1 Samuel 5:3 - Ghari

³ Mi tana matsaraka bongibongi dani ngana, ara mai na tinoni ni Asdod mara reia laka na titinonina a Dagon e puka kovoragi tsuna tana kao i matana saikesa na Bokisi na Taso. Mi tana, migira ara sulukaea mara molovisutugua tana sasana.

1 Samuel 5:3 Iomraidhean Croise

1 Taovia Tsapakae 18:26

Mara adimai vanigira kesa na buluka mane, migira ara vangaraua mara nonginongi vania Baal poi tsau tana niaso vota. Mara gugudato mara tsaria, “Baal, ko rongomigami!” Mara gavai polipolia na belatabu ara logonogoa i tana. Mara tau goto rongomia sa omea.

Linge 115:7

Ara tamanina na limaqira, me utu kara tapogadoviginia sa omea; ma na tuaqira, me utu kara gini vanovano; me utu goto ke tangilaba sa niqira goko.

Linge 97:7

Migira sui ara samasama vanigira na god peropero kara paluvangamaqira lê; rongona igira sui na god tavosi ara palatsuna i matana na Taovia mara tsuporu vania.

Binaboli 12:12

“Mi tana bongi nogo ia sauba inau kau liusaviliu i laona na kao popono tana Ejipt, ma kau labumatesigira sui pipi na daleqira mane botsaida na tinoni ma na omea tuavati, ma kau kedegira goto pipi sui na god peropero tana Ejipt. Inau nogoria na Taovia.

Isaia 19:1

Iani nogo e vaga na goko tana rongona na Ejipt. Na Taovia e sagekae i kelana na parako, me maimai tsaku kalea i Ejipt. Migira na god peropero ni Ejipt ara gagariri i matana ia, migira na tinoni e puka lê rebona gaqira susuliga.

Isaia 40:20

Ma na mane e tau tamani tugua ke voliginia na siliva se na qolumila, aia e ba vilia kesa na gai kakai e vô na tola. Mi muri, maia e ba lavea kesa na tinoni e dona dou na katsu omea levolevo, me nongia ke katsu vania kesa na titinonina na god peropero e dona ke tukakai me tau tangomana ke takeli.

Isaia 41:7

Aia na mane logovale ke tsarivania aia e dona na gini aqosi omea na qolumila, ‘!E dou sosongo manana nimu aqo igoe!’ Ma na mane e lasi atsanidoua na titinonina na god peropero e malagaisia aia e bulusaia me tsaria, ‘Na bulu e tangolidou sosongolia!’ Mi muri mara ka tû, mara ka kakaisidouginia na nila na titinoni ia tana sasana.

Isaia 46:7

Mi muri, mara tsebakaea tana kokoveqira mara kalagaivanoa, mara ba moloa tana sasana, mi tana nogo e tu kalavata, me utu goto ke ratsu bamai. Me ti vaga ke kesa ke ba nonginongi vania, ma na titinoni ia e tau goto tangomana ke gokovisu vania se ke laumaurisia tania na rota seko loki.

Jeremia 10:8

Igira sui lakalaka ara bubulega mara tau saikesa sasaga. Ara ba lalave sasani i koniqira na titinonina na god peropero ara katsuginia na gai lê moa.

Sepania 2:11

Na Taovia sauba ke molo matagu vanigira, me ke adipukalia gaqira susuliga na god peropero sui tana barangengo. Mi tana ti igira na tinoni sui kara dona na samasama vaniana moa aia pipi tana niqira kao segeni.

Marko 3:11

Me pipi kalina ti vaga igira na tinoni e totuvigira na tidao seko kara reia a Iesu, me tsaku ara pukatsuna i tuana, mara gudato mara tsaria, “!Igoe manana nogo na Dalena God!”

1 Samuel 6:1

Mi kalina nina Bokisi na Taso na Taovia e totu i laoqira na Pilistia e vitu na vula popono,

1 Samuel 6:5

Nimui aqo kamu aqosigira na nununa na tsomo girani, ma na nununa na bogu ara liuvi sekolia na veramui popono, ma kamu tsonikaea na God ni Israel. Me tau utu aia sauba ke tau nogo kedegamu igamu ma nimui god ma nimui kao.