Josua 2:3 - Ghari

³ maia e tû me mologoko vania ko Rahab me tsarivania, “!Ara ka ruka na mane i laona na valemu igoe ara ka mai na tuviana na vera popono! !Ko raikaira ma kara ka mai ieni!”

Josua 2:3 Iomraidhean Croise

Tuturigana 38:24

Me gana ngongo tolu na vula i muri, mara tsarivania a Juda, “Aia ko Tamar na tauna na dalemu e vaga na rebi, mi kalina ia aia e tiana.” Ma Juda e ketsaligira me tsaria, “Kamu adirutsumia i tano, ma kamu kodoa me ke mate.”

Tuturigana 42:31

Migami ami tsarivania, ‘Igami ami tau na mane togatoga, ami tinoni dou moa.

2 Samuel 10:3

migira na tinoni lokiloki ni Amon ara tû mara tsarivania niqira taovia tsapakae, “?Laka o padâ igoe tana rongona nomoa a David e padalokia na tamamu te aia e molomaigira na mane girani kara mai tsarivanigo laka a David e gini melu na rongona na mateana na tamamu? !Tagara saikesa! !Aia e molomaigira ieni gana kara togavia nida verabau, mi muri ti aia ke mai me ke tangolia!”

2 Samuel 17:20

Migira nina mane sasanga a Absalom ara mai tsau tana vale ia mara veisuâ na daki, “?Laka iava kaira a Ahimaas ma Jonatan?” Ma na daki ia e tsarivanigira, “Ara ka ba savu nogo i kô.” Migira na mane ara lalavekaira mara tau goto tsodokaira, mi tana migira ara tû, mara visutugua i Jerusalem.

1 Turupatu Dato 19:3

migira na tinoni lokiloki ni Amon ara tû mara tsarivania niqira taovia tsapakae, “?Laka o padâ igoe tana rongona nomoa a David e padalokia na tamamu, te aia e molomaigira na mane girani kara mai tsarivanigo laka a David e gini melu na rongomiana na mateana na tamamu? !Tagara saikesa! !Aia e molomaigira ieni gana kara togavia nida kao popono, mi muri ti aia ke mai me ke tangolia!”

Nina Papi A Job 21:30

?Mi tana dani aia God ke kore me ke pedegira na tinoni, megua ti e gaegira pipi kalina moa na tinoni vanga tsutsukibo?

Aqo Manetabu 24:14

“Ko adirutsumia na mane ia tabana i tano tania na veramui. Me pipi sui igira ara rongomia kalina aia e tsonia na asu seko kara moloa na limaqira tana lovana na mani sauvulagiana laka e tsutsukibo manana nomoa, mi muri ti igira na toga popono kara taimatesiginia na vatu.

Ioane 19:4

Ma Pilate e tsulutsuna tugua kesa goto kalina, me goko baa vanigira na toga me tsaria, “Kamu reia, sauba kau adirutsumia vanigamu rongona igamu kamu reiginia laka inau au tau tsodoa kesa na rongona kau pedematesiginia.”

Aqoaqo 12:4

Me tsonia a Petero tana vale sosori, me moloa i limaqira vati na alaala na mane pitu vale sosori. Me pipi na ala e tango vati mane. A Herod e pada ke pede malemalea i mataqira na tinoni i murina na Dani Tabu.

Aqoaqo 12:6

Mi tana bongi laka ke dani ma Herod ke adirutsumia vanigira na toga, ma Petero e maturu ka levugaqira ruka na mane ara ka matalia. Ara soriginia ruka na itai tapala. Mara visana goto na mane ara pitumatsapa.

Josua 10:23

Migira nina mane ara bâ mara keliligia na vatu tania na matana na vatuluma, mara adirutsumitugira na taovia tsapakae ni Jerusalem, mi Hebron, mi Jarmut, mi Lakis, mi Eglon,

Josua 2:2

Mi kalina aia na taovia tsapakae ni Jeriko e rongomia laka visana na mane ni Israel ara mai tana bongi ia tana valena ko Rahab gana na tuviana na verana,

Josua 2:4

Maia ko Rahab e molopoikaira nogo na mane kaira tana e atsa i gotu i kelana na valena me tsavupoiginikaira na tsupu na voivoi aia e molo tsupulagininogoa i tana. Maia ko Rahab e tuguvisua nina goko na taovia tsapakae me tsarivania, “E mana rago laka ara visana na mane ara mai i valequ, mau tau moa dona iava ara talumai. Mara mololenogoa ieni tana tagu e sû tsotsodo na aso, idavia kalina e tau vati vongo na banina na vera. Minau au tau goto veisuakaira laka iava ara ka vavano. Mau padâ ti vaga kamu tsari tsakutsaku ka muriqira me sauba tangomana kamu ba tsaulikaira moa.”

Tinoni Pede 4:20

Maia Sisera e tsarivania, “Ko bâ mo ko tutû i matsapana na valepolo, me ti vaga ke liumai ke kesa me ke veisuago laka ti ke kesa ke totu ieni, migoe ko tsarivania laka e tagara ke kesa ieni.”