Josua 21:8 - Ghari

⁸ Igira nogo na verabau ma na kao laka tana e dato dou na buruburu i laona, igira na tinoni ni Israel ara sauvanigira na Levite tana tsonikutsu, vaga nogo na Taovia e ketsalia a Moses kara naua.

Josua 21:8 Iomraidhean Croise

Tuturigana 49:5

“Kaira a Simeon ma Levi e kesa atsa ka niqira sasaga. Kaira sui ara ka gini aqo ka niqira isi tana matesi tinoni.

Tuturigana 49:7

Na vealagi ke gadovia ka niqira kore rongona e seko loki sosongo, Ma ka niqira momosatoba goto rongona ara ka vô saikesa na gaeana sa omea. Inau sauba kau sarangasigira tana kao popono ni Israel. Me sauba kau mologira kara totu piriutsa bamai i laoqira na tinoni.

Goko Tabana 16:33

Na tinoni e tsonikutsu rongona ke donaginia na omea God e kilia, maia God segenina moa e dona na pedeana na omea ke laba.

Goko Tabana 18:18

Ti vaga kara ka ruka na tinoni susuliga kara ka vaimangabarigi tana tinete, ma na tsonikutsu moa tangomana ke gotolia na gogoko ia.

Tsoko Tinoni 32:2

ara tû mara bâ ka koniqira a Moses ma Eleasar, migira goto na ida tavosi tana saikolu, mara tsarivanigira,

Tsoko Tinoni 33:54

Tana vota kao i laoqira na puku babâ kamu gini aqo na tsonikutsu. Ke loki bâ na butona kao kamu vota vania na puku loki, me ke tetelo na butona kao kamu vota vania na puku tetelo.

Tsoko Tinoni 35:3

Ma na verabau girani sauba kara aditamaniqira nogo igira na Levite, ma kara totu kalavata nogo i tana. Mi tana kao laka i tana e dato dou na buruburu kara moloa niqira buluka ma niqira omea tuavati tavosi.

Josua 18:6

Migamu kamu mare makalidoua na vovotana igira vitu na lusu, ma kamu adimaivaniau. Minau sauba kau naua na tsonikutsu vanigamu ieni i matana na Taovia nida God.

Josua 21:3

Me vaga na Taovia e ketsaligira, migira na tinoni ni Israel ara tû, mara sauvanigira na Levite visana na verabau i laona niqira butona kao segeni, kolugotoa na kao laka i tana e dato dou na buruburu i konina.

Josua 21:7

Ma na vungu tana duli konina a Merari ara sauvanigira sangavulu ruka na verabau i laona tu niqira butona kao tugira na puku konina a Ruben, ma Gad, ma Sebulun.

Josua 21:9

Igirani nogo na soaqira na verabau i laona na butona kao ara tamanina igira na puku konina a Juda ma Simeon ara sauvanigira