Sasani Sasaga 6:2 - Ghari

² God e dona ke tamivania kesa tinoni ke tamanina danga nina qolo, ma nina omea levolevo, me ke tangiloki gana rongo, me ke tau goto tagara vania sa omea. Mi muri, maia God e tau tamivania ke gini mage na omea e tamanina. Me molovania kesa segeni tinoni ke aditamanina me ke gini mage. Na omea vaga ia e tau saikesa goto me tau lelê tamanina sa rongona.

Sasani Sasaga 6:2 Iomraidhean Croise

1 Taovia Tsapakae 3:13

Me sauba kau sauvanigo goto na omea igoe o tau nongia i koniqu: tana maurimu popono sauba igoe ko tamanina ke danga na omea levolevo ma kara padalokigo liusigira bâ na taovia tsapakae tavosi sui.

1 Turupatu Dato 29:25

Ma na Taovia e naua me gini tangiloki gana rongo a Solomon i laona na Israel popono, me naugotoa ma Solomon e gini loki tsapakae liusigira bâ na taovia tsapakae sui ara tagao idanogo tana Israel.

1 Turupatu Dato 29:28

Maia David e mate kalina e tuqatuqa sosongo nogo, me tamani levo sosongo migira na tinoni sui ara padalokia, maia a Solomon na dalena e tugua na tamana tana nina aqo taovia tsapakae.

2 Turupatu Dato 1:11

Ma God e tsarivania a Solomon, “Rongona igoe o nongia na omea vaga ia i koniqu inau, mo tau nongiau na omea gana ko gini tamani omea levo, se na qolo danga, se gamu tangirongo, se na mateaqira gamu gala, se agana igoe segenimu ko gini mauri oka, mo nongiau moa kau vanigo na sasaga loki ma na donalevo agana na mani tagaoviginiaqira niqu tinoni, igira nogo inau au mologo igoe ko taovia tsapakae vanigira,

Linge 17:14

Ko maurisiau tania na limaqira igira ara tamanina na omea sui ara kilia i lao eni. E dou ti ko kedeginigira na rota vaga igoe o vangarau manogatinogoa vanigira, me ke gini tugugira goto igira na daleqira, me ke kauvisu goto visana turina vanigira na daleqira tetelo i muri.

Linge 39:6

ma na vavanona e vaga lê moa ti na auau lê. Na omea sui aia e gini boe sosongo na nauaqira ara puala lê sui. Aia e tsakosaigira na vangana sui na omea levolevo, me tau lelê goto donaginia laka asei nomoa ke aditamanina.

Linge 73:7

pipi na vata sui na nauseko e rutsumai talu tana tobaqira, mara tau kuti na lave sautuna na aqosiana na tsutsukibo.

Sasani Sasaga 4:4

Mau morosigotoa kesa segeni na vatana na sasaga e tau goto. Danga na tinoni ara aqo kakai sosongo gana kara tangomana. Ara nauvaganana ia, rongona ara reia na kulaqira e tangiloki gaqira rongo mara tamani levo, mara gini ngongoragi sosongo na tsauliaqira. Ma na vatana na sasaga bubulega vaga ia e tau saikesa tamani sa rongona. E vaga moa ti na takuvi guguri.

Sasani Sasaga 4:8

E totu kesa na mane, maia e totu segeni. Me tagara dalena, me tagara goto sa kamana, maia e gini boe na aqo loki pipi kalina, me tau nomoa gini vatsa na omea levolevo aia e tamanina. ?Eo, mi tana rongona nomoa asei aia e gini rota sosongo na aqo kakai vaga ia, me gini tongo vanisegenina ke magemage? Ma na omea vaga iani aia goto e tau tamani sa rongona, ma na vatana na mauri vaga ia e tau saikesa dou.

Sasani Sasaga 5:13

Miani e kesa na omea seko loki inau au morosigotoa i laona na barangengo: na tinoni ara mololakâ niqira qolo gana kesa tagu i muri kalina kara ngaoa na gini aqo,

Sasani Sasaga 5:16

!Ma na omea vaga ia e tau saikesa goto! Igita sauba ka vano vaga moa kalina igita a mai. ?Eo, igita a aqo loki sosongo matena na tangoliana na guguri, ma nagua na peluna vanigita?

Sasani Sasaga 5:18

Iani nogo na omea inau au tsodovulagia: laka na omea dou liuliu bâ e tugua kesa tinoni ke naua, aia nogo ke mutsa me ke inu me ke gini mage na peluna nina aqo i laona na tagu kurikuri aia God e molovania ke mauri; iani moa na omea e totu vania pipi tinoni.

Sasani Sasaga 5:19

Me ti vaga God ke sauvania kesa tinoni ke tamanina danga nina qolo ma nina omea levolevo, me tamivania ke gini mage, ma na tinoni vaga ia, nina aqo ke soadoua God me ke gini magemage na peluna nina aqo. Aia nogo nina vangalaka God e sauvania.

Isaia 55:2

?Matena gua ti amu tsonilea nimui qolo tana omea amu tau gini masu? ?Megua vaga ti amu tsonilea nimui qolo amu aqo loki matena, mamu vitoa babâ moa? Kamu rongomangaqu inau, ma kamu naua na omea au ketsaliginigamu, me sauba kamu gini mage na ganiana na mutsa dou liuliu bâ.

Tangitangi 5:2

Igira nimami omea tatamani sui ara totu i limaqira na tinoni ni veratavosi; mara mai totuvigotoa na valemami.

Daniel 5:18

“Ko rorongo. Aia nogo na God Loki Tsapakae e molokaea a Nebukadnesar na tamamu me lia na taovia tsapakae susuliga sosongo, me tangiloki gana rongo.

Hosea 7:9

mara tau moa reigadovia laka tana noruaqira na tinoni ni veratovosi vaga ia e gini puka lê na susuligaqira segeni. Au tsokonogoa na bongiqira, migira ara tau goto reigadovia.

Na Vaolusi Ketsa 28:33

Me sauba ke kesa na puku tavosi igamu amu tau donaginia ke adigira sui nimui omea tsukatsuka, igira igamu amu rota sosongo na tsukaaqira; migamu e utu goto kamu adia sa omea, sauba moa kara bingi sekoligamu ma kara rotasigamu sosongo.

Na Vaolusi Ketsa 28:43

“Migira na tinoni ni veratavosi ara tototu i laona nimui kao, sauba kara susuliga babâ ma kara paladato liusigamu, migamu sauba kiki rago kamu tsutsuna ma kamu nangalilea gamui susuliga.

Tinoni Pede 18:10

Eo, mi kalina ti kamu balaba i tana, me sauba kamu tsodoa laka igira na tinoni ni tana ara tau goto gunurua laka sauba ke laba vanigira sa omea seko. E kesa rago na vera loki sosongo i tana, me totu tana pipi na omea e tugua na tobana tinoni ke ngaoa. Maia God e saunogoa vanigamu igamu.”