Sasani Sasaga 6:12 - Ghari

¹² ?Masei tinoni nomoa tangomana ke donaginia nagua e dou bâ vania i laona nina mauri kurikuri e tau tamani rongona? Na maurina tinoni e liu tsaku vaga moa ti na auau lê? ?Masei tangomana ke donaginia nagua sauba ke laba i laona na barangengo i murina na mateana?

Sasani Sasaga 6:12 Iomraidhean Croise

1 Turupatu Dato 29:15

Taovia, igoe o donagininogoa laka igami ami totu tsinogo moa i lao eni vaga nogo igira na mumuamami i sau. Na maurimami e liu putsi tsaku sosongo vaga moa ti na auau lê, me utu kami tangomana na tsogo taniana na mate.

Nina Papi A Job 14:2

Ami vaga moa na tsitsi e tavuresi tana matsaraka, me tavongani matsele lê tana ngulavi, mami nangaligi tsaku vaga moa na auau lê.

Nina Papi A Job 14:21

Mi muri ti vaga igira na tinoni kara tsonikaegira na dalena, maia e utu goto ke donaginia, me ti vaga kara paluvangamaqira na dalena, me utu goto kesa ke ba tsarivulagi vania.

Nina Papi A Job 8:9

Na maurida igita e kurikuri lê, migita a tau lelê donaginia sa omea; ma liu putsi i barangengo vaga moa na auau lê e vano putsi me nanga.

Linge 102:11

Na mauriqu e kurikuri lê vaga moa na auau tana ngulavi; mau vaga moa na buruburu makede lê.

Linge 109:23

Me varangi kau nanga lê vaga moa na auau tana ngulavi e tsaku me nanga lê; mau vaga moa na gonegone e tavâ na guguri.

Linge 144:4

Aia e vaga moa ti kesa na guguvina lê na guguri; ma na bongina ara vaga moa na auau lê, ara laba mara nangaligi tsaku.

Linge 16:5

Taovia, igoe saikesa moa gaqu tuva, mo tusuvaniau na omea sui au kilia vania na mauriqu. Migira na omea sui kara labamai vaniau i muri ara totu sui nogo tana limamu igoe.

Linge 17:15

Minau kiki moa sauba kau morosilakamu igoe, rongona au tau naua sa omea ke sasi. Mi kalina inau kau mamata, me sauba ke dangatovu i tobaqu na magemage na totu i matamu igoe.

Linge 4:6

Ara danga sosongo rago ara nonginongi vaga iani: “!Taovia ko tusumaia vanigami ke danga bâ na vangalaka. Mi tana nimu galuve ko moromai i konimami!”

Linge 47:4

Aia nogo e vilivanigita na kao tana igita a totu konina, migita a gini kaekae na tamaniana, igita nina tinoni aia e galuvegita dou sosongo.

Linge 89:47

!Ko padatugua laka e kurikuri lê na mauriqu; mo ko padatugugotoa laka igoe nogo o aqosigami, migami ami tinoni lê sui moa mami dona mate!

Sasani Sasaga 10:14

Ma na tinoni bule e tau goto dona ke mango na goko. E tagara sa tinoni ke donaginia na omea gua sauba ke laba tana tagu ke mai, me tau goto tangomana ke kesa ke tsarivulagia vanigita na omea gua sauba ke laba i murina na mateada.

Sasani Sasaga 12:13

Mi tana susuina, e kesa lelê moa na omea au ngaoa kau tsarivanigo: Ko kukuni tania God, mo ko taonigira sui nina ketsa, aia nogo na rongona te God e gini aqosigira na tinoni.

Sasani Sasaga 2:24

Ma na omea ke dou bâ e tugua na tinoni ke naua, aia nogo ke mutsa me ke inu me ke gini mage na omea aia e aqomatena. Me atsa moa ti e vaga ia, minau au reia laka na omea sui girani ara talumai sui goto i konina God.

Sasani Sasaga 2:3

Ma na tobaqu e silovia na laveana babâ moa na sasaga loki, mau padâ kau tovoa na inu uaeni ti ke gini dou na koniqu ma kau mauri tana mage, mau padâ laka i tana nogo ti kau tsodovulagia nagua e dou vania na tinoni na nauana tana tagu kurikuri na maurina i barangengo iani.

Sasani Sasaga 3:22

Mi tana, minau au reigadovia laka na omea dou bâ e tugua igita ka naua, aia nogo ka gini mage na omea igita a aqo matena. Me tagara goto ke kesa na omea e tugua ka naua. Me tagara goto sa sautu vanigita gana ka donaginia nagua sauba ke laba vanigita murina na mateada.

Sasani Sasaga 6:11

Ti vaga ke danga sosongo na tsaqina goko ko tsaria, me sauba ke danga sosongo goto bâ na tsaqina goko tagara rongona lê ko tsonia. ?Ma nagua na peluna vanigo igoe?

Sasani Sasaga 7:15

Na mauriqu inau e tau tamani rongona, me atsa moa ti e vaga, mi laona na mauriqu au reigira nogo pipi sui na omea. Au reigira visana tinoni dou ara mate kalina ara tinoni vaolu moa, migira visana na tinoni seko ara mauri oka sosongo.

Sasani Sasaga 8:13

me utu moa ke laba sa omea dou vanigira na tinoni vanga tsutsukibo. Na mauriqira igira e vaga moa na auau lê, me sauba kara mate kalina ara tinoni vaolu moa, rongona ara sove na rongomangana God.”

Sasani Sasaga 8:7

rongona e tagara sa vidada igita ke donaginia nagua sauba ke laba, me tagara goto ke kesa tangomana ke tsarivulagi idanogoa vanigita.

Sasani Sasaga 9:6

Niqira galuve, ma niqira reisavi, ma niqira tobamasugu, ara mate sui kolugira. Me utu saikesa kara sangapata goto i laona ke kesa na omea ke laba i laona na barangengo iani.

Sasani Sasaga 9:9

Ko gini mage na mauri koluana na daki igoe o galuvea tana tagu popono o totu tana mauri tau tamani rongona aia God e sauvanigo tana barangengo iani. Aia moa ngiti peluna vanigo tana rongona nimu aqo o naua ma nimu rota sui o vatsangia pipi na dani tau tamani rongona tana maurimu i lao eni.

Mika 6:8

Tagara saikesa. Na Taovia e tsarivulagi vanigita nogo na omea ara dou i matana. Ma na omea e kilia igita ka naua e vaga iani: ka naua moa na omea e gotolaka, ka galuvegira na tinoni sui, ka totu palatsuna, ma ka mauri tobasai koluana nida God.

Iakobo 4:14

Eo, migamu amu tau dona laka sauba ke koegua na maurimui ke dani. Igamu amu vaga moa na pungu na lake, e datolaba kesa tana tagu tetelo, me ba nanga lee tsaku.