Sasani Sasaga 9:11 - Ghari

¹¹ Me kesa goto na omea inau au tsodovulagia, laka i laona na barangengo iani igira ara dona sosongo na ulo tsaku e tau pipi tagu ke managaqira tana vaitovogi tana ulo, migira ara malagai susuliga e tau goto pipi tagu ke managaqira tana vailabu. Migira na tinoni sasaga loki e tau pipi tagu kara tsodoa na mauriqira, migira na tinoni ara donalevo e tau pipi tagu kara tamanina na omea danga, migira goto ara dona sosongo na aqo e tau pipi tagu kara tangoli aqo loki. Na tagu seko e dona ke laba moa vania pipi tinoni.

Sasani Sasaga 9:11 Iomraidhean Croise

2 Samuel 17:14

Maia Absalom migira sui na Israel ara tsaria, “Nina totogoko a Husai e dou liusia bâ nina totogoko a Ahitopel.” Na Taovia e pede idanogoa laka kara tau muria nina totogoko sasaga a Ahitopel, rongona ke gini labavania a Absalom na omea seko loki.

2 Samuel 17:23

Mi kalina a Ahitopel e reia laka ara tau nogo muria nina totogoko, maia e tû me sage tana nina asi me visutugua i verana segeni. Me aragogira nina omea sui, mi muri maia e tû me ba ligoti segenina. Mara ba qilua tana ara qilugira nina vungu.

2 Turupatu Dato 20:15

Ma Jahasiel e tû me tsaria, “Igoe taovia loki, migamu sui goto na tinoni ni Juda mi Jerusalem kamu rorongo. Na Taovia e tsarivanigamu kamu laka goto na tobaruka se na mataguniana na tuqana na alaala loki vaga ia, rongona na vailabu ia e tau nimui igamu, nina nogo God.

Nina Papi A Job 34:29

“?Me ti vaga God ke tau goto padangaoa na nauana sa omea, me laka tangomana kesa ke vaitsarigana? ?Me ti vaga aia ke poia na ngorana, masei sauba ke reilakana? Maia segenina moa e reitutugu kaputigira na tinoni ma na vera sui,

Linge 76:5

Mo lauligia tanigira niqira mane vaumate susuliga pipi niqira omea levelevo ara laua tana vailabu, mi kalina ia, migira sui ara mate pitsu sui nogo, me puala lê sui gaqira susuliga.

Goko Tabana 1:5

Ma na goko tabana girani tangomana kara pabogotoa niqira donalevo igira na tinoni ara sasaga loki nogo, me ke sau sautu vanigira igira ara sasani loki nogo,

Sasani Sasaga 2:12

Maia na taovia tsapakae aia e dona moa ke naua na omea atsa vaga goto ara naua igira na taovia tsapakae ara ida vania. Mi tana, minau au tuturiga na lalaveana nagua manana na sasaga loki, ma na sasaga tabaru ma na sasaga bubulega.

Sasani Sasaga 3:14

Mau dona goto laka pipi sui na omea aia God e naua, sauba ke totu saviliu. E utu goto ka pabo bâ ke kesa na omea i konina, me utu goto ka adiligi tania ke kesa goto na omea i konina. Ma God e nauvaganana ia, rongona igita ka gini kukuni tania aia.

Sasani Sasaga 3:17

Minau au tsarisegeniqu, “God sauba ke pedegira sui na tinoni dou ma na tinoni seko, rongona pipi sui na omea kara laba, me pipi sui na omea na tinoni kara naua, sauba kara laba tana tagu God e titinogoa vanigira.”

Sasani Sasaga 4:1

Mi muri, minau au morosigira tugua pipi sui na omea tau goto ara tau kuti na laba i laona na barangengo. Au reigira na tinoni seko ara tsogori tsunaligira na kulaqira, migira ara ngangai savosavo, me tagara ke kesa ke sangagira. Eo, e tagara kesa ke malagai na tû me ke sangagira, rongona igira ara bingi sekoligira ara tamanina na susuliga tana niqira tabana.

Sasani Sasaga 4:4

Mau morosigotoa kesa segeni na vatana na sasaga e tau goto. Danga na tinoni ara aqo kakai sosongo gana kara tangomana. Ara nauvaganana ia, rongona ara reia na kulaqira e tangiloki gaqira rongo mara tamani levo, mara gini ngongoragi sosongo na tsauliaqira. Ma na vatana na sasaga bubulega vaga ia e tau saikesa tamani sa rongona. E vaga moa ti na takuvi guguri.

Sasani Sasaga 7:13

Ko padatugua na omea God e naunogoa. ?Asei tangomana ke gotolia na omea God e kekevosia?

Sasani Sasaga 9:2

Aia goto e kesa na omea e tau tamanina sa rongona, rongona e kesa moa atsa na omea e totupitugira na tinoni e gotolaka niqira sasaga migira na vanga tsutsukibo, na tinoni dou migira na tinoni seko, igira ara dou i matana God migira ara tau dou, igira ara saua na savori vania God migira ara tagara. Eo, igira na tinoni dou migira na tinoni seko, e kesa moa atsa na omea e pitugira. Igira ara tsaku lê na aqosi veke migira ara kadangaginia na aqosi veke, e kesa goto moa atsa na omea e pitugira.

Sasani Sasaga 9:3

Iani nogo na omea e tau goto tana barangengo iani, laka e kesa moa atsa na omea e totupitugira na tinoni sui. Na omea seko ma na sasaga bubulega ara dangaliginia moa na tobaqira na tinoni tana mauriqira popono, mi muri me tavongani mai novotigira na mate.

Jeremia 46:6

Igira ara dona sosongo na ulo ara tau tangomana na tsogoligi. Migira na mane vaumate susuliga ara tau goto tangomana na taopoi. Mi tabana i vava na Kô Euprates ara ba tubulagi mara viri puka.

Jeremia 48:14

“?Igamu na mane ni Moab laka egua vaga ti amu koesegenimui laka igamu amu mane vaumate malagai sosongo mamu dona sosongo na vailabu?

Jeremia 9:23

Na Taovia e tsaria, “Igira na tinoni sasaga loki kara laka na gini goko kaekae tana rongona niqira sasaga loki, migira na mane susuliga tana rongona niqira susuliga, ma na tinoni tamani danga tana rongona niqira omea danga.

Daniel 4:35

Aia e morosigira na tinoni i barangengo vaga moa ti na omea lê. Migira sui na angelo i baragata ma na tinoni i barangengo ara totu sui moa i vavana nina tagao aia. Me tau goto tangomana ke kesa ke utusia nina papada se ke veisuâ tana rongona na omea aia e naua.

Sekaria 4:6

(-)

Malaki 3:18

Me ke kesa goto kalina sauba igira niqu tinoni kara reia laka e tavosi na omea inau kau nauvanigira igira e gotolaka niqira sasaga, migira na vanga tsutsukibo, ma na tinoni e aqo vaniau, maia e tau aqo vaniau.”

Epesus 1:11

Pipi sui na omea ara laba ara muria nina papada ma nina pede God. Tumai nogo tana tuturigana tsotsodo aia God e viligami igami na Tsiu kami lia nina tinoni segeni nogo i laona a Iesu Kristo.

Na Vaolusi Ketsa 8:17

Me vaga ia, ma kamu laka saikesa na padaana laka tana susuligamui segeni moa ti amu gini tamani omea danga.

Na Vaolusi Ketsa 8:18

Kamu padatugua laka aia nogo na Taovia nimui God e sauvanigamu na susuliga agana kamu gini tamani danga, rongona ke manaliginia nina tabana na vaitasogi aia e naua kolugira na mumuamui tsau mai i dani eni.

1 Samuel 17:50

!Maia nogoria e vaga kalina a David e labupukalia a Goliat me matesiginia kesa na kurupaqala ma na vatu, me tau na isi!

1 Samuel 6:9

Mi muri ma kamu morosi taoni bâ tana ke liu. Me ti vaga kamu reia ke vano kale saikesalia na vera ni Bet Semes, maia nogo na papadana laka aia nogoria niqira god na Israel e molovanigita na omea seko sosongo vaga ia. Me ti vaga ke tagara, mi tana sauba igita ka donaginia laka aia e tau molovanigita na rota seko loki ia. Me laba moa tana rongona nina aqo nogo ke laba vaga ia.”