Mo ko laka goto na padatuguaqira niqu sasi au naua kalina au tinoni vaolu moa. !Tana nimu galuve vo oli ma nimu tobalaka ko padaau Taovia, rongona igoe o dou sosongo!
!Igoe nogo o kukurisia vaganana ia na mauriqu inau! I matamu igoe na mauriqu inau e lia mala omea lê moa. E mana saikesa nomoa laka pipi sui na tinoni mamauri ara vaga lê moa kesa na guguvina tetelo lê na guguri,
ma na vavanona e vaga lê moa ti na auau lê. Na omea sui aia e gini boe sosongo na nauaqira ara puala lê sui. Aia e tsakosaigira na vangana sui na omea levolevo, me tau lelê goto donaginia laka asei nomoa ke aditamanina.
Au reinogoa pipi sui na omea ara laba ieni i barangengo, mau tsarivanigamu laka igira sui ara tau saikesa tamani sa rongona. E vaga moa ti na takuvi guguri.
Me vaga ia, e dou ti kalina igoe o tinoni vaolu moa ko padatugua nimu God aia e aqosigo, idavia kara laba vanigo na dani seko i tana sauba igoe ko tsaria, “Au tau goto gini mage na mauri.”
!Igamu na kulaqu galugaluve, na veke sui vaga igira, God e naugira vanigita nogo igita! Me ti ke vaga ia, ma nida aqo igita ka malesia na tobada tanigira pipi sui na omea e dona ke bausia na konida se na tidaoda, ma ka tovokakaia na mauri male saikesa tana kukuni taniana God.
Ko kana tanigira na ngaoseko sui ara dona na laba i tobaqira na tinoni vaolu. Mo ko gini ngongoragi matena moa ko totugoto dou i matana God tana tutuni ma na galuve ma na rago, kolugira igira sui e male nogo na tobaqira mara norua moa na Taovia ke sangagira.