Jeremia 10:4 - Ghari

⁴ mara baruginia na siliva ma na qolumila. Mi muri, mara poga kakaiginia na nila gana ke gini tau takeli.

Jeremia 10:4 Iomraidhean Croise

Linge 115:4

Ma niqira god igira ara aqosiginigira na siliva ma na qolumila, ma na limana tinoni nogo ara aqosiginigira.

Linge 135:15

Igira niqira god na puku tavosi ara aqosiginigira moa na siliva ma na qolumila; ma na limana tinoni nogo ara aqosiginigira.

Isaia 44:12

Aia na mane e dona na gini aqo na tapala e adia kesa turina na tapala me kodoa i laona na lake. Mi muri ma na limana susuliga e langâ nina gama gana ke gini tai taonia na nununa na god peropero. Mi kalina aia e aqoaqo e vitoa, me marou, me kolae lê.

Isaia 46:6

Na tinoni ara dona na molokoluana niqira qolumila ma niqira siliva, ma na tovoana na mamavaqira tana omea na tovo mamava, gana kara reia ti vaga ke tugua na aqosiginiana na nununa kesa na god peropero. Mi muri, mara tû, mara bâ volia kesa na tinoni e dona na gini aqosi omea na qolumila, gana ke aqosivanigira ke kesa, mara tsuporu i matana, mara samasama vania.

Isaia 46:7

Mi muri, mara tsebakaea tana kokoveqira mara kalagaivanoa, mara ba moloa tana sasana, mi tana nogo e tu kalavata, me utu goto ke ratsu bamai. Me ti vaga ke kesa ke ba nonginongi vania, ma na titinoni ia e tau goto tangomana ke gokovisu vania se ke laumaurisia tania na rota seko loki.

Hosea 13:2

Igira ara sasi babâ moa tana aqosiginiana na siliva na titinonina na god peropero gana na samasama vaniana, ma na god peropero gira, na tinoni nogo ara botsangigira moa tana niqira papada segeni, mara aqosiginigira na limaqira. Mi muri, mara tû, mara tsaria, “Ida ma ka ba savori-kodoputsa vanigira!” !Migira na tinoni ara ba domigira na titinonina na god peropero tana rereina na buluka!

Habakuk 2:19

!Sauba ke seko sosongo nomoa vanigamu! Igamu amu tû, mamu tsarivania kesa na takutina na gai lê, “!Ko mamata!”, se amu tsarivania kesa na vatu kakatsu, “!Ko tû!” ?Me laka tangomana ke katevulagi vanigamu sa omea na titinoni lê ia? Atsa moa ti amu poroginia na siliva ma na qolumila, me tagara nomoa sa magomago i konina.