Nehemia 9:25 - Ghari

²⁵ Migira nimu tinoni ara tangoligira na vera loki tamani baravatuna, ma na kao lakataga, migira na vale e danga na omea levolevo dou i laoqira, ma na tuvu na kô ara tsai manogatinogoa, ma na gai na olive, ma na gai mutsamutsa, ma na uta na uaeni. Mara gania moa pipi na omea ara ngaoa mara gini paquru; me gini laoqira sosongo pipi sui na omea dou igoe o tusuvanigira.

Nehemia 9:25 Iomraidhean Croise

1 Taovia Tsapakae 14:9

Igoe o tsukigira na sasi loki sosongo bâ liusigira igira ara tagao ida vanigo igoe. Igoe o tsonikidaqu inau, mo tsaiau me gini momosa loki na tobaqu tana rongona o aqosiginigira na tapala na titinonina na god peropero ma na nununa na omea lê gana na samasama vaniaqira.

1 Taovia Tsapakae 8:66

Mi tana alunina dani, ma Solomon e votagira na toga kara visu i veraqira. Migira sui ara tsonikaea na taovia tsapakae mara visu i veraqira tana magemage rongona na vangalaka sui aia na Taovia e sauvania a David nina maneaqo, migira nina tinoni ni Israel.

Nehemia 9:35

Tana nimu vangalaka loki igoe o sangagira nimami taovia tsapakae kara tagaovidougira nimu tinoni, kalina igira ara totu moa i laona na kao dama lakataga igoe o saunogoa vanigira; migira ara tau goto tangomana kara piloligi tania niqira sasi ma kara aqo vanigo.

Linge 105:44

Maia e tû, me tusulea vanigira niqira kao igira na tinoni tavosi, me tamivanigira kara aditamaniqira niqira uta.

Linge 65:11

!Tana nimu galuve loki igoe o saua vanigami na mutsa lakaga dou sosongo! Pipi sui tana nauna tana igoe o liu ara totutovu na omea dou sui.

Goko Tabana 30:9

Ti vaga inau kau tamani omea danga sosongo, me tau utu kau tia tagarago ma kau tsaria, “?Laka asei vaga God?” Se ti vaga kau tau tamanina sa omea, me tau utu kau komi ma kau gini paluvangamamu igoe niqu God.

Isaia 6:10

Mi muri maia e tsarigotoa vaniau, “Ko naua me ke pono na tobaqira, mo ko ponotia na kuliqira, mo ko maturukapusia na mataqira, rongona ti vaga kara morosiginia na mataqira, ma kara rongomiginia na kuliqira, ma kara padagadoviginia na tobaqira, me sauba kara pilovisumai i koniqu inau, ma kau maurisigira.”

Isaia 63:7

Inau sauba kau turupatuna tana rongona nina galuve vo oli na Taovia, ma kau tsonikaea rongona na omea dou sui aia e naua vanigita. Tana nina tobalaka ma nina galuve vo oli, aia e vangalaka loki vanigira na tinoni ni Israel.

Jeremia 2:7

Minau au molobagira kesa tana kao lakataga, gana kara gini mage na ganiana na vuana na omea tsukatsuka migira na omea dou sui goto ara totu i tana. Migira ara tû mara naqusia niqu kao, mara tangopekea na butona kao popono inau au saunogoa vanigira.

Jeremia 31:14

Me sauba kau masuliginigira na manetabu na mutsa dou bâ, migira niqu tinoni kara tamanina pipi sui na omea ara kilia gana na mauriqira. Inau nogo na Taovia au tsaria na omea iani.”

Jeremia 32:23

Bâ, mi kalina ara mai tana kao iani mara aditamaniqira, migira ara tau goto rongomangamu, se kara mauri murigira nimu ketsa; mara tau saikesa naua na omea vaga igoe o ketsaliginigira kara naua. Maia nogo na rongona ti igoe o alomaia na rota seko loki e gadovigira kalina ia.

Esekiel 20:6

Mi tana tagu nogoria ia inau au veke vanigira laka kau adirutsumigira tania na Ejipt, ma kau idagana sautu vanigira tsau bâ tana butona momoru inau au vilinogoa vanigira, i tana e lakataga dou sosongo na kao, me dou liusigira bâ na kao sui.

Daniel 11:24

Maia sauba ke ba boki novotia kesa na butona momoru ara totu danga sosongo na omea i laona, me ke naugira danga na omea ara tau goto dona na nauana igira na mumuana i sau. Mi muri maia sauba ke tuvari votagira na omea sui aia e laugira tana vailabu vanigira igira ara tsarimurina. Maia sauba ke vorogokona goto na baginiaqira na vera tamani baravatuna, me ke kurikuri lê vaninogoa nina tagu na nauana.

Hosea 13:6

Mi kalina igamu amu sage bâ tana kao dou, mamu mutsa masu dou, mi tana amu kaekae mamu padaleau inau.

Hosea 3:5

Me sauba ke labamai na tagu i tana igira na tinoni ni Israel kara pilovisutugua i konina na Taovia niqira God, mi konina kesa niqira taovia tsapakae aia na kukuana a David. Mi muri ti igira kara kukuni tania na Taovia, maia ke vangalaka vanigira tugua.

Roma 2:4

?Se ngatsu amu peaa nina galuve ma nina berengiti loki God kolugamu, e gini pitugamu poi tsau kamu pilotoba?

Na Vaolusi Ketsa 3:5

Ma na verabau sui girani ara barapoliginigira na baravatu ara dato ao, mara tamanina na matsapakapuqira, ma na gai loki gana na raveginiaqira na matsapakapu, mara danga goto na vera tetelo ara tau barapologinigira na vatu.

Na Vaolusi Ketsa 32:13

“Aia e tamivanigira kara tagaovigira igira ara totu i kelana na vungavunga, ma kara gania na omea ara dato i laona na uta. Mara tsodoa na bulumitsua atsi i laoqira na vatu; ma niqira gai na olive ara molo vuaqira dou tana kao vatuvatuga.

Na Vaolusi Ketsa 32:14

Niqira buluka ma niqira naniqoti e dadanga dou na tsutsuqira; mara tamanina na sipi, ma na naniqoti, ma na buluka dou liuliu bâ, ma na uiti ma na uaeni dou liuliu sosongo bâ.

Na Vaolusi Ketsa 32:15

“Igira nina tinoni na Taovia ara tamani omea danga, me atsa moa e vaga ia, migira ara petsakoe mangana moa; ara mutsa sosongo me gini subu na tobaqira. Igira ara piloligi tania God aia e aqosigira mara sove tania niqira vagamauri susuliga.