Nehemia 5:7 - Ghari

⁷ mau vilekesegenia i tobaqu nagua kau naua. Te au tû mau tai mataqira na ida ma na tinoni lokiloki mau tsaria, “!Igamu amu bingi sekoligira na kulamui!” Mau soamaigira sui na vilekeana na omea iani,

Nehemia 5:7 Iomraidhean Croise

Linge 109:11

Ma na tinoni aia e kaoni i konina ke tû, me ke adiligi tania pipi nina omea tatamani sui, migira na tinoni tavosi aia e tau donaginigira kara aditamaniqira na omea sui aia e aqo matena.

Linge 15:1

?Taovia asei nomoa e ulagana ke sage bâ i laona nimu Vale Tabu? ?Masei nomoa e ulagana ke samasama vanigo i Sion tana nimu vungavunga tabu?

Linge 15:5

E tamiqolo vanigira na tinoni tavosi, me tau nongi papabona kalina igira ara tuguvisu vania nina qolo. Me tau goto tami ke adiqolona na sanga kesa tabana tana pede, me ke keliseko vanigira na tinoni dou. Eo, na tinoni aia e naudou vaganana ia, sauba ke dona na tukakai saviliu.

Linge 27:8

Kalina igoe o goko mo tsaria,“Ko mai mo ko samasama vaniau,” minau au gokovisu vanigo mau tsaria,“Eo Taovia, sauba kau bâ. Au kili sosongolia kau reilakana na matamu.

Linge 4:4

Kamu gariri tana matagu ma kamu mololea na nauana na sasi; ma kamu pada mamavasia na omea iani, kalina kamu tsaro mui i nigemui.

Linge 94:16

?Me laka asei e isutuguqu inau tanigira na vanga tsutsukibo gira? ?Masei e sangaau na tukapusiaqira na vanga nauseko gira?

Binaboli 22:24

me sauba kau kore loki ma kau labumatesiginigamu na isi tana vailabu. Mi tana ti igira na taumui segenimui nogo igamu kara totu tinamate lê, migira na dalemui kara tau goto tamani tamaqira.

Binaboli 22:25

“Me ti vaga kamu tamivania kesa niqu tinoni aia e tau tamanina sa omea ke kaoni qolo i konimui, migamu kamu laka na nauvaniana vaga ara naua visana, igira ara dona na nongi papabona i koniqira na tinoni ara kaoni qolo i koniqira.

Goko Tabana 27:5

E dou bâ na totosasaga malemale vania kesa tinoni liusia ti ko molovania ke padâ laka igoe o tau saikesa boeginia.

Goko Tabana 28:4

Ti vaga igoe o tau gini boe na muriana na ketsa, migoe o totu tabana i koniqira na tinoni vanga tsutsukibo; me ti vaga ko muridoua na ketsa, migoe o tukapusigira na tinoni vaga gira.

Esekiel 22:12

Me visana nimu tinoni ara adi vovoliqira moa gana kara naua na labumate. Me visana ara adi papabona na qolo tana kaoni ara nauvanigira igira gaqira verakolu, mara turugira gana moa kara tusuqolo vanigira. Igira popono ara padaleau saikesa nogo. Inau nogo na Taovia God au tsaria na omea iani.

Esekiel 45:9

“Inau na Taovia God au tsarivanigamu igamu na ida tana Israel, ‘Igamu amu sasi oka sosongo nogo. Kamu mololea na bingi sekoliaqira ma na rotasiaqira lê niqu tinoni. Ma kamu tuturiga na nauana na omea e dou me gotolaka. Kamu laka saikesa goto na tsialigiaqira tugua niqu tinoni tania niqira kao.’ Inau nogo na Taovia God au tsaria na omea iani.

Aqo Manetabu 19:15

“Kamu naua na pedegoto kalina kamu tinete; kamu laka na sanga kesa tabana kalina amu pedegira na tinoni ara tau tamani sa omea, se na mataguniaqira igira ara tamani omea danga.

Aqo Manetabu 25:36

Kamu laka goto na kiliana i konina na qolobotsa, kamu kukuni tania God ma kamu moloa moa aia gamui verakolu ke totu i laomui.

Mateo 18:17

Me ti vaga aia ke sove goto na rongomikaqira kaira, mi tana igoe ko baa mo ko tatamangana na omea sui vania na saikolu na tinoni tutuni. Mi tana susuina, ti vaga aia ke sove goto na rongomiaqira igira tana saikolu na tinoni tutuni, mi tana, migira kara tuu ma kara tsonitsunaa tania niqira saikolu, maia ke totu saikesa i taba, vaga nogo ti aia na ponotoba se na mane aditakesi.

2 Korint 5:16

Aia nogo na rongona ti tuu kailina eni me ke baa, igami ami tau pede segenia ke kesa tinoni muria niqira papada na tinoni lee. Atsa moa ti i sau ami pedeginia a Iesu Kristo muria niqira papada na tinoni lee. Mi kalina eni ami tau goto nauivagainana ia.

Galatia 2:11

Mi kalina a Petero e mailaba i Antiok, minau au taimatana i mataqira na toga rongona e labamaka laka e sasi na omea aia e naua.

1 Timoti 5:20

Me ti visana vidaqira ara tsutsukibo, mo ko totosasaga malemale vanigira, rongona igira sui tavosi kara gini matagu ma kara tau nauvaganana goto ia.

Titus 2:15

Igirani nogo na omea nimu aqo igoe ko sasaniginigira na tinoni. Mi tana asana na Taovia, igoe ko suli, mo ko kakaisigira mo ko totosasaga vanigira. Mo ko laka na tamivaniana ke kesa ke peago lee.