Sasani Sasaga 4:1 - Ghari

¹ Mi muri, minau au morosigira tugua pipi sui na omea tau goto ara tau kuti na laba i laona na barangengo. Au reigira na tinoni seko ara tsogori tsunaligira na kulaqira, migira ara ngangai savosavo, me tagara ke kesa ke sangagira. Eo, e tagara kesa ke malagai na tû me ke sangagira, rongona igira ara bingi sekoligira ara tamanina na susuliga tana niqira tabana.

Sasani Sasaga 4:1 Iomraidhean Croise

Nina Papi A Job 16:4

Me ti vaga igamu kamu totu tana rota vaga inau au totu i konina kalina ia, minau kau mauri dou vaga moa igamu kalina ia, me tangomana moa inau kau tsarivanigamu na omea sui vaga amu tsarivaniau inau, ma kau lengulengu lovaqu vanigamu goto, ma kau lumiginigamu na obona niqu tsaqina goko.

Nina Papi A Job 35:9

“Eo, mi kalina igira na tagaovera ara bingi sekoligira na tinoni, migira ara kukungu mara ngangaidato ti vaga kesa tangomana ke laumaurisigira.

Nina Papi A Job 6:29

Kamu mololea na goko dangadanga ma na tsoniana na tsaqina goko e tau mana. Ma kamu laka goto na kedeaqu inau, rongona inau au tau naua sa omea ke sasi.

Nina Papi A Job 9:24

God e molonogoa na barangengo tana limaqira na tinoni vanga tsutsukibo. Maia e naua me gini koko sui na mataqira na manepede. ?Me ti vaga God e tau naua na omea vaga ia, masei moa e naua?

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

Linge 142:4

Mi kalina au moro bamai i ligisaqu, mau tau nogo reia ke kesa ke sangaau, tagara goto ke kesa ke reitutuguau, se ke boeginiau.

Linge 142:5

Taovia au ngangaidato vanigo ko sangaau; Taovia igoe nogo niqu reitutugu; igoe segeni moa au ngaoa kau tamanina tana mauri ni lao eni.

Linge 42:3

Na dani ma na bongi inau au ngangai moa, ma na kô na mataqu e lia gaqu mutsa; pipi kalina moa ara veisuaau igira gaqu gala mara tsaria, “?Laka iava e totu nimu God igoe?”

Linge 42:9

Au tû, mau tsarivania God aia e reitutuguau, “?Matena gua te o padaleau igoe? ?Egua vaga ti niqu aqo moa inau kau tsodorota babâ vaga ia tana niqira tobaseko ara naua vaniau igira gaqu gala?”

Linge 69:20

Niqira gokopea ara sekoliau pitsu me gini ponopala saikesa na tobaqu. Au amesia laka ke kesa ke galuveau, me tagara ke kesa, me ke kesa ke vereau, mau tau goto tsodoa ke kesa.

Linge 69:21

Mi kalina au vitoa, migira ara palaginiau na tabatu; kalina au marou, mara sauvaniau na ko vavai.

Linge 80:5

Igoe o sauvanigami na rota ke lia gamami mutsa, ma na dangana na bilo na kô na matamami kami inuvia.

Binaboli 1:16

me tsarivanikaira, “Ti vaga kalina amu ka ba adivasusuna sa daki ni Hibru ma kamu ka reia ke baka mane, ka nimui aqo kamu ka matesi saviliua; me ti vaga ke baka daki ma kamu ka moloa ke mauri.”

Binaboli 1:22

Mi tana susuina, maia na taovia tsapakae e moloketsa kakai vanigira nina tinoni sui lakalaka me tsarivanigira: “Kamu adigira pipi na baka mane botsa vaolu i laoqira na Hibru, ma kamu tsoni luvusigira tana Kô Nile, migira sui moa na baka daki kamu mologira kara mauri.”

Goko Tabana 19:7

Igira na kulana manana kesa tinoni e tau tamanina sa omea ara reisavia. Migira sui goto gana saidou ara vanoligi tania. Me atsa moa ti ke tovokakaia na laveaqira, me utu goto ke tsodogira.

Goko Tabana 28:3

Kalina kesa tinoni tangirongo e bingi sekoligira na tasagana, e vaga moa na usarau e sekoligira na omea tsukatsuka.

Goko Tabana 29:2

Kalina e tagao kesa na tinoni e gotolaka nina sasaga, migira nina tinoni ara totu tana mage. Mi kalina kesa na tinoni vanga tsutsukibo e tagao, migira nina tinoni ara totu moa tana rota.

Sasani Sasaga 3:16

Mau reigadovigotoa inau, laka i laona na barangengo iani igita a tsodoa moa na omea seko i tana e tugua ke totu na omea e dou me goto i matana God.

Sasani Sasaga 5:8

Ko laka na gini beke kalina ko reia na tinoni tagao ara bingi sekoligira na tinoni ara tau tamanina sa omea, mara tau aqosia na pedegoto vanigira, mara tongo vanigira goto na omea ara kilia vania na mauriqira. Pipi tinoni tagao e totu kesa e loki liusia aia me isutuguna, mara totu visana ara loki liusikaira mara isu ka tuguqira goto.

Sasani Sasaga 7:7

Mi kalina ti kesa na mane sasaga e peqogira na tinoni tavosi, maia goto e aqo vaga moa ti na tinoni bule. Me ti vaga ko tamia na adiqolona na tangopeke, mi tana migoe o sekoli segenimu saikesa.

Sasani Sasaga 8:9

Inau au morosigira na omea sui girani kalina au padatugugira na omea ara laba tana barangengo iani, i tana ara visana lelê moa ara tamani susuliga loki, migira na tinoni tavosi sui ara rota i vavaqira igira.

Isaia 5:7

Eo, igira na tinoni tana Israel ma na Juda ara vaga moa nina uta na uaeni na Taovia Susuliga Sosongo, maia e reingao sosongoligira, me reitutugudougira. Maia e norugira laka kara naua na omea ke dou me ke goto, migira ara tû mara naua moa na omea seko. Ma na gabuqira igira ara lamutasigira e ngangai dato vania na Taovia ke tangotuguqira.

Isaia 51:23

Me sauba moa kau tusuvanigira kara inuvia igira ara bingi sekoligamu, mara labu pukaligamu mamu gini tsaro bamai tana sautu na vera, mara tsogorigamu vaga moa ti igamu na papasa lê.”

Isaia 59:7

Igamu amu totu matengana moa na vorogokona na omea seko, mamu tsaku sosongo na manaliana. Amu tau goto padaruka na labu matesiaqira na tinoni dou. Mamu sekolia moa na mauriqira na tinoni tavosi pipi sui tana nauna amu liu bâ.

Jeremia 16:7

Me tagara goto ke kesa ke mutsa kolua sa kulana, na mani vereana kalina e mate kesa aia e galuve sosongolia, atsa moa ti vaga e mate na tinana se na tamana.

Tangitangi 1:16

“Aia nogo na rongona ti e gini sarara tsuna na kô na mataqu. Me tagara goto ke kesa tangomana ke vereau se ke malagaisiau. Igira gaqu gala ara tuliusiau nogo, migira niqu tinoni ara tau goto tamanina sa omea.

Tangitangi 1:17

“Inau au abea na limaqu tana nono, me tagara goto ke kesa ke ngaoa na sangaaqu. Ma na Taovia e soamaigira gaqu gala kara maiginiau pipi moa tabana. Minau au vaga moa ti kesa na omea marasibiga i mataqira.

Tangitangi 1:2

Mi tana bongi popono aia e ngangai moa; ma na kô na matana e sarara tsuna tana ngorana. Mi laogira sui lakalaka na kulana ni sau, e tau lelê goto totuvisu ke kesa ke verea. Igira ara tabana kolua tana idana ara tû mara sauligia, mi kalina ia igira sui ara vaigalagi kolua.

Tangitangi 1:9

Nina sasaga tabaru ara totu malemale saikesa, maia e tau moa gini boe na omea kara laba vania i muri. Aia nogo na rongona te e gini puka saikesa gana susuliga, me tagara goto ke kesa ke verea. Maia e tsaria, “!Taovia, ko galuveau kiki tana niqu rota loki, rongona igira gaqu gala ara tuliusiau nogo!”

Amos 3:10

Me tsaria na Taovia, “Na tinoni girani ara dangaliginigira niqira vale loki rerei dou na omea ara adia tana komi ma na tangopeke seko. Mara tau saikesa dona na nauana sa omea ke goto.

Amos 3:9

Kamu bâ ma kamu tsarivulagia vanigira igira ara totu i laona na valena na taovia tsapakae ni Ejipt mi Asdod na goko vaga iani: “Kamu mai ma kamu sai tana tetena polipolia na Samaria, ma kamu reia na omea sui ara totu piriutsa bamai i laona, ma na tsutsukibo loki ara nanaua moa i tana.”

Malaki 2:13

Miani goto kesa na vatana na omea seko igamu amu naua. Amu porisi poponoginia nina belatabu na Taovia na kô na matamui, mamu ngangai mamu kakanga rongona na Taovia e tau nogo tabegira na savori amu adimai vania.

Malaki 3:18

Me ke kesa goto kalina sauba igira niqu tinoni kara reia laka e tavosi na omea inau kau nauvanigira igira e gotolaka niqira sasaga, migira na vanga tsutsukibo, ma na tinoni e aqo vaniau, maia e tau aqo vaniau.”

Malaki 3:5

Maia na Taovia Susuliga Sosongo e tsaria, “Minau sauba nomoa kau mai i konimui ma kau pedegamu. Me sauba kau tsaku sosongo na adilabatiana i malena niqira sasaga igira ara naua na basutidao, migira ara kiboga, migira ara tsonia na gokopero tana tinete, migira goto ara voli peqogira igira ara aqo vanigira, migira ara dona na komiaqira na daki, ma na baka tinamate, ma na tinoni ni veratavosi ara sagelalo kolugira, migira sui lakalaka goto ara tau kukuni taniau inau.

Mateo 26:56

Eo, ara gini laba pipi na omea sui vaga gira, rongona kara gini manatovu na omea ara mare idanogoa igira na propete tana Mamare Tabu.” Mi tana, migira sui gana duli a Iesu ara mololea, mara tsogoligi tania.

Na Vaolusi Ketsa 28:33

Me sauba ke kesa na puku tavosi igamu amu tau donaginia ke adigira sui nimui omea tsukatsuka, igira igamu amu rota sosongo na tsukaaqira; migamu e utu goto kamu adia sa omea, sauba moa kara bingi sekoligamu ma kara rotasigamu sosongo.

Na Vaolusi Ketsa 28:48

Me vaga ia, migamu sauba kamu aqo vanigira gamui gala igira aia na Taovia nimui God sauba ke mologira kara maiginigamu. Migamu sauba kamu vitoa, ma kamu marou, ma kamu malaiole, ma kamu tau goto tamanina sa omea. Ma na Taovia sauba ke bingi sekoligamu kakai poi tsau kamu viri mate sui.

Iakobo 5:4

Mamu tau lelee voligira na mane ara aqo i laona nimui uta. !Kamu rongomia niqira tatamanga gamui! E labadato nogo i kulina God na Taovia Susuliga niqira tangitangi na tinoni ara tsurivia nimui uta.

Tinoni Pede 4:3

A Jabin e tamanina e siu sangatu nina terê tapala, me tagaovigira na tinoni ni Israel me rotasi sekoligira sosongo i laona e rukapatu na ngalitupa. Mi tana migira na tinoni ni Israel ara tû mara ngangaidato tugua vania na Taovia ke sangagira.