Sasani Sasaga 8:8 - Ghari

⁸ E tau goto tangomana ke kesa ke tongo kapusia na mate, se ke pede segenia na dani na mateana. Aia nogoria kesa na vailabu e utu na taopoi taniana; migira nida sasaga tabaru sui ara tau goto tangomana kara sangagita na tsidavaginiana na dani ia.

Sasani Sasaga 8:8 Iomraidhean Croise

2 Samuel 14:14

Igita sui sauba ka mate; igita a vaga saikesa na kô ara qetua tana kao, me utu goto kara sauvisutugua. Atsa moa God, maia goto e tau dona ke maurisivisugira na tinoni tania na mate, ma na taovia tsapakae tangomana moa aia ke lavesautuna na adivisumaiana kesa e totu tsinogo.

2 Taovia Tsapakae 7:15

Ma na mane girani ara vano, mara ba tsau tana Kô Jordan, mi tana sautu popono ara reigira moa na polo ma na omea levolevo igira na Siria ara tsidavaginigira kalina ara tsogo. Mi muri, mara visutugua i vera, mara ba turupatuna vania na taovia tsapakae.

Nina Papi A Job 14:5

Igoe nogo o titivania na okana na maurina, ma na dangana na vula sauba aia ke mauri tsaulina, me tau goto tangomana kesa ke olia na omea igoe o titinogoa.

Nina Papi A Job 34:14

Me ti vaga God ke adivisutugua na magomago na mauri,

Linge 89:48

?Me laka asei tangomana ke mauri saviliu me ke tau mate? ?Me ke koegua vaga na tinoni ti ke tongo segenina me ke tau vano tana qilu?

Linge 9:17

Na mate aia saikesa moa e totupitugira igira sui na tinoni vanga nauseko, migira sui goto ara sove tania God.

Goko Tabana 12:3

Na tinoni vanga tsutsukibo e utu ke totu pukuga dou sa nauna, migira moa e goto niqira sasaga ara dona na totu kakai dou.

Goko Tabana 14:32

Igira na tinoni tsutsukibo ara alomai vanigira segeni gaqira toroutsa tana omea seko ara naua, ma niqira sasaga dou igira na tinoni dou e dilagira tana dani na mate.

Sasani Sasaga 3:21

?Masei e donaginia ti vaga na tidaoqira na tinoni ke dato i gotu kalina kara mate, ma na tidaoqira na omea mamauri tavosi ke tsuna lê i laona na kao?”

Sasani Sasaga 8:13

me utu moa ke laba sa omea dou vanigira na tinoni vanga tsutsukibo. Na mauriqira igira e vaga moa na auau lê, me sauba kara mate kalina ara tinoni vaolu moa, rongona ara sove na rongomangana God.”

Sasani Sasaga 9:12

Migoe e utu saikesa ko donaginia na taguna na mateamu. Vaga moa na manu kalina ara sogo tana taviti, me vaga goto kalina na tsetse ara sogo tana vugo, migita goto na tinoni sauba ka sogo kesa tana tagu seko kalina igita a tau saikesa padâ.

Isaia 28:15

Igamu amu gini goko kaekae mamu tsaria, “Igami ami naunogoa kesa na vekesai kolua na mate, mami tabesai kolugotoa na barangengo na mate. Mi kalina ti ke labamai na rota seko loki me utu saikesa ke gadovigami igami, rongona ami vataragi bâ tana nimami tsaqina goko peropero ma nimami aqo malapalu gana kara dilaginigami.”

Isaia 28:18

Ma na vekesai amu naukolua na mate sauba ke taveo lê, ma na tabesai amu naukolua na barangengo na mate sauba ke luvu lê. Mi kalina na rota seko loki ke gadovigamu, migamu sauba kamu toroutsa saikesa.

Isaia 47:10

“Igoe o padâ laka o totu raviravi dou i laona nimu sasaga tabaru, me laka e tagara goto ke kesa ke reigo. Igira nogo nimu sasaga loki ma nimu donalevo ara raqa sasiligo, migoe o gini tsari segenimu, ‘Inau nogo au God, me tagara goto ke kesa ke vaga inau.’

1 Korint 15:43

Kalina ara qilua, e rereiseko me maluku lee. Mi kalina God ke maurisivisutugua, me sauba ke rereidou sosongo me ke susuliga.

2 Korint 13:4

Eo, e mana rago laka a Iesu Kristo e maluku kalina ara pogaa tana gai ulutaligu, mi kalina eni e maurivisutugua tana susuligana nogo God. Migami ami maluku vaga goto a Iesu, mi laona nimami aqo vanigamu ami patakolugotoa aia tana susuligana God.

Hibru 9:27

Pipi na tinoni sui, nina aqo ke mate kesa moa kalina, mi muri ti aia God ke pedea.