Daniel 4:3 - Ghari

³ “!Ara loki sosongo bâ na omea ganataga God e saunogoa vanigita! !Ara susuliga sosongo na valatsatsa aia e naugira! God aia sauba ke taovia tsapakae na dani ma na dani, me ke tagao pipi tana tagu sui.

Daniel 4:3 Iomraidhean Croise

Nina Papi A Job 25:2

“Ma God aia e susuliga sosongo manana; ma niqira aqo na tinoni sui kara kukuni tania; aia e tagaovia na verana i gotu tana rago.

Linge 104:24

!Taovia, ara danga sosongo na omea igoe o aqosigira! !Tana nimu sasaga loki nogo igoe o aqosiginigira mara dangali tovua na barangengo!

Linge 105:27

Mi kaira nogo ara ka gini aqo na susuligana God, mara ka naugira danga na valatsatsa tana Ejipt.

Linge 145:13

Igoe o taovia tsapakae saviliu, mo tagaovi kaputigira na tinoni sui na dani ma na dani. Na Taovia e manaligira na omea sui aia e vekea, mara dou saviliu pipi na omea sui aia e naugira.

Linge 66:7

Aia e tagao kalavata saviliu ginia na susuligana tsapakae, me morosigira dou na omea sui ara naua igira na puku sui. Vaga ia ma kara laka na kaekae igira ara sove na rongomangana.

Linge 72:18

!Tsonikaea na Taovia na God ni Israel! Aia segeni moa e naugira na omea dou sui lakalaka.

Linge 77:19

Igoe o liu tsapatugu i laona na panu; mo savu bâ i laona na maorodo na tasi me tau tangomana kesa ke reia na maleamu.

Linge 86:10

Igoe o susuliga sosongo mo aqosigira na omea dou sui; migoe segenimu o God.

Linge 92:5

!Taovia ara loki sosongo nomoa na omea igoe o naugira! !Ma nimu papada ara vano ao sosongo bâ!

Isaia 25:1

Taovia igoe nogo niqu God; minau sauba kau soadatogo ma kau tsonikaea na asamu tabu. Igoe o naugira danga na omea ganataga loki; mo manaligira saikesa pipi sui na omea igoe o vangaraua na nauaqira i sau.

Isaia 28:29

Na sasaga loki gana na aqo girani e talumai moa i konina na Taovia Susuliga Sosongo. Aia e sasaga loki sosongo me tangomana pipi sui tana omea e naua.

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Jeremia 10:10

Migoe segeni moa Taovia o God mana, migoe na God mamauri, mo taovia tsapakae na dani ma na dani. Mi kalina ti ke momosa tobamu igoe, ma na barangengo popono ke gariri tana matagu; migira na puku sui ara tau tangomana kara baria nimu momosa toba loki.

Daniel 2:2

Maia e tû me mologoko bâ vanigira na tinoni ara dona na katevulagiana na omea e tau vati laba, migira ara basutidao, migira ara dona na solopoke ma na tatada, kara mailaba i konina ma kara nusirongona vania nina bolebole. Mi kalina igira ara mai tû i matana na taovia tsapakae,

Daniel 2:44

“Mi tana niqira tagu na taovia tsapakae girani, maia na God ni baragata sauba ke vaturikaea kesa na verana pukuga, ma na vera iani sauba e utu goto ke taveo. Me tau tangomana kara tuliusia se kara toroutsania, maia moa sauba ke toroutsanigira saikesa pipi sui na vera tavosi, mi muri maia ke totu saviliu na dani ma na dani.

Daniel 4:17

Iani nogo e vaga na omea ara pedea igira na angelo vangatao. Me vaga ia ma kamu tsarivulagi vanigira na tinoni pipi sui tana nauna kara donaginia laka na God Loki Tsapakae e susuliga bâ liusigira sui na taovia tsapakae ni barangengo, me tangomana ke tusua na susuligana vania asei moa aia ke vilia, atsa moa ti na tinoni lê saikesa.’

Daniel 7:14

Me tû aia e mauri saliu, me tusuvania gana mana, ma gana loki, ma gana susuliga tangirongo taovia, rongona ti pipi sui na puku, ma na mamatana tinoni ma na vatana goko kara aqo vania. Ma gana susuliga sauba ke totu saviliu, ma nina tamani e utu goto ke sui.

Daniel 7:27

Ma kara sauvanigira nina tinoni segeni na God Loki Tsapakae kara tamanina gaqira susuliga ma gaqira tangirongo igira na vera loki sui i laona na barangengo. Me sauba kara tangolidato sailaginia na susuliga taovia tsapakae, migira sui na tagaovera tavosi tana barangengo popono sauba kara aqo vanigira ma kara rongomangaqira.”

Roma 11:33

!E loki sosongo rago nina galuve God vanigita! !E sasaga sosongo aia, me donaginigira na omea sui! ?Masei tangomana ke pukua na rongona nina pede? ?Masei tugua ke padagadovia nina sasaga?

Na Vaolusi Ketsa 4:34

?Me laka sa god ke malagai na sage bâ kesa tana veraloki me ke ba lauligigira kesa na puku popono na tinoni tavosi, me ke naua kara lia nina tinoni segeni, vaga nogo aia na Taovia nimui God e nauvanigamu igamu tana Ejipt? Migamu segenimui nogo amu reiginia na matamui kalina God e gini aqo na susuligana loki tana vera ni Ejipt, me mologira na rota seko loki kara gadovigira, me naugira danga na valatsatsa ma na omea ganataga, me tamia kara laba na omea mataguniga loki sosongo i tana.

1 Timoti 1:17

!God, aia na Taovia Tsapakae e totu saliu me vo mate, me utu nomoa vanigita ka reilakana, aia segeni moa e God, me ulagana sosongo igita ka tsonikaea ma ka soalokia na dani ma na dani! Amen.

Hibru 1:8

Mi tana goko e kalea na Dalena segeni nogo, God e tsaria: “!Nimu tamani, igoe Taovia God, sauba ke totu kalavata, me utu ke sui! O tagaovigira nimu tinoni tana pede goto.

Hibru 2:4

Mi tana tagu ia, ma God e paboginia niqira goko tana nauana danga na vatana na valatsatsa ma na omea ganataga, mi tana tuvariana nina vangalaka na Tarunga Tabu vaga nogo aia e pedea.

1 Petero 4:11

Masei e tamanina na vangalaka gana na turupatuna na gokona God, ma nina aqo ke gini turupatu na gokona God vaga nogo e totu tana Mamare Tabu. Masei e sangagira na tinoni, nina aqo ke sangagira ginia na susuligana God nogo e sauvania. Vaga ia, me pipi tana omea sui e dou ti igita ka tsonikaea God ginia a Iesu Kristo, aia e tamanina na mararana loki ma na susuligana tsapakae, na dani ma na dani. Amen.

Na Katemai 11:15

Mi muri, ma na vitunina na angelo e uvia nina tavuli. Mau rongomia na tatangina na goko dangadanga i baragata ara viri guu mara tsaria, “!Kalina nogo ia, kaira God ma na Dalena, aia nogo na Mesia, ara ka tagaovi kaputigira na vera sui tana barangengo popono, me sauba aia nogo ke tagao pukuga na dani ma na dani!”