Josua 24:6 - Ghari

⁶ Mi kalina au adirutsumigira na mumuamui tania i Ejipt, migira na Ejipt ara takuvi tsarigira tana niqira ose ma niqira terê. Mi kalina igira na mumuamui ara ba tsau tana Tasi Tsitsi,

Josua 24:6 Iomraidhean Croise

Nehemia 9:11

Mo goko me gini tavota na tasi me mamatsa vanigira nimu tinoni kara liu i laona, mo adisavugira tana kao mamatsa. Migira na gala ara takuvigira nimu tinoni ara viri lulumi sui i laona na maorodo, vaga saikesa moa na vatu kalina e puka tana tasi loki.

Linge 78:13

Aia e sarovotâ na tasi me tudumigira mara liu mamatsa i laona; maia e naua ma na tasi e totukakai tabana mi tabana vaga moa ti na ponopono na vale.

Binaboli 12:37

Igira na tinoni ni Israel ara aligiri na vanovano tû i Rameses me tsau i Sukot. Ara gana ngongo ono sangatu toga na mane, me tau goto tsokogira na daki ma na baka.

Binaboli 12:51

Mi tana dani nogo ia, ma na Taovia e adirutsumigira na tinoni ni Israel tania na Ejipt taoninogoa niqira puku.

Mika 6:4

Inau nogo au adirutsumigamu tania na Ejipt, mau laumaurisigamu tania na totu tseka i tana. Mau molotugira a Moses, ma Aaron, ma ko Miriam, kara tu idagana sautu vanigamu.

Aqoaqo 7:36

Maia goto nogo e raqagira na tinoni tania na vera ni Ejipt, me naugira danga na valatsatsa ma na omea ganataga i Ejipt mi tana Tasi Tsitsi, mi laona goto vati sangavulu na uvi tana legai mangu.

Hibru 11:29

Migira na tinoni ni Israel ara tutunina God. Maia nogo na rongona te ara gini tangomana na liusavu tana Tasi Tsitsi vaga moa ti tana kao mamatsa lee. Mi kalina igira na Ejipt ara tovoa laka kara liusavu mamatsa goto, ma na tasi e saivisutugua mara lulumi sui i levugana na mao.