Jeremia 10:6 - Ghari

⁶ Taovia, e tagara goto kesa ke vaga igoe; igoe segeni moa o loki tsapakae, mo susuliga sosongo, me tangiloki na asamu.

Jeremia 10:6 Iomraidhean Croise

Binaboli 15:11

“!Taovia, asei i laoqira na god ke atsakolugo igoe? ?Asei ke vaga igoe, o susuliga tsapakae mo tabu loki? ?Asei tangomana ke aqosigira na valatsatsa ma na omea ganataga loki sosongo vaga o naua igoe?

Linge 96:4

Na Taovia e loki tsapakae, me ulagana sosongo nomoa igita ka tsonikaea; aia nogo igita ka kukuni loki tania liusigira bâ na god tavosi

Linge 48:1

Na Taovia e loki me ulagana kara tsonikae sosongolia bâ i laona nina verabau nida God, tana nina vungavunga tabu.

Na Vaolusi Ketsa 33:26

Mi murina nina nonginongi ma Moses e tsarigotoa, “Tinoni ni Israel, e tagara goto sa god ke vaga nimui God, aia e sage tana mararana loki i gotu tana masaoka me liu i laona na parako gana ke mai sangagamu.

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Linge 145:3

Na Taovia e loki tsapakae me ulagana kara tsonikae sosongolia, ma gana loki tsapakae e utu na padagadoviana.

Daniel 4:3

“!Ara loki sosongo bâ na omea ganataga God e saunogoa vanigita! !Ara susuliga sosongo na valatsatsa aia e naugira! God aia sauba ke taovia tsapakae na dani ma na dani, me ke tagao pipi tana tagu sui.

Linge 147:5

E loki tsapakae me susuliga sosongo nida Taovia; ma nina sasaga loki e utu na tsarituguana.

2 Samuel 7:22

!Taovia God igoe nogo o loki tsapakae! E tagara goto ke kesa ke atsa kolugo igoe; migami ami dona sailagi nogo laka igoe segeni moa o God.

Jeremia 32:18

Igoe o sauvulagia nimu galuve vo oli vanigira na toga sui, mo kedegira nomoa na baka matena niqira sasi igira na tamaqira ma na tinaqira. Igoe na God o loki sosongo mo susuliga tsapakae; igoe nogo na Taovia Susuliga Sosongo.

Isaia 40:25

?Laka asei goto bâ ke atsa kolua na God tabu? ?Me laka ke kesa segeni goto sa nauna ke vaga aia?

Binaboli 8:10

Ma na taovia tsapakae e tsaria, “Ko nonginongi vaniau ke dani.” Ma Moses e tsaria, “Eo, inau sauba kau naua na omea o nongia i koniqu, mi tana ti igoe ko gini dona laka e tagara goto sa god ke atsa kolua na Taovia nimami God igami.

Malaki 1:11

“Migira na tinoni tavosi tû kesa tabana na barangengo me tsau bâ kesa tabana ara dona rago na kukuni taniaqu inau. Me pipi tana nauna sui ara kodo vaniau na bulunagai uruuru, mara savori vaniau na kodoputsa e dou i mataqu. !Eo, pipi gira sui ara kukuni taniau!

Daniel 4:34

Ma na taovia tsapakae e tsaria, “Mi kalina e putsi nogo vitu na ngalitupa, minau au tû mau morodato bâ tana masaoka, me tavongani visutugua na sasagaqu. Mau tsonikaea na God Loki Tsapakae, mau soalokia aia e mauri na dani ma na dani. “Aia sauba ke tagao sailagi, ma na susuligana e utu goto ke sui na dani ma na dani.

Isaia 46:9

Kamu padavisugira na omea ara laba nogo i sau vasau, ma kamu donaginia laka inau segeni moa au God, me tagara goto ke kesa ke vaga inau.

Isaia 46:5

“?Laka asei nomoa ke atsa koluau inau? ?Me laka e totu sa nauna ke kesa ke vaga inau?

Isaia 40:18

?Asei bâ ke atsa kolua God? ?Masei tangomana ke tsaritugutugua na rereina God?

Linge 35:10

Mi tana tobaqu popono sauba kau tsarivania na Taovia, “?Taovia asei nomoa ke vaga igoe? Igoe o maurisigira ara maluku tania na limaqira igira ara susuliga liusigira; migira ara tau tamanina sa omea tania na limaqira igira ara rotasigira.”

Nehemia 9:32

“!God, nimami God, igoe o loki tsapakae saikesa! !O mataguniga loki, mo susuliga sosongo! Migoe o manali saikesalia na vaitasogi igoe o naukolugami. Mi kalina ia igami ami totu tana rota loki, mami nongigo ko padagami mo ko sangagami. Tuturiga tana tagu kalina na taovia tsapakae ni Asiria e bingi sekoligami, me poi tsau kalina eni, igami ami rota loki sosongo. Nimami taovia tsapakae, ma nimami ida, migira na manetabu, ma na propete, ma na mumuamami, migira sui goto nimami tinoni ami rota loki sosongo. !Ko padatugua kiki na rota loki ami vatsangia igami!

Nehemia 4:14

Minau au reigira na tinoni ara gini boe sosongo, mau tsarivanigira me vanigira goto gaqira ida ma niqira tinoni lokiloki, “Kamu laka na mataguniaqira gada gala. Kamu pada tugutugua laka nida Taovia aia e loki tsapakae me mataguga sosongo, migamu kamu malagai na vailabu mateqira gamui verakolu, ma na dalemui, ma na taumui, ma na valemui.”

Na Vaolusi Ketsa 32:31

Igira gaqira gala ara dona segeni nogo laka niqira god igira ara maluku lê, mara tau saikesa susuliga vaga niqira God igira na Israel.

Binaboli 9:14

Mi kalina ia inau sauba kau tau kedegira moa nimu mane sasanga ma nimu toga, me sauba kau kedego goto igoe, rongona ko gini donaginia laka e tagara goto sa god ke atsa koluau inau tana barangengo popono.

1 Korint 8:6

migita a donagininogoa laka e kesa moa na God manana, aia God Tamana e vusagira na omea sui, migita a mauri vania moa aia. Me kesa moa na Taovia, a Iesu Kristo nogo, mi konina ia ara gini laba na omea sui, mi konina goto aia igita a gini mauri.

Jeremia 10:16

Ma nina God a Jakob e tau saikesa vaga gira igira. Aia nogo e aqosia pipi sui na omea, me viligira na Israel kara lia nina tinoni segeni nogo. Na Taovia Susuliga Sosongo aia nogo na asana.

1 Turupatu Dato 16:25

Na Taovia e loki tsapakae, me ulagana sosongo nomoa igita ka tsonikaea; aia nogo igita ka kukuni loki tania liusigira bâ na god tavosi sui.