Joel 3:18 - Ghari

¹⁸ Mi tana tagu ia, ma na uta na uaeni kara pokotsavu poponogira na vungavunga, migira na buluka kara viri mutsamutsa bamai tana tetena, me sauba ke tsatsalitavetugua na kô tana okooko mamatsa i laona na Juda. Me kesa na ko tsatsali sauba ke talumai i laona nina Vale Tabu na Taovia me ke ba malobusia na Poi ni Akasia.

Joel 3:18 Iomraidhean Croise

Nina Papi A Job 29:6

E dadanga dou na tsutsuqira niqu buluka ma niqu naniqoti, ma niqu gai na olive ara viri kutsudato atsa moa ara dato tana kao vatuvatuga.

Linge 46:4

Tana verana God, mi tana valena tabu God aia e Taovia Susuliga Sosongo, e totu kesa na ko loki e saua na mage dou vanigira sui ara totu i tana.

Binaboli 3:8

maia nogoria na rongona ti au gini tsunamai kau laumaurisigira tania na limaqira igira na Ejipt, ma kau adirutsumigira tania na kao ia, ma kau adibagira kesa tana kao lakatana me vuaga dou, i tana ara totu kalina eni igira na tinoni ni Kanaan, mi Het, mi Amor, mi Peres, mi Hivi, mi Jebus.

Isaia 30:25

Mi tana dani God e titinogoa i tana kamu tangoligira niqira valekakai gamui gala, ma kamu matesigira sui niqira tinoni, maia ke naua ma na kô sauba ke vuradato pipi tana vungavunga ma na tetena.

Isaia 35:6

Na tuamatea kara tsipukae ma kara gavai, migira e bulu na lapiqira, sauba kara gudato tana mage. Ma na vuravura na kô sauba kara tsatsalitave i laona na kaomate;

Isaia 44:3

“Inau sauba kau qetu kona na kao e tagara kô i laona, ma kau naua me ke tave vanigamu na ko tsatsali tana kao mamatsa. Me sauba kau dangaliginigira na dalemui niqu Tarunga, ma kau vangalaka vanigira na kukuamui.

Isaia 45:8

“Igoe na masaoka, migamu na parako, kamu qetutsunamai na tagu dou vanigira na tinoni sui, vaga moa kalina na usa e tumutsuna me malobusia na kao. Me sauba ti igira kara totu tanusi, me ke laba na pedegoto tana barangengo. Inau nogo na Taovia sauba kau naua ma kara laba na omea sui girani.”

Isaia 55:1

Na Taovia e goko me tsaria, “!Kamu mai i koniqu igamu sui amu marou, ieni nogo na kô! !Kamu mai igamu amu tau tamanina sa qolo, ma kamu voligamui ma kamu mutsa masu! !Mai, ma kamu voli uaeni ma na miliki, me utu goto kara kili matena i konimui!

Isaia 66:11

Igamu sauba kamu gini mage na tamaniana nina omea danga, vaga nogo na baka tetelo e tsutsu konina tinana, me masu dou, me vatsangingaoa.”

Jeremia 31:12

Igira sauba kara mai ma kara linge tana magemage tana Vungavunga Sion, ma kara gini mage loki niqu vangalaka vanigira, na vangalaka na mutsa, ma na uaeni, ma na oela na olive, ma na vangalaka na sipi ma na buluka. Migira sauba kara vaga saikesa na uta ara porisia pipi matsaraka me pipi ngulavi, me sauba kara tamanina moa pipi sui na omea ara kilia gana na mauriqira.

Mika 6:5

Migamu niqu tinoni kamu padatugua na omea aia Balak na taovia tsapakae ni Moab e vorogokona na nauvaniamui, ma na omea a Balaam na dalena a Beor e tsarivania. Ma kamu padatugugotoa na omea sui ara laba vanigamu i sautu kalina amu mololea i Akasia mamu vano kalea i Gilgal. Ti vaga kamu padatugugira na omea sui girani, me sauba kamu reigadovia na omea sui au naua inau agana kau laumaurisiginigamu.”

Sekaria 14:8

Mi kalina ke labamai na dani ia, ma na kô sauba ke tavemai tû i Jerusalem, ma na turina ke tave laba tana Tasi Mate, ma na turina tana Tasi Mediteranean. Ma na kô ia sauba ke tau goto kuti na tave tana ngalitupa popono, i laona na tagu na aso papara, ma na tagu na usa.

Tsoko Tinoni 25:1

Mi kalina igira na Israel ara vaturikaenogoa niqira valepolo tana Poi ni Akasia, migira na mane ara tuturiga na vainaugi koluaqira na daki ni Moab ara totu i tana.