Josua 4:23 - Ghari

²³ Ma kamu tsarivanigira laka na Taovia nimui God aia nogo e naua me gini mamatsa na kô tana Jordan vanigamu, poi kalina igamu amu savu sui. Me atsa saikesa vaga moa na omea na Taovia e naua tana Tasi Tsitsi ara putsi nogo vati sangavulu na ngalitupa.

Josua 4:23 Iomraidhean Croise

1 Taovia Tsapakae 8:43

migoe Taovia, ko tabegotoa nina nonginongi na tinoni vaga ia. Tû i gotu i baragata tana o mauri igoe, ko rongomia nina nonginongi mo ko nauvania na omea aia e ngasuginigo ko nauvania, rongona ti igira na toga sui tana barangengo popono kara gini donaginigo, ma kara gini rongomangamu, vaga nogo ara naua igira nimu tinoni ni Israel. Mi tana sauba kara gini donaginia laka na Vale Tabu iani inau au logoa, i tana nogoria e dou kara mai na tinoni sui ma kara samasama vanigo igoe.

Nehemia 9:11

Mo goko me gini tavota na tasi me mamatsa vanigira nimu tinoni kara liu i laona, mo adisavugira tana kao mamatsa. Migira na gala ara takuvigira nimu tinoni ara viri lulumi sui i laona na maorodo, vaga saikesa moa na vatu kalina e puka tana tasi loki.

Linge 78:13

Aia e sarovotâ na tasi me tudumigira mara liu mamatsa i laona; maia e naua ma na tasi e totukakai tabana mi tabana vaga moa ti na ponopono na vale.

Binaboli 14:21

Mi kalina igira na Israel ara mai tsau tana liligina na tasi, ma Moses e tû me sauvotu bâ na limana, ma na Taovia e moloa na guguri votu mai tana bongi popono, me uvivotâ na tasi me gini laba na kao mamatsa. Ma na tasi e tavota ruka,

Binaboli 15:19

Migira na toga ni Israel ara liusavu tana kao mamatsa i levugana na tasi. Mi kalina niqira terê ma niqira ose migira na mane ni Ejipt ara sage i koniqira ara tsuna i laona na tasi, maia na Taovia e adivisutugua na tasi, me koko ponotigira.

Isaia 43:16

I sau vasau nogo na Taovia e votia kesa na sautu e liu tsapatugu i levugana na tasi, me moloa na mangamanga i levugana na tatari loki.