Linge 8:2 - Ghari

² mara lingena igira na baka pasa migira goto na baka tetelo. Igoe o totu bibiu dou tanigira sui gamu gala. Mo utusia asei ti vaga aia ke tovoa na tukapusiamu.

Linge 8:2 Iomraidhean Croise

Linge 148:13

!Igira sui lakalaka kara tsonikaea na asana na Taovia! Rongona na asana aia e loki liusigira bâ na soa sui tavosi; ma gana loki tsapakae e dato ao liusia na barangengo ma na baragata.

Linge 4:4

Kamu gariri tana matagu ma kamu mololea na nauana na sasi; ma kamu pada mamavasia na omea iani, kalina kamu tsaro mui i nigemui.

Linge 44:16

kalina au rongomia niqira goko tsiri ma niqira goko peapea ara naua vaniau igira gaqu gala migira sui goto ara reisaviau.

Linge 46:10

Me tsarivaganana, “Kamu mololea na vailabugi, ma kamu donaginia laka inau nogo God, mau loki tsapakae i laoqira na puku sui, mau loki tsapakae kaputia na barangengo popono.”

Linge 57:6

Igira gaqu gala ara tsoninogoa niqira vugo gana kara sogotiginiau; minau au totu popono nogo i laona na melu. Igira ara tsaia na qilu tana niqu sautu, migira segeniqira nogo ara puka i laona.

Binaboli 11:7

Me tagara goto sa pai sauba ke kongovigira na tinoni ni Israel se niqira omea tuavati. Mi tana ti igoe sauba ko donaginia laka inau na Taovia au molovotagira na tinoni ni Ejipt ma na tinoni ni Israel.’ ”

Binaboli 15:16

Ma na matagu loki sosongo e tsavu poponogira. Ara reilakana na susuligamu igoe Taovia, mara totu babangataga tana matagu poi tsau igira nimu toga ara liu putsi, igira nogo na tinoni igoe o maurisigira tania na totu tseka.

Isaia 40:31

Migira moa ara norua na Taovia ke sangagira, sauba kara susuliga visutugua. Me sauba kara lovodato vaga moa na manuloki; mi kalina kara uloulo me utu goto kara kolae; mi kalina kara vanovano me utu goto kara maluku.

Isaia 6:3

Mara vaiguvigi mara tsaria, “!Tabu, tabu, tabu! !E tabu loki na Taovia Susuliga Sosongo! Ma na mararana e mararasi poponoa na barangengo.”

Amos 5:9

Aia e labupukaligira na tinoni susuliga, me toroutsanigira niqira valekakai ara barapoliginia na vatu.

Habakuk 2:20

Na Taovia aia e totu i laona nina Vale Tabu. Igamu sui na tinoni tana barangengo kamu totu mui dodo moa i matana.

Mateo 11:25

Mi tana tagu ia, ma Iesu e gokodato vania na Tamana i gotu me tsaria, “!Mama, igoe nogo na Taovia ni gotu mi lao! Inau au soadougo rongona igoe nogo o tusuvulagia vanigira na tinoni ara tau liu tana sasani, na omea igoe o molopoia vanigira ara liu tana sasani mara sasaga loki.

Mateo 21:16

Migira ara tuu, mara veisuaa a Iesu, “?Laka o tau rongomia igoe na omea vaga ara tsaria na baka girani?” Ma Iesu e tsaria, “Eo, au rongoimiigira rago. ?Me laka igamu amu tau vati tsokoa moa tana Mamare Tabu na goko vaga iani? ‘Igoe nogo o sasaniigira dou na baka pasa ma na meomeo na tsoniikaeamu.’ ”

Luka 10:21

Mi tana tagu ia, ma na Tarunga Tabu e dangaliginia na tobana a Iesu na magemage, maia e tsaria, “!Mama, igoe nogo na Taovia ni gotu mi lao! Inau au soadougo rongona igoe nogo o tusuvulagi vanigira na tinoni ara tau liu tana sasani, na omea igoe o molopoia vanigira na tinoni ara liu tana sasani mara sasaga loki. Eo Tamaqu, igoe segenimu nogo o pedea ke vaga, me gini dou i matamu.”

1 Korint 1:27

God e viligira na tinoni aia na barangengo e pada laka ara bubulega lee, rongona ke gini paluvangamaqira na tinoni ara sasaga loki; me viligira na tinoni aia na barangengo e pada laka ara maluku lee, rongona ke gini paluvangamaqira igira ara pada laka ara susuliga tsapakae.

1 Samuel 2:9

“Aia e reitutugudoua na mauriqira igira ara totukakai i konina, migira na vanga tsutsukibo ara tavongani nanga lê i laona na rodo; rongona e tagara ke kesa tangomana ke naua sa omea tana susuligana segeni.