Sasani Sasaga 4:8 - Ghari

⁸ E totu kesa na mane, maia e totu segeni. Me tagara dalena, me tagara goto sa kamana, maia e gini boe na aqo loki pipi kalina, me tau nomoa gini vatsa na omea levolevo aia e tamanina. ?Eo, mi tana rongona nomoa asei aia e gini rota sosongo na aqo kakai vaga ia, me gini tongo vanisegenina ke magemage? Ma na omea vaga iani aia goto e tau tamani sa rongona, ma na vatana na mauri vaga ia e tau saikesa dou.

Sasani Sasaga 4:8 Iomraidhean Croise

Tuturigana 2:18

Mi muri, ma na Taovia God e tsaria, “E tau dou vania na mane ke totu segeni. Sauba kau aqosia ke kesa ke ulagana ke lia gana totukolu me ke sangâ.”

Linge 39:6

ma na vavanona e vaga lê moa ti na auau lê. Na omea sui aia e gini boe sosongo na nauaqira ara puala lê sui. Aia e tsakosaigira na vangana sui na omea levolevo, me tau lelê goto donaginia laka asei nomoa ke aditamanina.

Linge 39:7

?Vaga ia, ma nagua goto kau pitua inau Taovia? Minau au noru kalavatavigo moa igoe.

Goko Tabana 27:20

Atsa moa ti kara mate danga na tinoni me utu ke kapi tana barangengo na mate, me vaga goto na tobana tinoni e utu ke vatsa na kiliana na omea levolevo.

Sasani Sasaga 1:13

Minau au padakuti matena nogo laka sauba kau lalavea ma kau vilekedougira pipi sui na omea igira na tinoni ara naua i laona na barangengo iani. Mau reigadovia laka God e molonogoa na kalagai mamava tana kokoveda igita.

Sasani Sasaga 1:8

Me pipi na omea sui e danga moa na vatsangi savi i laona, na vatsangi savi loki sosongo e utu na tsarituguana. Na matada e tau dona ke vatsa na momoro, ma na kulida e tau dona ke vatsa na rorongo.

Sasani Sasaga 2:21

Na tinoni e gini ngongoragi na gini aqo na sasagana loki, ma nina donalevo, ma nina padagado tana aqo ti ke gini tamanina nina omea levolevo danga. Mi muri, kalina aia ke mate, me sauba ke molovisugira na omea sui popono vanigira igira ara tau rota na aqo matena. !Ma na omea vaga ia e tau saikesa goto, me tau tamani sa rongona!

Sasani Sasaga 2:23

I tana maurina popono aia, pipi sui lakalaka na omea e naugira ara tau lelê pelua sa omea. Ara moloboe vania moa, ma gana rota. Me atsa moa tana bongi, ma na papadana e tau dona ke mango. Na omea vaga gira, na aqo tagara rongona lê sui moa.

Sasani Sasaga 4:7

Me kesa segeni goto na sasaga inau au reia i laona na mauri, mau tau padagadovidoua na rongona.

Sasani Sasaga 5:10

Me ti vaga igoe ko padaloki sosongolia na qolo, me sauba e utu ko gini vatsa; me ti vaga ko ngao sosongolia ko tamani danga, me sauba ke utu nomoa ko adigira na omea sui o kilia. Na omea vaga ia e tau saikesa tamanina sa rongona.

Sasani Sasaga 5:9

Na vuana na kao, niqira tamani na tinoni sui, ma na taovia tsapakae goto e sangâ na gini mauri na vuana.

Isaia 5:8

!Sauba ke seko sosongo nomoa vanigamu! Igamu amu voligira goto danga na vale ma na uta gana kamu paboginigira igira amu tamaninogoa. Me sauba ke tau oka me ke tau lelê goto mangamanga sa nauna i tana kara totuvia igira na tinoni tavosi, migamu segenimui moa kamu totuvia na kao popono.

Isaia 55:2

?Matena gua ti amu tsonilea nimui qolo tana omea amu tau gini masu? ?Megua vaga ti amu tsonilea nimui qolo amu aqo loki matena, mamu vitoa babâ moa? Kamu rongomangaqu inau, ma kamu naua na omea au ketsaliginigamu, me sauba kamu gini mage na ganiana na mutsa dou liuliu bâ.

Mateo 11:28

“Kamu mai i koniqu, igamu sui amu rota na kalagai mamava, minau kau vanigamu na mango.

Luka 12:20

Maia God sauba ke tsarivania na mane vaga ia, ‘!O bule igoe! Tana bongi eni nogo sauba inau kau adiligi tanigo na maurimu igoe. ?Masei sauba ke tamanina pipi nimu omea girani igoe o mololakagira vanigo segeni?’

1 Ioane 2:16

Pipi gira sui na omea lee ni barangengo, vaga na kilinauseko, na kili tamani omea danga, ma na omea sui goto na tinoni ara dona na gini kaekae, e tagara kesa na omea vaga gira ke talumai i konina God. Igira sui lakalaka na omea vaga gira ara pukuga sui moa tana barangengo.