Joel 1:12 - Ghari

¹² Igira na itai na uaeni ma na gai mutsamutsa ara viri matsele sui. Migira sui goto na gai mutsamutsa tavosi ara viri matsele mara mate lê. Me sui lê goto niqira magemage na tinoni.

Joel 1:12 Iomraidhean Croise

Linge 4:7

Eo, ma na magemage dou igoe o saunogoa vaniau aia e loki liusi sosongolia bâ na mage ara tamanina igira, kolu pipi sui niqira lakana na mutsa ma na uaeni.

Linge 92:12

Migira na tinoni ara totugoto i matana God, sauba kara dato magobu dou vaga nogo na gai na niu tana kao dou; ma kara katsi vaga na gai na sida ni Lebanon.

Linge Na Galuve 2:3

Vaga kesa na gai na gaviga i laoqira na gai sui tana goana, bâ, maia saikesa nogo niqu udu galugaluve i laoqira na mane vaolu sui. Mau gini mage sosongo na totu raviravi tana auauna na gai ia, ma na vuana e puisi sosongolia na lioqu.

Linge Na Galuve 4:13

Mi tana ara dato magobu dou na gai tsukatsuka sui. Visana na gai e gani dou na vuaqira, mara visana ara sigini dou. Visana ara aqosiginia na sede sisigini dou, mara visana ara tsonia tana mutsa me gini pui dou. Visana ara aqosiginia na inilau mamarega levolevo, mara visana ara aqosiginia na bulunagai uruuru, me danga goto na vatana na ko sisigini dou.

Isaia 16:10

E tau goto totuvisu ke kesa ke mage i laona na uta lakaga dou, se ke gû me ke linge i laona na uta na uaeni. Me tagara goto ke kesa ke rapasigira na vuana uaeni gana na aqosi uaeni; ma na gû na mage ara sui nogo.

Isaia 24:11

Igira na tinoni ara gugû i laona na sautu loki rongona e tagara goto sa uaeni ke kauvisu vanigira. Ma na magemage e nangaligi saviliu saikesa tania niqira butona kao popono.

Isaia 24:7

Ara viri matsele lê na itai na uaeni, me tau nogo danga na kô na uaeni gana na inu. Migira sui ara magemage i sau ara melu kalina ia,

Isaia 9:3

Taovia igoe nogo o naua migira nimu tinoni ara gini lia tugua na puku loki; mo nauvanigira mara gini magemage. Ara gini magemage i matamu, vaga moa kalina ara angunimai i vera na lakana loki ara tsurivia tana niqira uta, me vaga goto kalina igira na mane vaumate ara gini mage loki na tuvarivotaana na omea ara laua tana vailabu.

Jeremia 48:3

Rongomigira na tinoni ni Horonaim ara ngangai dato mara tsaria, ‘!Ara seko pitsu nogo pipi sui na omea!’

Jeremia 48:33

Me sui lê na magemage ma na kiakia tana kao lakataga ni Moab. Inau nogo au toroutsanigira nimui uta na uaeni, te e tau nogo rô na uaeni tana nimui nauna na mani rapasi uaeni; me tagara goto nogo ke kesa ke kauvisu me ke aqosi uaeni me ke gugû tana magemage.

Joel 1:10

Me tagara goto sa omea ke totuvisu i laona na uta, ma na kao goto e tangitangi, rongona ara viri nanga sui na vangana i laona, ma na vuana uaeni ara viri makede lê, migira na gai na olive ara viri matsele sui.

Joel 1:16

A momoro lê moa gita, ma gada mutsa ara viri nanga lê sui, ma tau goto reia sa magemage i laona nina Vale Tabu nida God.

Jona 4:7

Mi tana matsaraka bongibongi na dani i muri, ma God e mologira na nive kara gania na gai ia me gini mate.

Hagai 2:19

Me atsa moa ti ke tau kau sa mutsa, se kara tau vati molo vuaqira na itai na uaeni, ma na gai mutsamutsa, ma na gai na olive, me tuturiga kalina ia me ke bâ, minau sauba kau vangalaka vanigamu.”

Malaki 3:11

Me sauba kau tau tamivanigira na nive kara gania na rauqira nimui omea tsukatsuka, ma nimui itai na uaeni sauba kara viri tsautsigi na vunguna i konina.

Tsoko Tinoni 13:23

Mara ba laba tana Poi ni Eskol, mi tana ara kutia kesa lelê moa na vunguna na uaeni, me mamava sosongo na vuana konina me tugua ruka na tinoni kara ka kalagaia tana gogola. Mara adivisumaigira goto visana na vuana gai mutsamutsa pui dou.