1 Samuel 22:4 - Ghari

⁴ Me vaga ia, ma David e molokaira na tamana ma na tinana i konina na taovia tsapakae ni Moab, mara ka totu i tana tana tagu popono a David e totu popoi i laona na vatuluma.

1 Samuel 22:4 Iomraidhean Croise

2 Samuel 24:11

Maia na Taovia e tsarivania a Gad, aia nina propete a David, “Ko bâ mo ko tsarivania a David laka inau au molovania ara tu tolu na omea, maia ke vilia ke kesa i tu laoqira. Minau sauba kau nauvania na omea aia nogo e vilia.” Mi tana matsaraka na dani ngana, kalina e mamata nogo a David,

2 Samuel 8:2

Mi muri maia e tuliusigira goto na Moab. Me ketsaligira kara tsaro tana kao i laona ke tolu palatete. Me labumatesigira sui ara totu i laona ruka na palatete, me molo maurisigira igira i laona na tolunina palatete. Migira ara ba totu i vavana nina tagao a David, mara tsoni takesi vania.

1 Turupatu Dato 11:16

Mi tana tagu ia, ma David e totu i kelana kesa na tetena ara barapoliginia na vatu, me kesa na alaala na Pilistia ara totuvia na vera ni Betlehem.

1 Turupatu Dato 12:16

Me kesa dani, migira kesa na alaala na mane tana puku ka koniqira a Benjamin ma Juda ara tû mara ba laba i konina a David tana tetena tana ara barapoliginia na vatu.

1 Turupatu Dato 21:9

Mi muri, maia na Taovia e tsarivania a Gad aia nina propete a David,

1 Turupatu Dato 29:29

Ma na turupatuna nina aqo a David na taovia tsapakae tû tana tuturigana me tsau tana susuina ara maretsunanogoa tana tu niqira papi tugira tolu na propete, a Samuel, ma Natan, ma Gad.

2 Turupatu Dato 29:25

Ma na taovia tsapakae e murigira na omea na Taovia e ketsaliginia a David na taovia tsapakae tana ka mangaqira a Gad nina propete na taovia tsapakae, ma Natan na propete; me mologira na Levite kara tû babâ tana Vale Tabu kolugira niqira tsetsê ma niqira itai tatangi ma niqira uete,

Nehemia 6:11

Minau au gokovisu mau tsaria, “Tau na vatana tinoni kau dona na tsogopoi inau. ?Laka o padâ igoe kau tovoa na maurisi segeniqu tana ba taopoi i laona na Vale Tabu? E utu saikesa kau naua.”

Linge 11:1

Inau au norukakaia na Taovia rongona aia ke ravisiau. Mamu bule rago igamu ti amu tsarivaganana vaniau iani, “Ko lovoligi bâ tana vungavunga vaga kesa na manu,

Mateo 10:23

Mi kalina kara rotasigamu kesa tana vera, ma kamu tsogovano kesa tana vera tavosi. Au tsarivanigamu laka sauba kamu tau vati liuvi tovusia moa na vera sui ni Israel, poi tsau ke visumai na Dalena Tinoni.

1 Samuel 22:3

Ma David e mololea i tana me vano i Mispa tana Moab, me tsarivania na taovia tsapakae ni Moab, “Kiki, ko tamivanikaira na tamaqu ma na tinaqu kara ka mai totu kolugo ieni, poi tsau kalina inau kau tsodovulagia na omea God sauba ke nauvaniau.”

1 Samuel 22:5

Mi muri, ma Gad na propete e mailaba i konina a David me tsarivania, “Ko laka goto na totu ieni. Ko tû mo ko vano tsaku tana butona kao ni Juda.” Bâ, ma David e mololea i tana me vano tana legai atsi ni Heret.