Josua 3:16 - Ghari

¹⁶ ma na kô e totuvata me totukau lê kesa tana nauna i longa ao i Adam, na vera i ligisana i Saretan. Ma na kô e tavevotu tana Tasi Mate e mamatsa kuti saikesa, migira na tinoni ni Israel ara gini tangomana na savu varangisiana nogo i Jeriko.

Josua 3:16 Iomraidhean Croise

Tuturigana 14:3

Tugira tsege na taovia tsapakae tugirani ara tu vorogokona mara tu saia niqira alaala tana Poi ni Sidim, i tana e totu na Tasi Mate kalina ia.

1 Taovia Tsapakae 4:12

a Baana na dalena a Ahilud: igira sui na verabau ni Taanak, mi Megido, mi tana vovotana kao popono ligisana i Bet Sean, mi ligisana na vera ni Saretan, tabana i ata na vera ni Jesreel, me tsau bâ tana verabau ni Abel Mehola ma na verabau ni Jokmeam;

1 Taovia Tsapakae 7:46

Na taovia tsapakae e ketsaligira kara nauvania na omea sui girani tana nauna nogo tana ara aqosigira na omea levolevo tapala i ka levugaqira i Sukot mi Saretan i laona na Poi ni Jordan.

Linge 114:3

Ma na Tasi Tsitsi e morosia na omea vaga ia, me tû me tsogoligi; ma na Kô Jordan e tavongani tsobo lê na tatarina.

Linge 114:5

?Nagua e laba vanigo ti o gini tsogoligi igoe na Tasi Tsitsi? ?Migoe na Kô Jordan e gua vaga ti e tavongani tsobo lê na tatarimu?

Linge 29:10

Na Taovia e tagaovi kaputia na maorodo; maia e taovia tsapakae na dani ma na dani.

Linge 33:7

Maia e sarosaigira na tasi sui kesa moa tana nauna; me vongo kapusia na kema ke totu dodo i laona nina bara.

Linge 66:6

Aia e olia na mao me lia na kao mamatsa; migira na mumuada ara liusavu lê tana mamatsana. Mi tana ti igita a gini magemage mateqira na omea loki vaga God e naugira.

Linge 74:15

Igoe nogo o aqosigira na ko vuravura ma na ko tsatsali; migoe o korasigira mara mamatsa lê na ko loki.

Linge 77:19

Igoe o liu tsapatugu i laona na panu; mo savu bâ i laona na maorodo na tasi me tau tangomana kesa ke reia na maleamu.

Linge 78:13

Aia e sarovotâ na tasi me tudumigira mara liu mamatsa i laona; maia e naua ma na tasi e totukakai tabana mi tabana vaga moa ti na ponopono na vale.

Binaboli 14:21

Mi kalina igira na Israel ara mai tsau tana liligina na tasi, ma Moses e tû me sauvotu bâ na limana, ma na Taovia e moloa na guguri votu mai tana bongi popono, me uvivotâ na tasi me gini laba na kao mamatsa. Ma na tasi e tavota ruka,

Binaboli 14:22

me totu kakai lê ruka tabana vaga moa ti na ponoponona na vale, migira na toga ni Israel ara liusavu mamatsa i levugana na tasi.

Binaboli 14:29

Migira segeni moa na toga ni Israel ara liusavu tana kao mamatsa i levugana na mao, tana nauna i tana na tasi e totu kakai lê ruka tabana vaga moa ti na ponoponona na vale.

Binaboli 15:8

Igoe o uvia moa na tasi, ma na tasi e tsupudato ruka tabana; me tudato vaga moa ti na ponoponona na vale; mi tana e mao liuliu bâ na tasi, i tana nogo e mamatsa me kakai vaga na vatu.

Isaia 50:2

“?Kalina inau au mai na laveamui ma na rongona gua ti au tau reia sa tinoni? ?Mi kalina inau au soagamu, ma na rongona gua ti amu tau gokovisu vaniau? ?Me laka amu padâ inau au maluku sosongo me tau tangomana kau maurisigamu? Bâ, minau tangomana kau goko moa me ke gini mamatsa na tasi, ma kau oligira na kô tatave ma kara lia na kaomate lê, ma kara gini viri mate na tsetse i laoqira rongona e mamatsa lê na kô.

Esekiel 47:8

Maia e tsarivaniau, “Na kô iani e tave bâ tabana i longa, me tsuna bâ tana Poi Jordan, me tsau bâ tana Tasi Mate. Mi kalina e sage bâ i laona na Tasi Mate maia e olia na tasi me lia na ko laka.

Nahum 1:4

Maia e ketsalia na tasi me tavongani mamatsa takuti. Me naua mara viri mamatsa lê na kô. Mara matsele sui na buruburu tana poiatsa ni Basan, mi tana Vungavunga Karmel, migira goto na latsena gai ni Lebanon.

Habakuk 3:8

?Taovia, laka igira nogo na ko loki ara naua ti o gini kore loki vaga ia? ?Tagara ma na tasi e naua ti e gini momosa loki na tobamu? Igoe o sagekae tana nimui terê i kelana na parakona na legai loki kalina o mai na sangaaqira nimu tinoni mara gini tangomana.

Tsoko Tinoni 34:3

Na votavota tabana i ata ke tuturiga tana kaomate ni Sin tana vovosana niqira kao na Edom. Ke tuturiga i longa tana isuna tabana i ata na Tasi Mate.

Na Vaolusi Ketsa 1:1

I laona na papi iani ara totu na goko e tsaria a Moses vanigira na tinoni ni Israel kalina ara tototu moa tana kaomate i tabana i longa na Kô Jordan. Igira ara totu tana Poi Jordan varangisia i Sup, ka gaqira levuga na vera ni Paran kesa tabana, mi tugira na vera ni Topel, mi Laban, mi Haserot, mi Disahab kesa tabana.

Na Vaolusi Ketsa 3:17

Ma niqira votavota tabana i tasi e votu me bâ tsau tana Kô Jordan, e tû tana Reku Galilii i vava, me tada tsau bâ tana Tasi Mate i ata, me longa me ba tsau tana tuana na Vungavunga Pisga.

Josua 12:3

Me adisaigotoa na Poi ni Jordan, tû tana Reku Galilii, me tada tsau bâ i Bet Jesimot tabana i longa na Tasi Mate, me vano kalea na tuana na Vungavunga Pisga.

Josua 15:2

Ma na vovotana i ata e tuturiga tû tana susuina i ata na Tasi Mate,

Josua 16:7

Me tû i Janoa me tsuna bâ me ba tsau i Atarot mi Naara, me tsau bâ goto i Jeriko, me ba vosa tana Kô Jordan.

Josua 3:13

Mi kalina tsotsodo tugira na manetabu ara tu kalagaia nina na Bokisi na Taso na Taovia, aia e taovia kaputia na barangengo popono, kara tu moloa tu tuaqira i laona na kô, me sauba kamu reia na Kô Jordan ke totuvata na tatavena, ma na kô e vovotu mai talu i longa sauba ke totukau lê kesa tana nauna i longa.”

Josua 4:22

migamu sauba kamu turupatuna vanigira na omea e laba tana tagu kalina igira na toga ni Israel ara savu taligu mamatsa tana Kô Jordan.

Josua 5:1

Bâ, migira sui gaqira taovia tsapakae na Amor igira ara totu tabana i tasi na Kô Jordan, migira sui goto gaqira taovia tsapakae na Kanaan, igira ara totu i liligina na Tasi Mediteranean, ara rongomia na turupatuna laka na Taovia e naua me gini mamatsa lê na kô tana Jordan poi ara savu sui na toga ni Israel i konina. Mara gini matagu loki sosongo, me puka lê rebona gaqira malagai i mataqira na tinoni ni Israel.

Tinoni Pede 7:22

Mi kalina nina mane vaumate a Gideon ara uvigira babâ moa niqira tavuli, maia na Taovia e naua migira na alaala na gala ara vailabugi segeniqira ginia niqira isi segeni. Ara viri ulo bâ kalea i Saretan mara ba tsau i Bet Sita, me tsau tana vera ni Abel Mehola varangisia i Tabat.