau isutuguna na Jerusalem.”

Isaia 45:18

!Na Taovia aia e aqosia na masaoka, aia segeni nogo e God! Maia e vusâ na barangengo me naua ke gini tukakai me ke totu saviliu. Maia e tau naua gana ke totu mangu lê moa, ma gana na tinoni kara totuvia. Maia nogo e tsaria, “Inau nogo na Taovia, me tagara sa god tavosi.

Jeremia 4:23

Minau a Jeremia au morosia na barangengo, maia e lia vaga moa ti na kaomate lê, mau tau goto reia sa marara tana masaoka.

Nahum 2:10

!Reia bâ! !Na Ninive e toroutsa saikesa, mara viri tsogo sui na tinonina, me totu mangu lê! E kaso na tobaqira tana matagu, me pulo na tuaqira, me tavongani labe lê na koniqira.

2 Korint 4:6

God aia e tsaria i sau, “I laona na rodo pulipuli sauba ke labamaka na marara,” maia goto nogo e moloa nina marara ke mararasia na tobada, rongona igita ka gini donaginia na mararana God, aia e labamaka tana ngorana a Iesu Kristo.

Na Vaolusi Ketsa 32:11

Vaga na manuloki e sasania na dalena na lovo, mi kalina e reia laka e varangi ke puka, maia e tabedouginia na rapona, me vaga goto na Taovia e tabedougira na Israel mara gini tau puka.