Linge 82:3 - Ghari

³ Kamu isutuguqira igira ara tau tamanina sa omea, migira goto na baka tinamate; ma kamu pede atsaligira igira ara kilia na sasanga, migira goto e tagara kesa ke sangagira.

Linge 82:3 Iomraidhean Croise

Nina Papi A Job 29:12

Mi kalina igira na tinoni ara tau tamanina sa omea ara ngangaidato vaniau, minau au sangagira; mau sangagira goto na baka tinamate igira e tagara kesa ke sangagira.

Nina Papi A Job 31:21

“Me ti vaga au peqonogoa sa baka tinamate, rongona au dona nogo laka sauba ke gini mana moa gaqu tana tinete,

Linge 10:18

Me sauba ko rongomigotoa niqira ngangaidato igira na baka tinamate, migira ara bingisekoligira; migoe segenimu nogo sauba ko sogogaqira, ti ke gini utugana vanigira na tinoni lê na molo matagu goto vaniaqira.

Binaboli 23:3

Ma kamu laka goto na sanga tabana konina kesa e tau tamanina sa omea kalina aia e totu tana pede.

Binaboli 23:6

“Kamu laka goto na tiatagaraana na pedegoto vania sa tinoni e tau tamanina sa omea kalina aia ke laba tana pede.

Goko Tabana 31:9

Ko goko tuguqira na tinoni vaga gira, migoe ko lia na tinoni pede gotolaka. Ko isutuguqira na tinoni ara tau tamanina sa omea migira goto ara kili sasanga.”

Isaia 1:17

ma kamu sasania na nauana na omea e gotolaka. Kamu reia ke laba na pedegoto tana nimui tinete, kamu sangagira igira ara bingi sekoligira, ma kamu isutuguqira na baka tinamate ma na daki tinamate.

Isaia 1:23

Igira nimu ida ara sove taniau inau, mara saidou kolugira na tinoni vanga komi. Igira ara tami sailagi na adi vangalaka ma na qolona na pede kesa tabana. Ara tau dona na isutuguqira na baka tinamate tana tinete, se kara rorongo kalina igira na daki tinamate ara tsarivanigira na omea ara gini rota.

Jeremia 22:16

E isutuguqira igira ara tau tamani omea migira ara kili sasanga, me vaga ia, me dou vania moa pipi sui na omea. Iani nogoria e vaga nina sasaga na tinoni aia e donaginia na Taovia.

Jeremia 22:3

‘Inau nogo na Taovia au ketsaliginigamu kamu naua moa na omea e dou me goto. Me ti vaga kesa ke komia sa nina omea kesa tinoni tavosi me gini molorota vania, migamu nimui aqo kamu isutuguna na tinoni ara komivania nina omea. Kamu laka na rotasiaqira lê, se na bingi sekoliaqira na tinoni ni veratavosi ara totu i laomui, migira na baka ma na daki tinamate; ma kamu laka goto na matesiaqira tana nauna tabu iani na tinoni dou ara tau tsukia sa sasi.

Jeremia 5:28

mara paquru mara marabu dou. Me utu goto ke sui na nauana niqira sasaga tabaruga. Ara vo saikesa na sangaaqira na baka tinamate, se na sau pedegoto vaniaqira igira ara bingi sekoligira.

Sekaria 7:9

“I sau nogo inau au mologira na ketsa girani vanigira niqu tinoni: ‘Kamu reidoua laka na pedegoto ke laba i laomui, ma kamu vaigaluvegi, ma kamu vaisangagi dou.

Na Vaolusi Ketsa 10:18

Aia e isutuguqira na baka tinamate ma na daki tinamate. Maia e galuvegira na tinoni ni veratavosi igira ara totu i laoqira nida tinoni, me sauvanigira goto na mutsa ma na polo.

Na Vaolusi Ketsa 24:17

“Kamu laka na utusiana na pedegoto vanigira na tinoni ni veratavosi ma na baka tinamate. Kamu laka goto na adiana nina polo na tsavugotu kesa na daki tinamate ngiti papadana laka sauba ke tuguvisua na omea aia e adia i konimui.

Iakobo 1:27

Ma na vatana na lotu vaga e dou i matana God Tamana e vaga iani: ka reitutugugira na daki tinamate kolu daleqira, ma ka tabegira tana niqira rota, ma ka aragovisu segenida ke tau savunigita na lavu seko ni barangengo.