Nehemia 9:21 - Ghari

²¹ Mi laona e vati sangavulu na ngalitupa ara liu i laona na kaomate igoe o sauvanigira na omea sui ara kilia; ma na poloqira ara tau goto taratsi ma na tuaqira ara tau goto tsomo se kara sosongo.

Nehemia 9:21 Iomraidhean Croise

Linge 34:10

Atsa moa na laeone, mara dona goto kara noga ma kara vitoa lê; migira moa ara rongomangana na Taovia, e utu goto kara noga sa omea dou.

Binaboli 16:35

Migira na tinoni ni Israel ara gania na mana ia i laona e vati sangavulu na ngalitupa, poi ara ba tsau tana kao ni Kanaan i tana ara ba totu kalavata.

Amos 5:25

“Tinoni ni Israel, kamu padatugua laka kalina inau au idagana sautu vanigamu tana kaomate i laona e vati sangavulu na ngalitupa minau au tau nongigamu kamu kodoputsa se kamu savoria sa omea vaniau.

Aqoaqo 13:18

mi laona vati sangavulu na uvi God e berengiti kolugira tana legai mangu.

Na Vaolusi Ketsa 2:7

“Kamu padavisua e koegua na Taovia nimui God e vangalaka vanigamu tana pipi na omea amu naua. Aia e reitutugugamu kalina igamu amu liu bamai i laona na kaomate loki iani. Maia e totu kolugamu i laona vati sangavulu ngalitupa popono girani, migamu amu tamanina pipi na omea amu kilia.

Na Vaolusi Ketsa 29:5

I laona e vati sangavulu na ngalitupa na Taovia e idagana sautu vanigamu tana kaomate, migira na polomui ara tau nguta, ma gamui porotua ara tau vati takuti.

Na Vaolusi Ketsa 8:2

Kamu padavisua laka e koegua kalina aia na Taovia nimui God e idagana sautu vanigamu tana kaomate i laona vati sangavulu na ngalitupa, me mologira danga na rota kara gadovigamu gana ke gini tovolegamu, ti aia ke gini donaginia nimui papada, ti vaga kamu murigira manana nina ketsa se tagara.

Na Vaolusi Ketsa 8:4

Mi laona na vati sangavulu ngalitupa girani, igira na polomui ara tau goto nguta, ma na tuamui ara tau tsomo.