Joel 2:21 - Ghari

²¹ “Migamu na uta sui kamu laka goto na matagu, kamu magemage moa ma kamu linge, tana rongoqira pipi sui na omea dou na Taovia e naua vanigamu.

Joel 2:21 Iomraidhean Croise

Tuturigana 15:1

Kesa tana tagu i muri, ma na Taovia e goko vania a Abram tana moro me tsarivania, “A Abram ko laka na matagu. Inau sauba kau dilago tanigira sui na omea seko, ma na pelumu sauba ke loki sosongo.”

Linge 71:19

Nimu gotolaka igoe God e dato e suâ na masaoka. Igoe nogo o naugira danga na omea loki sosongo bâ; me tagara goto kesa ke vaga igoe.

Linge 98:8

Igamu na ko loki sui kamu tapotapo; migamu sui na tetena, kamu linge kolu tana magemage i matana na Taovia,

Isaia 35:1

Ma na kaomate sauba ke magemage tugua, ma kara viri tavuresi pipi vatana na tsitsi sui tana kao mamatsa.

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Isaia 44:23

!Ko gudato tana magemage igoe na baragata! !Ma kamu gû dato igamu sui goto amu totu i vavana na barangengo! !Kamu gudato tana magemage igamu na vungavunga me pipi sui na gai i laona na goana atsi! Na Taovia e sauvulagia gana loki tsapakae tana laumaurisiaqira na Israel igira nina tinoni segeni.

Isaia 54:4

“Jerusalem, ko laka na matagu, sauba e utu kara paluvangamamu tugua. Igoe sauba ko padalea na vangamâ e gadovigo kalina o vavaolu moa, ma nimu rota na totu segeni vaga na daki tinamate.

Isaia 55:12

“Igamu sauba kamu mololea na Babilon tana magemage, ma kau adirutsumigamu tana rago. Migira na vungavunga ma na tetena kara tavongani linge kalina kara reigamu, migira sui na gai sauba kara gudato tana mage ma kara tapotapo.

Jeremia 33:3

Ko soaau inau, minau sauba kau gokovisu vanigo; me sauba kau tsarivanigo na omea ganataga, ma na omea loki sosongo igoe o tau saikesa vati donaginigira.

Hosea 2:21

Mi tana tagu nogo ia, inau sauba kau rongomia niqira nonginongi igira niqu tinoni ni Israel. Ma kau naua ma na usa ke tumu tugua tana barangengo, me ke dato magobu dou na mutsa tana uta, me ke danga niqira vuana uaeni, ma niqira vuana na olive.

Joel 2:20

Inau sauba kau adiligi tanigamu na alaala loki na kipo ara talumai tabana i vava, ma kau tsialigigira bâ ke visana tana kaomate. Migira na alaala ara idamai sauba kau tsialigigira bâ tana Tasi Mate, migira na tumurina tsotsodo kara ba luvu tana tasi Mediteranean. Ma na koniqira sauba kara viri mabulu ma kara sigini. Minau sauba kau matesiligigira tana rongoqira pipi sui na omea seko ara naua vanigamu.

Joel 2:26

Mi kalina ia, migamu sauba kamu tamani ke danga gamui mutsa, ma kamu gini masu dou. Migamu kamu tsonikaea na Taovia nimui God, aia e naugira na omea ganataga vanigamu. Migamu niqu tinoni sauba e utu goto igira na tinoni tavosi kara peagamu tugua.

Sekaria 8:15

Bâ, mi kalina ia, minau au vangaraua laka kau vangalaka tugua vanigira na tinoni ni Jerusalem mi Juda. Me vaga ia, migamu kamu laka na matagu.

Na Vaolusi Ketsa 4:32

“Kamu vilekevisua tana tagu ni sau, kalina amu tau vati botsa, me ke visu bâ saviliu tsau tana tagu kalina God e vusagira na tinoni tana barangengo. Kamu lavedoua i laona na barangengo popono. ?Laka sa omea loki vaga nogo ia ke laba idanogo i sau? ?Laka ke kesa e rongominogoa sa omea vaga girani?

1 Samuel 12:16

Me vaga ia, ma kamu tutu moa i tana amu totu, me sauba kamu reia na omea loki na Taovia sauba ke naua.

1 Samuel 12:24

Kamu rongomimangana na Taovia, ma kamu aqodou vania tana tobamui popono. Kamu padavisutugua na omea loki sosongo aia e naugira nogo vanigamu.