Nehemia 8:12 - Ghari

¹² Bâ, mi tana igira sui ara visutugua i veraqira, mara magemage, mara mutsa mara inu, mara votagira na omea ara tamanina vanigira na kulaqira tavosi, rongona ara padagadovidoua na omea ara tsokonogoa vanigira.

Nehemia 8:12 Iomraidhean Croise

1 Turupatu Dato 29:22

Bâ, mi tana dani ia, migira ara mage loki sosongo taguna ara mutsamutsa mara inu i matana na Taovia. Mara tû mara katevulagitugua na rukanina kalina laka a Solomon aia niqira taovia tsapakae. Mi tana asana na Taovia ara ninaginia a Solomon ke lia niqira tagao, mara ninagotoa a Sadok ke lia niqira manetabu.

Nehemia 8:10

Mi kalina ia, kamu visu sui i veramui, ma kamu naua na mutsa sai. Kamu palagira na mutsa ma na uaeni igira ara tau tamani ke tugugira. I dani eni na dani tabu loki vania nida Taovia, me vaga ia ma kamu laka goto na melu. Nina mage nogo na Taovia ke lia na susuligamui.”

Nehemia 8:11

Migira na Levite ara liu bamai i laoqira na toga mara ragosia na tobaqira mara tsarivanigira kara laka goto na melu tana dani tabu loki vaga ia.

Nehemia 8:13

Mi tana dani ngana, migira na ida tana duli, kolugira na manetabu ma na Levite, ara vano i konina a Esra kara gini sasania na vavanona na Ketsa.

Esta 9:22

Karani nogo ruka na dani i tana igira na Tsiu ara matesiligigira gaqira gala; iani nogo na vula i tana na tagu na melu loki ma na padasavi e oli me lia na tagu na magemage loki. Mara tsarivanigira kara lokisia na papadana kaira na dani karani tana mutsasai ma na vaituvarigi na vangalaka na mutsa, ma kara palagira goto igira ara tau tamanina sa omea.

Nina Papi A Job 23:12

Mau nausailaginia moa na omea God e ketsaliginiau na nauana; mau murigira moa na omea aia e padangaoa, mau tau goto murigira niqu padangao segeni.

Linge 119:111

Igira sui nimu ketsa ara niqu tamani saviliu nogo inau, eo, igira nogo te e gini magemage na tobaqu.

Linge 119:127

Minau moa au reingao sosongoligira nimu ketsa liusia na qolumila, me liusigotoa bâ na qolumila laka.

Linge 119:130

Na nusirongona nimu sasani igoe e dona ke mararasigira, me ke tusua na sasaga loki vanigira igira ara tau sasaga katsi.

Linge 119:14

E laoqu sosongo nomoa na muriana nimu ketsa, liusia bâ na tamani omea levo danga.

Linge 119:16

Au reingao sosongoligira nimu ketsa; me utu goto kau padalegira.

Linge 119:171

Sauba kau tsonikaego sailagi, rongona igoe o sasaniginiau nimu ketsa.

Linge 119:174

!Taovia, au pitu sosongolia laka igoe ko laumaurisiau! Au tsodovulagia na magemage i laona nimu ketsa.

Linge 119:72

Ma na ketsa igoe o sauvaniau, e tamani rongona loki vaniau liusia na qolu sui tana barangaengo popono.

Linge 119:97

!Taovia au reingao sosongolia nimu ketsa! Mau papadâ moa tana dani popono.

Jeremia 15:16

Igoe o goko vaniau, minau au rongomi vatavia pipi sui nimu tsaqina goko. Inau nimu tamani nogo igoe Taovia God Susuliga Sosongo, me gini mage sosongo tobaqu na rongomiana nimu goko.

Luka 24:32

Mara ka vaigokovigi segeni mara ka tsaria, “!E tau pitsa! !Me vaga saikesa nogo ti na lake e ganikaita, kalina aia e goko kolukaita i sautu, me vuresi makali vanikaita na rongona na Mamare Tabu!”

Roma 7:18

Au dona laka e tagara sa omea dou ke totu kalavata i koniqu, i laona na tobaqu. Rongona atsa moa ti vaga na papadana na nauana na omea dou e totu i laoqu, me utugana vaniau nomoa na nauana.

Na Katemai 11:10

Migira na tinoni sui i barangengo sauba kara gini mage loki tana rongona ka mateaqira kaira. Me sauba kara kavomutsa ma kara vaituvarigi gaqira omea levo, rongona ara ka mate kaira na propete karani ara ka adimaigira danga sosongo na rota vanigira na tinoni tana barangengo.