Joel 2:8 - Ghari

⁸ se kara vaisugutigi tana vanovano. Me atsa moa ti igira ara tukapu kara tovoa na vanasiginiaqira niqira pipili, me utu goto kara tangomana na tukapusiaqira.

Joel 2:8 Iomraidhean Croise

2 Turupatu Dato 23:10

Maia e mologira babâ na mane kolua niqira isi kara tu polipolia na Vale Tabu gana kara reitutugua na taovia tsapakae.

2 Turupatu Dato 32:5

Mi muri, maia e tû me vaolusitugua tana e seko na baravatu, me logoa kesa na kusudato i kelana, me aqosigotoa kesa na baravatu i taba i tano. Maia e vaolusigotoa na titibana ara vaturia tana nauna i tana ara pamusia tabana i longa tana Verana a David. Me aqosigira goto danga na bao ma na tako.

Nehemia 4:17

ara aqo tana aragovisuana na baravatu. Me atsa moa igira ara kalagaia na vangana na aqo ara gini aqo kesa moa na limaqira, mara tangoliginia gaqira sagore kesa tabana na limaqira.

Nehemia 4:23

Atsa moa tana bongi minau au tau goto tsoraligia na poloqu, migira goto gaqu totu kolu, ma niqu mane aqo, ma niqu mane matali. Mami tau goto mololegira gamami sagore.

Nina Papi A Job 33:18

Maia e tau tamivanigira kara gini mate na isi, me laumaurisigira tania na mate.

Nina Papi A Job 36:12

Me ti ke tagara, me sauba kara gini mate na isi, eo, sauba nomoa kara mate rongona ara tau sasaga.

Goko Tabana 30:27

Na kipo: igira ara tau tamani taovia tsapakae, mara dona moa na duli tana alaala loki.

Linge Na Galuve 4:13

Mi tana ara dato magobu dou na gai tsukatsuka sui. Visana na gai e gani dou na vuaqira, mara visana ara sigini dou. Visana ara aqosiginia na sede sisigini dou, mara visana ara tsonia tana mutsa me gini pui dou. Visana ara aqosiginia na inilau mamarega levolevo, mara visana ara aqosiginia na bulunagai uruuru, me danga goto na vatana na ko sisigini dou.

Isaia 5:27

Me tagara goto sa vidaqira ke dona na kolae, se ke tubulagi. Mara tau saikesa maturu toto se ke paragira na maturu. Me tagara goto sa niqira itai na sori bungu ke olaola lê, se sa itaina gaqira porotua ke takuti.

Joel 2:7

Na kipo ara baginia na vera vaga moa na malagai, mara datovia na baravatu. Igira sui lakalaka ara alavano goto saikesa moa, mara tau goto pilo bamai,

Joel 2:9

Mara viri ulosage i laona na verabau. Mara tsipudato i kelaqira na baravatu, mara dato tana na vale, mara ba sage tana ovaova na bisi vaga moa na mane komi.