Linge 96:3 - Ghari

³ Katevulagia gana loki tsapakae vanigira na puku sui, ma kamu turupatuna vanigira na toga sui na omea loki aia e naugira.

Linge 96:3 Iomraidhean Croise

Linge 22:27

Igira na puku sui sauba kara padatugua na Taovia. Me pipi tana nauna sui tana barangengo sauba kara pilovisumai i konina aia; migira na mamatana sui na tinoni sauba kara samasama vania moa aia.

Luka 24:47

Mi tana asana nogo ia, na turupatu dou rongona na padasavi ma na totu tanusi taniana na sasi, ke ba vanigira na tinoni sui, tuturiga i Jerusalem, me ke poli poponoa na barangengo.

Mateo 28:19

Migamu, nimui aqo kamu vano i koniqira na tinoni sui pipi tana vera, ma kamu sasanigira ma kara lia sui gaqu duli. Ma kamu lesovitabugira tana asana na Tamana, ma na Dalena, ma na Tarunga Tabu.

Sekaria 9:10

Ma na Taovia e tsaria, “Inau sauba kau adiligi tanigira niqira terê na vailabu igira na Israel, ma niqira ose igira na Jerusalem; ma kau biru putsia niqira parige ara gini vanavana tana vailabu. Ma nimui taovia tsapakae sauba ke moloa na rago i laoqira na puku sui; maia sauba ke tagaovi kaputigira na vera sui tû kesa tabana na tasi loki me tsau bâ kesa tabana, me tû tana Kô Euprates, me tsau bâ tana susuina na barangengo.”

Mika 4:2

ma niqira toga sauba kara tsarivaganana iani, “Ida gita ma ka dato bâ tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai mai i Jerusalem i kelana na Vungavunga Sion; mi tana nogo aia e tû te e mologoko bâ vanigira nina tinoni.”

Isaia 49:6

Ma na Taovia e tsarivaniau, “Eo, igoe niqu mane aqo, sauba rago ko adikaetugua gaqira tangirongo na tinoni ni Israel, igira ara matepitsa tana vailabu, ma kara lia tugua na puku loki. Bâ, mi kalina ia, inau au ngaoa kau moloa kesa goto na aqo vanigo, me ke loki goto bâ. Minau sauba kau naua migoe ko lia vaga na marara loki ke mararasigira na puku sui, rongona kara gini mauri na tinoni sui lakalaka tana barangengo popono.”

Linge 9:2

Sauba kau linge tana mage na matemu igoe. Sauba kau lilinge ma kau tsonikaego igoe God Susuliga Sosongo.

Linge 57:9

Sauba kau soadougo igoe Taovia i laoqira na puku tavosi sui. Sauba kau tsonikaego i laoqira na tinoni toga.

Linge 150:2

Tsonikaea tana rongoqira na omea loki sui aia e naugira. Tsonikaea gana loki tsapakae.