Sasani Sasaga 8:11 - Ghari

¹¹ ?Rongona gua ti e lakagana lê vanigira na tinoni na nausasi? Rongona God e tau dona na kedeaqira tsaku na tinoni ara nauvaganana ia.

Sasani Sasaga 8:11 Iomraidhean Croise

2 Samuel 11:15

Mi laona na leta ia e tsarivaganana iani: “Ko moloa a Uria ke totu i nagona tsotsodo na alaala i tana e susuliga dou bâ na vailabu, mi muri migoe ko sugavisu tania mo ko moloa kara labumatesia.”

Nina Papi A Job 24:23

Me tau utu God ke tamivanigira kara totu bibiu dou, me ke tau laba vanigira sa omea seko; maia e tuvigira pipi kalina moa.

Linge 10:4

Na tinoni vanga tsutsukibo aia e tau dona ke boeginia na Taovia; mi tana nina kaekae e pada i tobana laka e tagara sa God.

Linge 10:6

E goko segenina me tsarivaganana, “Sauba nomoa e utu kau puala lê inau; Me sauba e utu goto ke sekoliau sa omea.”

Linge 86:15

Migoe Taovia o tobalaka sosongo mo God na galuve, mo berengiti sailagi mo mana saviliu.

Binaboli 34:6

Mi muri ma na Taovia e liuputsimai i matana a Moses me gokodato me tsaria, “Inau na Taovia inau nogo na God na galuve ma na tobalaka, mau tau dona na kore tsaku, mau dona moa na galuve sosongoliaqira na tinoni, mau totu kalavata i koniqira.

Binaboli 8:15

Mi kalina na taovia tsapakae e reia laka ara mate sui nogo na qori, maia e totu kalavata tugua tana nina papada, me tau tugua ngaoa na rongomiana ka mangaqira a Moses ma Aaron, vaga nogo na Taovia e kate idanogoa.

Binaboli 8:32

Me atsa moa na taovia tsapakae e reia e laba na omea vaga ia, maia e tau moa olia nina papada, me tau tugua tamivanigira na tinoni kara vano.

Sasani Sasaga 9:3

Iani nogo na omea e tau goto tana barangengo iani, laka e kesa moa atsa na omea e totupitugira na tinoni sui. Na omea seko ma na sasaga bubulega ara dangaliginia moa na tobaqira na tinoni tana mauriqira popono, mi muri me tavongani mai novotigira na mate.

Isaia 26:10

Me atsa moa ti igoe o dou vanigira na vanga tsutsukibo, migira ara tau goto ngaoa na nauana na omea e gotolaka. Me atsa moa goto ieni i laona niqira kao na tinoni gotolaka, migira ara totu matengana moa na nauana na omea e sasi, mara sove na reigadoviana gamu loki tsapakae.

Isaia 57:11

“?Laka asei vaga igira na god peropero amu mataguni sosongolia te amu peroau moa, mamu padaleau saikesa? ?Me laka igamu amu tau nogo mataguniau inau rongona au totu mui lê oka nogo?

Jeremia 48:11

Ma na Taovia e tsaria, “Igira na Moab ara totu raviravi dou sailagi moa, mara tau goto vati aditsekagira sa dani. Igira ara vaga saikesa nogo na uaeni ara mololakadoua mara tau pelea, mara tau qetu oli bamaia tana popovatu tavosi. Ara tau goto sekolia na vuruna, me inu dou sosongo.