Sasani Sasaga 12:5 - Ghari

⁵ Eo, sauba ke kakai vanigo na dato ao, mo ko kadangaginia na vanovano. Na ivumu sauba ke sere; me sauba ke kakai vanigo goto na tû ma na vanovano segeni. Me pipi sui nimu vavatsangi ni sau kara nanga lê tanigo. Igita sui a vano kalea tana vera na mango saliu, migira na tinoni sauba kara tangisia na mateada.

Sasani Sasaga 12:5 Iomraidhean Croise

Tuturigana 42:38

Ma Jakob e tsaria, “Na dalequ e utu saikesa ke vano kolugo; na kulana e mate nogo, maia lelê moa e totuvisu. Tau utu sauba ke laba vania sa omea i sautu. Minau au tuqatuqa nogo, me ti vaga ke laba vania sa omea na baka ia, minau sauba kau gini mate na melu.”

Tuturigana 44:29

Me ti vaga igamu kamu adiligigotoa a Benjamin iani taniau kalina ia, me ke ba laba vania sa omea seko, minau sauba kau gini mate moa na melu rongona au tuqatuqa sosongo nogo.’ ”

Nina Papi A Job 15:10

Mi tugami ami tu sasanigotoa na sasaga loki i koniqira na tinoni sasaga e senge nogo na ivuqira, igira na tinoni ara botsa ida bâ vania na tamamu igoe.

Nina Papi A Job 17:13

Mau amesia moa kau tsuna tana barangengo na mate, mi tana sauba kau tsaro ma kau maturu i laona na rodo.

Nina Papi A Job 30:23

Eo, inau au dona nogo laka igoe o vangaraunogoa na matesiaqu, ma na moloaqu bâ i tana sauba kara totu igira na tinoni sui.

Linge 71:18

!Mi kalina eni inau au tuqatuqa pitsu nogo, me senge sui nogo na ivuqu, migoe niqu God ko laka na vano taniaqu! Ko totu kalavata koluau kalina inau au katevulagia na susuligamu ma na lokimu vanigira na vatavata sui kara botsamai i muri.

Goko Tabana 16:31

Na mauri oka gana peluna aia na tinoni e gotolaka nina sasaga; ma na senge e ngiti gana kepi marara.

Goko Tabana 20:29

Igita a reingaoa na susuligana na tinoni vaolu, ma kukuni tania na tuqatuqa ivu sengesenge.

Sasani Sasaga 9:10

Na omea sui o naua ko naudougira, rongona tana barangengo na mate i tana igoe o kalea e tagara na aqo se na papada, me tagara goto na padagadovi omea se na sasaga loki.

Isaia 46:4

Inau nogo nimui God, me sauba kau aragogamu babâ poi kamu tuqatuqa ma kamu dakidaki me ke senge na ivumui. Inau nogo au aqosigamu, me sauba kau reitutugugamu, ma kau sangagamu, ma kau laumaurisigamu.

Jeremia 1:11

Ma na Taovia e veisuaau inau me tsaria, “?Jeremia laka nagua o morosia?” Mau gokovisu mau tsaria, “Au morosia kesa na arana tsela.”

Jeremia 9:16

Inau sauba kau sarangasigira i laoqira na puku tavosi, igira migira goto na mumuaqira ara tau vati donaginigira, ma kau mologira na alaala na gala kara baginigira, poi tsau kalina kau matesiligigira saikesa.”

Aqo Manetabu 19:32

“Kamu kukuni tanigira na tuqatuqa ma na dakidaki ma kamu padalokigira. Ma kamu kukuni taniau goto inau na Taovia.

Hibru 9:27

Pipi na tinoni sui, nina aqo ke mate kesa moa kalina, mi muri ti aia God ke pedea.