Joel 3:16 - Ghari

¹⁶ Na Taovia e totu i Jerusalem tana Vungavunga Sion, me maququ nina goko, me poda loki vaga moa na quluqulu, mara ka gini gariri na barangengo ma na masaoka. Maia na Taovia sauba nomoa ke dilagira nina tinoni segeni.

Joel 3:16 Iomraidhean Croise

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Linge 29:11

Na Taovia e saua na susuligana vanigira nina tinoni, me saugotoa nina rago vanigira.

Linge 61:3

rongona igoe nogo niqu reitutugu, o susuliga mo sugutigira gaqu gala.

Goko Tabana 18:10

Na Taovia e vaga moa na kusudato susuliga, i tana tangomana kara ba totu raviravi igira e gotolaka niqira sasaga.

Isaia 33:16

Me ti vaga kamu nauvaganana ia, me sauba kamu totu raviravi dou me ke tau goto ngoligamu sa omea, vaga moa ti amu toturavi i laona kesa na valekakai ara barapoliginia na vatu. Ma kamu tamanina sailagi gamui mutsa na gamui kô gana na inu.

Isaia 33:21

Na Taovia sauba ke sauvulagi vanigita na mararana loki. Migita sauba ka totu dou i ligisaqira na ko loki ma na ko tsatsali, ma niqira vaka igira na gala sauba e utu nogo kara liu mai i koniqira.

Isaia 42:13

Na Taovia e aligiri na vano na vailabu vaga moa kesa na malagai susuliga, me totu vangarau sui nogo, me laona sosongo na vano na vailabu. Maia e tû, me naua na gû na vailabu, me sauvulagia na susuligana tana tuliusiaqira gana gala.

Isaia 51:16

Inau nogo au tatakatsinia na masaoka, mau moloa na papakana na barangengo. Mau tsarivanigira na tinoni ni Jerusalem, ‘Igamu niqu tinoni inau. Mau tusunogoa vanigamu niqu sasani, mau ravisiginigamu na limaqu.’ ”

Jeremia 16:19

Taovia, igoe nogo o reitutuguau mo susuligasiau; migoe goto nogo o sangaau tana tagu e gadoviau na rota loki. Migira na puku sui pipi sui tana nauna, tû kesa tabana na barangengo, me tsau bâ tabana, sauba kara mai ma kara tsaria, “Niqira god na mumuamami igami na god peropero moa. E utu saikesa kara naua sa omea kara sangaginigami.

Jeremia 17:17

Ko laka na totoposuliaqu inau; igoe nogo niqu mani totu raviravi tana tagu seko.

Esekiel 38:19

Mi tana korequ loki sauba kau naua me ke kasi loki na vuluge tana kao popono ni Israel.

Hosea 11:10

“Sauba igira niqu tinoni kara muriau inau kalina kau kanga loki vaga moa na laeone vanigira gaqira gala. Sauba kara ulomai tsaku i koniqu talu tabana i tasi.

Amos 1:2

Ma Amos e tsaria, “Na Taovia e gû loki tû tana Vungavunga Sion; ma na tatangina na liona e qululu tû i Jerusalem. Me tavongani mamatsa lê na kao lakataga, me dula lê na buruburu tana Vungavunga Karmel.”

Amos 3:8

?Mi kalina e kanga loki kesa na laeone, masei sauba ke tau gini matagu? ?Mi kalina na Taovia God e goko, masei ke baribari me ke tau katevulagia nina goko?

Nahum 1:7

Na Taovia e doulaka. Aia e reitutugugira dou nina tinoni tana tagu na rota loki, me aragogira igira ara pilo bâ i konina aia.

Hagai 2:6

“Sauba ke tau oka, minau sauba kau kasilia na masaoka, ma na barangengo, ma na kao mamatsa, ma na tasi.

Hagai 2:7

Ma kau tuliusigira na puku sui, migira niqu tinoni kara laugira niqira omea loki matena, ma kara adimaigira ieni, ma kara dangaliginia niqu Vale Tabu.

Sekaria 10:12

Minau sauba nomoa kau susuligasigra niqu tinoni, migira sauba kara totukakai i koniqu, ma kara rongomangaqu. Inau nogo na Taovia au tsaria na omea iani.”

Sekaria 10:6

“Inau sauba kau susuligasigira na tinoni ni Juda, ma kau laumaurisigira na tinoni ni Israel. Sauba kau galuvegira ma kau adivisugira sui tugua i veraqira. Me sauba kara totudou vaga moa ti au tau nogo reisavigira. Inau nogo na Taovia niqira God, me sauba kau rongomia niqira nonginongi.

Sekaria 9:12

Igamu amu totu tsinogo amu dona nogo kalina ia laka inau sauba kau sangagamu, me vaga ia, ma kamu visumaitugua tana veramui, mi tana kamu totu raviravi dou. I dani eni nogo au vekea laka sauba kau volivisuginigamu na vangalaka ke ruka kalina liusia na rota loki e gadovigamu.

Hibru 12:26

Kalina God e goko i sau, ma nina goko e kasilia na barangengo popono. Mi kalina eni aia e vekea me tsaria, “Sauba ke kesa goto kalina kau kasilia, me tau na barangengo moa, na baragata goto.”

Na Katemai 11:13

Mi tana tagu tsotsodo nogo ia, ma na vuluge e kasi loki seko sosongo; ma na sangavulunina turina na verabau e luvu popono, mara vitu na toga na tinoni ara mate. Migira sui na tinoni ara tau mate tana dani ia ara matagu loki sosongo mara tsonikaea na susuligana na God ni baragata.

Na Katemai 11:19

Me tavongani ova na valena tabu God i baragata, ma na Bokisi na Taso e labavulagia i laona. Mi muri me anga, me kirapi, me poda loki na vivisa, me kasi loki na vuluge, me tumu tsunamai na belena na kakoluna na usa loki.

Na Katemai 16:18

Mi tana e kirapi na angaanga, me poda na quluqulu, me kasi na vuluge loki seko sosongo, e tau vati kasi loki vaga sa vuluge tu kalina ara botsamai na tinoni tana barangengo. Ma na vuluge ia, aia e seko liusigira sui lakalaka.

1 Samuel 15:29

Niqira God loki igira na Israel aia e utu saikesa ke pero se ke olia nina papada. Aia e tau na tinoni, me tau dona ke olia nina papada.”