Joel 3:10 - Ghari

¹⁰ Kamu taia me ke vavanga na isuisuna nimui omea na mani qarikao me ke lia nimui isi, ma kamu asâ nimui gau na vasugi vasuna gai me ke lia nimui bao. Me atsa moa igira ara maluku lê ma niqira aqo goto kara ba sanga na vailabu.

Joel 3:10 Iomraidhean Croise

2 Turupatu Dato 25:8

Igoe o padâ laka igira sauba kara naua mo ko gini susuliga tana vailabu, me tagara, aia nogo God sauba ke naua migira gamu gala sauba kara tuliusigo, rongona God segeni moa e tamani susuliga agana ke sangago se ke tamivanigira gamu gala kara tuliusigo.”

Isaia 2:4

Maia nogo sauba ke gotosia niqira vaikoregi na puku sui, me ke vaturia na goto i laoqira. Migira sauba kara tupia niqira isi na vailabu me ke lia lê na mani tsaikao tana niqira uta, ma niqira bao ke lia lê niqira gau na aqo. Me sauba ke tagara sa puku ke ngaoa na labuana na puku tavosi, se ke vangarautugua na vano tana vailabu.

Jeremia 51:11

Na Taovia e tsavalagira na taovia tsapakae tana Media, rongona aia e padanogoa ke toroutsania na Babilon, gana ke gini tangotuguna nina Vale Tabu ara toroutsania. Migira gaqira taovia na gala ara ketsaligira niqira tinoni, “!Kamu katsu vavangagira nimui pipili! !Ma kamu tangoli vangaraua nimui tako!

Mika 4:3

Maia nogo sauba ke gotosia niqira vaikoregi na puku sui, me ke vaturia na goto i laoqira na puku susuliga, igira ara totu ao, migira goto ara totu varangi. Migira sauba kara tupia niqira isi na vailabu, me ke lia lê na mani tsaikao tana niqira uta, ma niqira bao ke lia lê niqira gau na aqo. Me sauba ke tagara goto sa puku ke ngaoa na labuana na puku tavosi, se ke vangarautugua na vano tana vailabu.

Sekaria 12:8

Mi tana tagu ia, ma na Taovia sauba ke reitutugira igira ara totu i Jerusalem, me ke susuligasigira, me atsa moa igira ara labelabeaga lê i laoqira, migira goto sauba kara susuliga vaga moa a David i sau. Migira na kukuana a David sauba kara tagaovidougira vaga moa nina angelo na Taovia, me vaga goto moa God segeni nogo.

Luka 13:12

Mi kalina a Iesu e morosia, me goko baa vania me tsaria, “!Daki igoe, o mauri nogo tania gamu lobogu!”

Luka 22:36

Ma Iesu e tsarivanigira, “Maia kalina ia, ti vaga ke kesa ke tamanina nogo nina todo na moloqolo se gana lapa, ma nina aqo aia ke adiadi; masei goto ti ke tau tamanina kesa nina isi, ma nina aqo ke tsabiria gana polo na tsavugotu, ma na qolona ke voliginia kesa nina isi.