Sasani Sasaga 9:1 - Ghari

¹ E oka sosongo nogo inau au padakakaia tana rongoqira na omea sui vaga girani, mau reigadovia laka aia God nogo e tagaovi kaputigira pipi sui niqira omeomea na tinoni sasaga loki migira e gotolaka niqira sasaga, atsa moa tana niqira vaigaluvegi ma niqira vaireisavigi. Me tagara goto ke kesa ke donaginia nagua e totupitua tana tagu ke mai.

Sasani Sasaga 9:1 Iomraidhean Croise

Nina Papi A Job 12:10

Na mauriqira na tinoni sui, me pipi sui goto na omea mamauri God e volagira, ara totu sui moa tana limana aia.

Nina Papi A Job 27:12

Me tagara, e tau kiligotoa inau kau tsaria sa omea, rongona tugamu amu tu dona segenimui nogo. ?Me vaga ia megua tugamu ti amu tu tsaria danga na goko tagara rongona lê vaga ia?

Nina Papi A Job 5:8

“Me ti vaga inau kau gadovirota vaga igoe, me sauba kau pilo bâ i konina God ma kau sauvulagi vania na omea e rotasiau.

Linge 10:14

Eo, migoe Taovia o morosiragoa na omea vaga aia e naua. Mo donaginigotoa na vatsangisavi ma na rota e gadovigira na tinoni dou, migoe o gini boe sailagi na sangaaqira. Na tinoni e utu vania ke sanga segenina, aia nogoria e molo segenina i limamu igoe; migoe nogo o sangagira sailagi igira e utu kara sanga segeniqira.

Linge 119:109

Pipi kalina moa inau au vangaraua na bisaana na mauriqu, mau tau vati padalea moa nimu ketsa.

Linge 31:5

Tana limamu igoe au livua na tidaoqu. Sauba nomoa ko maurisiau Taovia; rongona igoe nogo na God o mana saviliu.

Linge 73:3

Rongona inau au masugu vanigira na tinoni kaekae kalina au reia e vano dou pipi na omea vanigira na tinoni vanga tsutsukibo.

Goko Tabana 16:3

Ko mologira nimu aqo i limana na Taovia, me sauba igoe ko tangomana kalina ko naugira.

Sasani Sasaga 1:17

Mau padakuti matena kau sasania ma kau donaginia nagua e gini tavosi i ka levugaqira na donalevo ma na tau padagadovi omea, na sasaga loki ma na sasaga bubulega. Mau tsodovulagia laka na omea vaga girani, e vaga goto moa ti na takuvi guguri.

Sasani Sasaga 10:14

Ma na tinoni bule e tau goto dona ke mango na goko. E tagara sa tinoni ke donaginia na omea gua sauba ke laba tana tagu ke mai, me tau goto tangomana ke kesa ke tsarivulagia vanigita na omea gua sauba ke laba i murina na mateada.

Sasani Sasaga 7:15

Na mauriqu inau e tau tamani rongona, me atsa moa ti e vaga, mi laona na mauriqu au reigira nogo pipi sui na omea. Au reigira visana tinoni dou ara mate kalina ara tinoni vaolu moa, migira visana na tinoni seko ara mauri oka sosongo.

Sasani Sasaga 7:25

Minau au tovokakaia na sasani ma na padagadovi omea; mau padakuti matena laka kau tsodoa na sasaga loki ma kau donaginia na rongona na omea ara laba, ma kau gini reigadovia laka e tau saikesa pelu na tsutsukibo ma na sasaga bubulega.

Sasani Sasaga 8:14

Bâ, ma na goko vaga ia e tau saikesa mana. Ko morosia moa na omea ara laba i laona na barangengo: e danga kalina igira na tinoni dou e gadovigira na kedena niqira sasi na tinoni seko, migira na tinoni seko ara adia na peluna niqira aqo dou ara naua igira na tinoni dou. Ma na omea vaga iani, inau au tsaria laka e tau saikesa goto tamanina sa rongona.

Sasani Sasaga 8:16

Mi kalina inau au tovoa laka kau sasaga loki ma kau padagadovia na omea ara laba i laona na barangengo, mau reivulagia laka e atsa moa ti ko totu mamata na bongi ma na dani,

Sasani Sasaga 8:7

rongona e tagara sa vidada igita ke donaginia nagua sauba ke laba, me tagara goto ke kesa tangomana ke tsarivulagi idanogoa vanigita.

Sasani Sasaga 9:6

Niqira galuve, ma niqira reisavi, ma niqira tobamasugu, ara mate sui kolugira. Me utu saikesa kara sangapata goto i laona ke kesa na omea ke laba i laona na barangengo iani.

Isaia 26:12

Taovia igoe sauba ko naua ma kami gini tamani omea danga; igoe nogo o tagaovigira pipi nimami aqo, mami gini tangomana tana omea sui ami naugira.

Jeremia 43:6

igira na mane, ma na daki, ma na baka, migira sui na dalena daki na taovia tsapakae. Ara adigira sui lakalaka igira a Nebusaradan, gaqira taovia na mane vaumate, e mologira vania a Gedalia ke reitutugugira, kolu kagami goto a Baruk minau.

Na Vaolusi Ketsa 33:3

Eo, na Taovia e galuvegira nina tinoni, me reitutugudougira igira aia e tamanigira. Me vaga ia migita ka tsuporu i matana ma ka muridougira pipi sui nina ketsa.

2 Timoti 1:12

Maia nogoria na rongona ti inau au gini rota vaga ia kalina eni. Me atsa moa, minau au tau gini vangamaa rongona au donaginia asei aia inau au norua. Mau dona goto laka aia nogo sauba ke reitutugudougira tsau tana Dani na Pede na omea sui aia e noruginiau inau na nauana.

1 Petero 1:5

Eo, ara totu vanigamu nogo igamu, rongona igamu amu tutunina manana nogo God. Maia e tangoli ravitigamu tana susuligana, gana kamu gini tamanina na mauri laka e vangaraunogoa na saulabatiana vanigamu tana susuina na dani.

1 Samuel 2:9

“Aia e reitutugudoua na mauriqira igira ara totukakai i konina, migira na vanga tsutsukibo ara tavongani nanga lê i laona na rodo; rongona e tagara ke kesa tangomana ke naua sa omea tana susuligana segeni.