Nehemia 1:7 - Ghari

⁷ Igami ami naugira moa na omea ara seko sosongo i matamu igoe, mami tau naugira na omea igoe o ketsaliginigami na nauana. Mami tau goto murigira na ketsa ma na vali o sauvanigami nogo tana mangana a Moses nimu maneaqo.

Nehemia 1:7 Iomraidhean Croise

1 Taovia Tsapakae 2:3

mo ko naua pipi na omea sui na Taovia nimu God ke ketsaligo na nauana. Mo ko murigira dou pipi sui nina ketsa ma nina vali aia, vaga ara marea tana nina ketsa a Moses, rongona ke gini managamu igoe pipi tana omea sui ko naua, me pipi tana nauna sui i tana ko vano.

2 Turupatu Dato 25:4

Me tau moa matesigira ka daleqira, me taonia moa na omea na Taovia e ketsalinogoa tana nina Ketsa a Moses: “Laka na matesiaqira na tinaga ma na tamaga tana rongona na sasi ara tsukia igira ka daleqira, laka goto na matesiaqira na baka tana rongona na sasi ara tsukia na tamaqira ma na tinaqira; pipi tinoni ke mate tana rongona nina sasi aia segeni nogo e tsukia.”

2 Turupatu Dato 27:2

Ma Jotam e naua moa na omea e goto i matana na Taovia, vaga nogo e naua na tamana; me tau moa usulia tana nina sasi na ba kodoana na buluna gai uruuru tana Vale Tabu. Migira na toga ara sasi babâ moa.

Esra 7:6

Aia Esra e kesa na mane e sasani loki me sasaga sosongo tana rongona na Ketsa aia na Taovia na God ni Israel e saunogoa vania a Moses. Maia na taovia tsapakae e sauvania a Esra pipi na omea sui aia e nongia i konina, rongona na Taovia nina God e totu i konina. Mi tana vitunina ngalitupa nina aqotagao a Artaserkses, ma Esra e mololea i Babilonia me vano i Jerusalem, kolua kesa na alaala popono na Israel, kolugira goto na manetabu, ma na Levite, ma na mane ara taia na itai tatangi i laona na Vale Tabu, ma na mane matali valetabu ma na maneaqo.

Linge 106:6

Igami ami sasi vaga nogo ara naua igira na mumuamami; ami tsutsukibo mami sasaga seko.

Linge 89:31

ma kara tau goto gini boe na rongomiaqira niqu totokoe, ma kara tau murigira niqu vali,

Linge 89:32

mi tana minau sauba kau kedegira tana rongona niqira sasi ara naua; me sauba kau ramitsigira kakai matena na omea seko sui igira ara tsukia.

Isaia 1:4

Sauba ke seko sosongo nomoa vanigamu igamu na puku na tinoni vanga nauseko, amu seko pitsu nogo, me tabaru saikesa nimui sasaga. !Nimui sasi nogo ara raqa tsunagamu! Igamu amu sove tania na Taovia, aia na God tabu ni Israel, mamu piloligi tania.

Daniel 9:11

Igami sui lakalaka na tinoni ni Israel ami kutsigira nogo nimu ketsa ma nimu vali, mami sove saikesa na rongomiana na omea igoe o tsaria. Igami ami sasi sosongo manana i matamu, mami raqamai segenia i konimami na vealagi vaga ara maregira nogo tana nina papi na Ketsa a Moses nimu maneaqo.

Daniel 9:13

mo kedeginigami pipi sui na kede ara marenogoa tana nina papi na Ketsa a Moses. Me atsa goto moa kalina ia, Taovia nimami God, migami ami tau saikesa tovoa laka kami totu dou i matamu ma kami piloligi tanigira nimami sasi, ma kami muridoua nimu sautu mana.

Hosea 9:9

Igamu amu nau sailaginia moa na omea e seko, vaga saikesa nogo igira na mumuamui ara naua kalina ara totu i Gibea i sau. Maia God sauba e utu ke padalea nimui sasi, me sauba nomoa ke kedeginigamu tana rongona.

Aqo Manetabu 27:34

Igirani nogo na ketsa aia na Taovia e sauvania a Moses tana Vungavunga Sinai vanigira na toga ni Israel.

Sepania 3:7

Minau au padâ laka kalina igira niqu tinoni kara morosia na omea au naua me sauba kara kukuni taniau, ma kara muridougira niqu totosasaga, ma kara tau goto padalea na omea inau au sasaniginigira. Miava, me tau lelê moa oka me seko liuliu goto bâ na omea ara naua.

Malaki 4:4

“Kamu padatugugira na sasani a Moses niqu maneaqo e sasaniginigamu, migira na ketsa ma na vali inau au sauvania tana Vungavunga Sinai vanigira na toga sui tana Israel kara murigira.

Na Vaolusi Ketsa 4:1

Mi muri ma Moses e tsarigotoa vanigira na toga, “Kamu muridougira pipi sui na ketsa ma na vali inau au sasaniginigamu kalina eni, me sauba kamu mauri oka, ma kamu tamanina na kao i tana aia na Taovia niqira God na mumuamui e tusuvanigamu.

Na Vaolusi Ketsa 4:5

“Inau au sasaniginigamu nogo pipi na ketsa ma na vali vaga na Taovia niqu God e tsarivaniau nogo kau naua. Igamu nimui aqo kamu muridougira kalina kamu ba totu tana kao igamu amu vangaraua na lauana ma na totuviana.

Na Vaolusi Ketsa 5:1

A Moses e soasaigira sui na tinoni ni Israel me tsarivanigira, “Tinoni ni Israel, kamu rongomigira pipi sui na ketsa inau kau sauvanigamu i dani eni. Kamu sasanigira ma kamu muritaonigira dou.

Na Vaolusi Ketsa 6:1

Ma Moses e turupatu babâ me tsaria, “Igirani nogo na ketsa sui aia na Taovia nimui God e ketsaliau inau kau sasaniginigamu igamu. Kamu muridougira tana kao i tana amu vangaraua na sage bâ i laona ma na totuviana.

Na Katemai 19:2

Ara mana mara gotolaka sui nina pede. Aia e kede suinogoa na rebi loki e sasilaginia na barangengo popono ginia nina nauseko. Eo, God e kedenogoa, rongona aia e labumatesigira nina tinoni aqo.”