Nehemia 10:34 - Ghari

³⁴ “Igami sui na toga, ma na manetabu, ma na Levite, sauba kami tsonikutsu pipi ngalitupa gana na tsodovulagiana asei duli kara lave lake agana na savori-kodoputsa vania na Taovia nimami God, vaga e ketsaligami i laona na papi na Ketsa.

Nehemia 10:34 Iomraidhean Croise

1 Turupatu Dato 24:5

Mi tana rongona ara totu nogo visana ka kukuaqira kaira sui a Eleasar ma Itamar ara tagao tana Vale Tabu mara ida tana lotu, te igira ara gini aqo na tsonikutsu tana votaaqo vaniaqira.

1 Turupatu Dato 24:7

Na kesanina tsonikutsu e gado tana vungu konina a Jehoiarib, na rukanina tana vungu konina a Jedaia, na tolunina tana vungu konina a Harim, na vatinina tana vungu konina a Seorim, na tsegenina tana vungu konina a Malkija, na ononina tana vungu konina a Mijamin, na vitunina tana vungu konina a Hakos, na alunina tana vungu konina a Abija, na siunina tana vungu konina a Jesua, na sangavulunina tana vungu konina a Sekania, na sangavulu kesanina tana vungu konina a Eliasib, na sangavulu rukanina tana vungu konina a Jakim, na sangavulu tolunina tana vungu konina a Hupa, na sangavulu vatinina tana vungu konina a Jesebeab, na sangavulu tsegenina tana vungu konina a Bilga, na sangavulu ononina tana vungu konina a Imer, na sangavulu vitunina tana vungu konina a Hesir na sangavulu alunina tana vungu konina a Hapises, na sangavulu siunina tana vungu konina a Petaia, na rukapatunina tana vungu konina a Jeheskel, na rukapatu kesanina tana vungu konina a Jakin, na rukapatu rukanina tana vungu konina a Gamul, na rukapatu tolunina tana vungu konina a Delaia, ma na rukapatu vatinina tana vungu konina a Maasia.

2 Turupatu Dato 2:3

Ma Solomon e moloa kesa nina mane adigoko ke bâ i konina a Hiram na taovia tsapakae ni Tire na nongiana ke sauvania ke visana na kubuna na sida vaga nogo e sauvania a David na tamana kalina aia e logoa na valena segeni. Me ke tsarivania,

Esra 3:5

mara savorigotoa na savori-kodokodo agana na lokisiana na Dani Tabu na Vula Vaolu, me pipi tana tagu sui goto ara saikolu na mani samasama vaniana na Taovia, migira sui goto na sausau ara padangao segeni na savoriana vania na Taovia.

Nehemia 11:1

Mi tana tagu ia, migira na ida ara totu sui i Jerusalem. Migira na tinoni tavosi ara tsonikutsu na viliana ke kesa na tamadale i laoqira pipi sangavulu na tamadale, kara totu kalavata tana vera tabu ni Jerusalem. Migira sui na tamadale tavosi kara ba totu tana veraqira tatavosi.

Nehemia 13:31

Mau mologira visana kara adilake mai tana tagu titi gana na kodoputsa, migira na tinoni kara adimaigira goto na kesanina lakana niqira omea tsukatsuka, ma na kesanina vuana ara mada tana niqira gai mutsamutsa. Kiki God, ko padatugugira sui na omea girani, mo ko tobadou vaniau.

Goko Tabana 18:18

Ti vaga kara ka ruka na tinoni susuliga kara ka vaimangabarigi tana tinete, ma na tsonikutsu moa tangomana ke gotolia na gogoko ia.

Isaia 40:16

Me atsa moa ti kara labumatesigira sui lakalaka na omea tuavati tana goana atsi ni Lebanon, mara tau moa vati danga tugua gana na kodoputsa vaniana nida God, me ti vaga kara kavitsunagira sui na gai ara totu i tana, mara tau goto danga tugua gana na gini soqoi lake.

Aqo Manetabu 24:5

Na Taovia e tsarigotoa vania a Moses, “Kamu adia ke sangavulu ruka kilo na pulaoa ma kamu bitia ke sangavulu ruka na bredi.

Aqo Manetabu 24:6

Kamu mologira ke ruka tana palatete, ke ono na sivona kesa tete, i kelana na bela ara tsavuginia na qolumila laka e totu i matana na Taovia.

Tsoko Tinoni 28:2

ke tsaritugutugu vanigira na tinoni ni Israel laka niqira aqo kara savori vania God pipi tana tagu tititi na sausau na mutsa vaga aia e reingaoa.

Aqoaqo 1:26

Migira ara naua na vivili ka mateqira kaira, me gado konina a Matias, maia nogo e sage i laoqira na sangavulu kesa na apostolo.

Josua 9:27

Me atsa moa ti a Josua e reitutugudougira sosongo, maia e mologira moa kara tseka gana na kavi lake ma na kalagai kô vanigira na toga ni Israel me vania nina belatabu na Taovia. Me tsau mai i dani eni migira na Gibeon ara nau babâ na aqo vaga ia tana nauna i tana na Taovia e vilia gana na samasama vaniana.