Sasani Sasaga 5:4 - Ghari

⁴ Mi kalina ti ko aqosia kesa nimu veke vania God, ma nimu aqo ko manalitsakua. Aia e tau reingaogira na bule. Ko naudoua moa na omea igoe o vekea na nauana.

Sasani Sasaga 5:4 Iomraidhean Croise

Tuturigana 28:20

Mi muri, ma Jakob e naua kesa na veke vania na Taovia me tsaria: “Ti vaga igoe ko totu koluau manana mo ko reitutuguau tana sautu i tana au liu bâ, mo ko sauvaniau gaqu mutsa ma na poloqu,

Tuturigana 35:1

Ma God e tsarivania a Jakob, “Ko tû tsaku mo ko vano i Betel mi tana ko totu. Ko logovaniau kesa na belatabu i tana, inau na God au laba vanigo igoe kalina o tsotsogo tania a Esau na kulamu.”

Tuturigana 35:3

Igita sauba ka mololea ieni ma ka vano i Betel, i tana inau sauba kau logoa kesa na belatabu vania na God aia e sangaau inau tana taguna niqu rota, maia e totu koluau pipi tana nauna sui i tana au liu.”

Linge 116:14

Mi laona nogo niqira saikolu igira nina tinoni sauba inau kau sauvania na omea au vekenogoa vania.

Linge 119:106

Inau au vekenogoa mau gini vatsa, laka sauba kau muridougira nimu totosasaga igoe.

Linge 22:25

I laona na saikolu popono inau sauba kau tsonikaego igoe mateqira na omea loki igoe o naugira; mi mataqira sui igira ara mai samasama vanigo sauba inau kau savoria na kodoputsa vaga au vekenogoa.

Linge 50:14

Kamu soadouau moa inau nimui God ngiti nimui savori-kodoputsa vaniaqu, ma kamu manalidougira nimui veke sui amu nauvaniau inau na Taovia Susuliga Sosongo.

Linge 76:11

Tusuvania na Taovia nimui God na omea igamu amu veke vaninogoa; adimai vania nimui vangalaka igamu sui na puku amu totu varangi. Kamu kukuni tania God,

Goko Tabana 20:25

Ko papada dou talu ti ko baloa sa nimu omea vania God. E tau dou ko tavongani baloa, mi muri ti ko gini padasavi matena.

Isaia 19:21

Na Taovia sauba ke sauvulagi segenina vanigira na tinoni ni Ejipt, mi muri ti igira goto sauba kara donadouginia laka aia nogo na Taovia, ma kara samasama vania, ma kara savori-kodoputsa vania. Me sauba kara naua niqira vatsa vania, ma kara manalia na omea ara vekea.

Jona 2:9

Minau sauba kau lingena na tsonikaeamu igoe, ma kau savori-kodoputsa vanigo, ma kau manalia na omea au vekenogoa vanigo. !Rongona na mauri sui e talumai i konimu moa igoe Taovia!”

Malaki 1:10

Na Taovia Susuliga Sosongo e tsarivaganana iani, “Ke dou bâ ti vaga kesa vidamui ke ba vongo kapusia na matsapana na Vale Tabu, me ke gini utu vanigamu na soqoiana na lake tagara rongona lê i kelana niqu belatabu. Inau au tau saikesa reingaoa na omea vaga amu naua igamu; me utu goto kau tabedougira nimui sausau amu adimai vaniau.

Tsoko Tinoni 30:2

“Kalina ti kesa na mane ke naua kesa nina veke na sauana kesa nina omea vania na Taovia, se ke gini vatsa laka ke valina kesa na omea, maia ke laka goto na kutsiana nina veke, ma nina aqo nomoa ke naua pipi na omea vaga aia e vekea ke naua.

Mateo 5:33

“Migamu amu rongomi goto nogoa laka ara tsarivanigira na tinoni ni sau, ‘Kamu laka na vatsa koba. Me ti vaga kamu veke vania God na nauana kesa na omea, ma nimui aqo kamu manalidoua na omea amu vekea.’

Hibru 10:6

Igoe o tau goto reingaoa kara gini kodoputsa na omea mamauri lee tana bela tabu, se kara gini savori gana na veoligiana na sasi.

Tinoni Pede 11:35

Mi kalina a Jepta e morosia na dalena, maia e melu loki sosongo me ratsia na polona me tsaria, “!Lao kiki dalequ! !Igoe o sekoli sosongolia na tobaqu inau! ?Rongona gua ti igoe nomoa ke gado i konimu na omea kau gini vatsangisavi inau? !Inau au vatsa vaninogoa na Taovia, ma niqu aqo nomoa kau manalia niqu veke au nauvania!”