Sasani Sasaga 1:6 - Ghari

⁶ Na guguri e tû i ata me tave i vava, me liu polipoli me visutugua i vava i tana e tuturiga.

Sasani Sasaga 1:6 Iomraidhean Croise

Nina Papi A Job 37:17

Tagara goto, migoe o dona moa na gini rota lê na papara kalina na guguri ni ata e gadovikakaia na momoru.

Nina Papi A Job 37:9

Na gugurina na tulonga loki e talu mai i ata, ma na bisi loki e palamai i vava.

Linge 107:25

Aia e goko moa, me mai na guguri loki me karara na panu.

Linge 107:29

E pukalia na susuligana na legai loki, me beatasia na tasi.

Sasani Sasaga 1:7

Me pipi sui na kô ara tavevotu sui moa i tasi, me tau goto gini danga na tasi. Ma na kô e visutugua i tana e vuramai, me tuturiga vaolutugua na tave.

Sasani Sasaga 11:5

Aia God nogo e aqosigira na omea sui lakalaka, me utu saikesa vanigo ko padagadovia nagua aia e naua, vaga moa goto e utu ko padagadovia e tuturiga koegua na mauri vaolu i laona na tobana kesa na daki tiana.

Jona 1:4

Mi kalina ara vovotu, ma Jona e ba tsuna saviliu tana tabulô me maturu tatanu. Tau oka ma na Taovia e moloa kesa na guguri loki tana tasi, me laba na legai loki seko sosongo me gadovia na vaka, me varangi ke tarese. Mi tana migira na mane na vaka ara viri matagu mate, me pipi gira tatasa ara ngangaidato vania niqira god segeni ke sangagira. Te ara tû mara tsonigira i tasi gana lutsa na vaka rongona ke gini malamala na vaka.

Mateo 7:24

“Eo, me ti vaga asei ke rongomigira niqu tsaqina goko girani, me ke muridougira, maia e vaga moa ti kesa na mane sasaga manana, aia e baa me logoa na valena tana maragova.

Mateo 7:27

Mi kalina e tumu loki na usa, me tave loki na obo, me mai loki na guguri, me gadovikakaia na vale ia, me tavui saikesa. !Me toroutsa sui lakalaka!”

Ioane 3:8

Na guguri e bisimai iava moa e kilia ke bisimai. Mo rongomia e alevoo, mo tau moa dona iava e palamai miava ke liu baa. Ia nogoria ke vaga vanigira pipi tinoni ara gini botsa vaolu na Tarunga Tabu.”